مستقبل فتاة

مابعد النهايه

هلو بنات اشلونجن اول شي كل عام وانتن بخير

حبيت بهذا البارت اتناقش وياجن بموضوع القصه واوضح اشياء اهواي

اول شي عادل سوة عمليه للقلب بنفس الفترة الي الزمت بيها نونه بالمدرسه وبقه بالمستشفئ شهر كامل تقريبن ومن صحه عرف انو نونه نخطبت واجه لبيتهم

بس سوسو بنت عمها ماكلتلها وكايله لعادل انو نونه ماتريد تحجي وياك يعني مجذبه عليه طبعا نونه ماعرفت هل شي اله بعد زواجها

وبالنسبه للي غلطو علئئ نونه ترة هيه ماسوت شي

الشي الوحيد الي سوته جان الحب حبت شخص عاشت ويا قصه حب بس مصار من قسمتها

يعني رب العالمين مارادها اله واعتقد الكل مرت بهيج تجربه مو بس هيه

وره قصه حبها رب العالمين دزلها زوجها وتزوجته وعايشه هسه هيه ويا احله عيشه الحمدالله وهو انسان محترم حبها وحبته

بس الشي الي انتن ماعاجبجن انو هيه وسوسو بينهن غلط اهواي وترة عادي هسه انتن وصديقاتجن مابيناتجن غلط شنو

وبعدين الكل اي ابنيه من تطلع يصجمونها او يتغزلون بيها هل شي مو بس عد نونه حتئ تحجن عليها اتمنئ تفهمن القصه كلها وتسالني علئ الشي الي مافاهماته قبل لا تنطن رئيجن

يمكن صارلي هواي من ناشرة القصه ويمكن محجيتها بصورة صحيحه بس هاي جانت اول قصه انشرها ومامتتبه لاغلاطي بيها

نونه حبته لعادل فوك متصورون بس هيه جانت صغيرة يعني مجانت تعرف شنو تسوي وخوفها من اهلها والناس خلاها اول مايلزمونها بالمدرسه ماعرفت شنو تسوي وين تروح

وبنت عمها الي جانت اعز من اختها عليها باعتها يعني سوسو بنت عمها مكالتها عادل يتصل عليج ويسال عليج اله بعد ماتزوجت

نونه نخطبت لمحمد وهيه عبالها عادل باعها وخانها وشرد يعني عبالها انو من درة بيها الزمت بالمدرسه باعها وماسئل عليها

وهذا السي الي خلاها توافق على محمد

عاشت وي محمد صح ماخذها باول فترة ومحمد جان انسان محترم يعني صبرلها مو شهر وشهرين لا سنه ونص تعرفن شنو يعني سنه ونص تعيشين بغرفه وحده وي رجال ومايتقربلج من يشوفج تبجين يعوفج

والحمدالله رب العالمين رزقها بهيج شخص نونه يمكن حبت بصورة غلط بس اي ابنيه جانت بمكانها وبنفس ضروفها حان سوت نفس الشي

وهيه صغيرة منو ينصحها اقرب شي للبنيه امها وبالفترة الي جانت محتاجه امها بيها امها مجانت يمها

المهم انو نونه ورة زواجها ورة حملها يله عرفت بوضع عادل رهف سولفتلها وكلتها انو هو بيوم حنتج اجه وبيوم عرسج هماتين اجه وشافج بالسيارة وي محمد