النجمة البعيدة

الجزء السابع عشر

مياسين : وضع قمر عجيب تبجي بهدوء ومااعرف شبيها اسألها متجاوب شبيج منو وياج علي وياج ساكته بس تبجي مردت قلبي عفتها براحتها واليوم كله اطب واطلع عليها اشوفها كاعده وحاطة راسها بين رجلها وتبجي سألتها كالمعتاد ماكو جواب كلت مابيها مجال اخابر علي واسأله

ادك محد يجاوب مره مرتين ماكو شنو الصار

قمر : مرت اشهر على علاقتي بعلي جان احن مخلوق عليه حبه عوضني عن هواي شغلات اما غيرته فديته تًجٌـــ😍ــنّنُٓ حصره واحد يباوعلي يتعارك رغم جنت مرات اضوج وانحرج بس شسوي هاي عقليته اكثر ملابسي غيرتهن  م̷ـــِْن وراه المكياج قليل كلش واحيانا بس الكحل مسموح حبيت اهتمامه وخوفة اما الغزل مالته
هههه  يكطع يحير شيحجي بس حب نقي شريف بعيد عن الامور الجنسيه الي تصير بين الگبلات حتى الصلاة مالتي التزمت بيها  م̷ـــِْن وراه لان دائما يكلي انتي زوجتي واريدج حتى بالجنه اطلبج  م̷ـــِْن إٱللـِْﷻـِْﮭﮧ حوريه اليه لان مستحيل اشوف غيرج حوريه وحبيبة لقلبي
صرنا اني وعلي روميو وجوليت الكليه الكل تحجي بينا منتفارك بس بالمحاضرات ولو بيده حتى المحاضرات يحضرها ومره سواها المخبل ههههه اجه كعد ويايه بالمحاضره
علاوي شجابك

علي : اشتاقيتلج وكلت اشوف الكبد مالتي
قمر : علاوي ميصير عيب منا الطلاب وهسه الاستاذ اكيد يسألك شعندك هنا

علي : اكله اجيت استفيد  م̷ـــِْن خبراتك استاذ
قمر : علوش انت مرحله ثالثة وقسمك غير قسمي شتستفاد بله
علي : استفاد اخذ صحه وعافية  م̷ـــِْن هلوجه الي يخبل 😍

قمر : علوش قلبي لتخجلني هسه تخلص المحاضره كلها ساعتين واشوفك

علي : حيل يعني 120 دقيقة يعني 7200 ثانيه واني مااكدر ابتعد عنج ثانيه وحده لا عيني لا خليني يمج مشتاقلج  يمه  م̷ـــِْن فدوه للشفايف
قمر : ههههههه والله مو طبيعي
عزه دخل الاستاذ

وظل يشرح واني كلشي مفتهمت  م̷ـــِْن وراه مره يلزم ايدي مره يكتب بالدفتر اموت على عيونج اعشق شفايفج وسوالف غزل واني اضحك ومنزله راسي ليشوفنا الاستاذ وفجأه شافة

الاستاذ : انت
علي : نعم استاذ عليه
الاستاذ: انت مو طالب هنا اني اعرف گـ❈ٍـْلٍ الطلاب واول مره اشوفك
علي : تدري صدك استاذ اني هم اول مره اشوفك

قمر : عزه الطلاب كلها تضحك والاستاذ صار نار واني اضحك على سوالفة وطرده الاستاذ ومن وصل للباب دزلي بوسه بالهوا والطلاب كلها تباوع واني ميته خجل   خًًًًًًًٍٍُّٓـًًًـًًًًًٍٍٍٍٍٍٍُِّٰـ👌ـًًٌٍِّٓرًًٍِِّب ببليسك دومك شاهرني بس اموت عليه

جانت ايامي ويه علي مثل الحلم الوردي الي مااريده يخلص محاوطني بكل حب حتى  م̷ـــِْن يتعصب عليه ميبقى زعلان اكثر  م̷ـــِْن ساعه لا اني اتحمل زعله ولا هو
علي : قموره بعد مااتحمل
قمر : خيرك قلبي شبيك