ثقتي ورطتني

البارت 1-2-3-4

قصه رقم 51

ثقتي ورطتني

البارت الاول
خلي اعرفكم على نفسي...
اسمي ريتاج عمري 25 سنه خريجة كلية تربيه شكلي متوسطة الجمال مثل اي بنيه ولحد هسه ممتزوجه كل صديقاتي الي بعمري اتزوجوا وصار عدهم اطفال واني لا وحتى تعيين متعينت ومليت من هالكد ميسألوني الناس ليش متزوجتي وليش بعدج لهسه ممتزوجه عبالك بيدي....
حتى اهلي مليت من نظراتهم اليه عبالك اني السبب واني بنظرهم بعد كبرت محد يتزوجني واني اصلا بعدني زغيره بس بجتمعنه هيجي عمر جبيره ولازم تتزوج مع الاسف مجتمع متخلف....
حتى صديقاتي ماحب احجي وياهم هوايه ومن اتخرجوا واتزوجوا اتغيروا عليه بس عندي صديق عزيز عليه اعتبره مثل اخويه ويعرف عني الصغيره والجبيره كولشي اسولفله وهو يسمعني وينصحني وهو بيتهم بصف بيتنه اسمه واثق....
واثق عمري 29 سنه خريج كلية هندسه ومتعين وحالتي الماديه زينه قبل 6 سنوات سافرت اني واهلي وهناك اتعرفت على بنيه هم من العراق ومسافره وحبيتها وجانت علاقتنه كولش حلوه وخطبتها بس كملت فرحتي ماتت بحادث....
بعدها كرهت كولشي وذكرياتها بقت تلاحكني وقررت ارجع للعراق اهلي رفضوا بس اني اصريت ارجع ورجعت للعراق واستقريت هنا واخذت بيت وحدي وبعد مكدرت ارتبط بأي انسانه لان الحزن الي سببه اليه فراك ميس الهسه بداخلي .....
وعندي صديقه واخت واعتبرها كل اهلي وهي الي تخفف عني الي هي ريتاج....
البارت الثاني
ريتاج اني عندي فيس وداخله بكروبات وهذا ولد ويايه بالكروب دائما يدخلي خاص بس مارد عليه بقه يلح كولت خلي اشوفه شيريد..

نزار: مرحبا ممكن احجي وياج...
ريتاج: نعم اتفضل اخي...
نزار: طبعا ماعرف منين ابدي وياج بس اني صارلي فتره وياج بنفس الكروب واتابع منشوراتج وتعليقاتج واشوفج متحجين ويه ولد.... واسلوبج حلووو ومبين عليج خوش بنيه وبصراحه عجبتيني وحاب اتعرف عليج اكثر واي شي تردين تعرفينه عليه سأليني ...
ريتاج: اعذرني اخي ماحب هيجي سوالف وبحياتي ممسولفه ويه احد...
نزار: واني مكايلج شي ولا كايلج نطلع اني وياج مجرد نسولف ونتعرف على بعضنه وتعرفيني واعرفج ....والله حبيتج مو بس معجب بيج وماضغط عليج واتمنى تصيرين من نصيبي لان ماألكه بأخلاقج وامي دتدورلي بس اني رافض اريد اني اختار...
ريتاج: اعتذر منك روح شوف غيري...
نزار: اني ماضغط عليج فكري بكلامي زين ورجعيلي خبر نسولف مجرد اصدقاء منا لمن تتعرفين عني وتكومين تثقين بيه...
ريتاج: الله كريم باي ...
نزار: بايات؛
نزار: خلي اعرفكم على نفسي عمري 32 سنه وصارلي فتره مراقب ريتاج واشوفها متحجي ويه احد عجبني اسلوبها...
ريتاج: نهيت المحادثه وياه وبقيت افكر بكلامه خايفه بس بنفس الوقت فرحانه كولت الله يحبج واجاج واحد ويريدج وتتزوجين وتخلصين من حجي العالم....بقه نزار تقريب 3 اسابيع بين كل كم يوم يدخلي خاص ويحجي ويايه بس اني مارد عليه ....بس بداخلي اريد احجي وياه حسيته هو المنقذ اليه من ظروفي...كلت خلي اخذ رأي واثق...