ثقتي ورطتني

البارت 5-6-7-8

البارت الخامس
ريتاج:شغلت اغاني وبقيت انظف وافكر بعرسي وشلبس وشسوي ويابدله اختار ويالون البس بقيت بس اضحك ممصدكه نفسي وكول شويه اروح اباوع على روحي بالمرايه اكول صدك الدنيا ضحكتلي....
نزار: هلو رتوجتي...
ريتاج: ها يروح رتوجتك...
نزار: حبي شوكت تجين امي ذبحتني تريد تشوف الي سرقت كلبي وخلتني اوكع بحبها..
ريتاج: فديتك انت وامك، ماعرف شوكت وخاف ماما متقبل...
نزار: حبي شنو متعرفين احجي وياها اطعلي من البيت بأي عذر ...
ريتاج: اوك تدلل...
نزار: يلا روحي حاجيها ورجعيلي خبر...
ريتاج: اوك ، رحت حاجيت ماما كوتله ضايجه وواريد اروح للكليه صديقاتي رايحات واريد اروح نجمع هناك شويه نتونس بالبدايه رفضت بقيت الح عليها وافقت...
نزار: بقيت منتظر ريتاج ترجعلي خبر تأخرت...
ريتاج: هلو...
نزار: هلوات وين جنتي ...
ريتاج: غير جنت احجي ويه امي كوه قنعتها يلا وافقت..
نزار: شنو هو قرار جمهوي ...
ريتاج: هههههه لعد شعبالك ماكوا شي يجي بسهوله..
نزار: فديت عمتي المستقبليه ...
ريتاج: هههههه ..
نزار:: شلون قنعتي امج ...
ريتاج: كوتلها صديقاتي مجتمعات بالجامعه واريد اروح وياهم شويه نتوني حيل ضايجه...
نزار: اممممم خوش تخططين...
ريتاج: اي...
نزار: شوكت تجين ...
ريتاج: بعد 3 ايام..
نزار: ليش ؟؟؟؟
ريتاج: حبي اريد اروح اشتري ملابس وارتب نفسي حتى يشوفوني مرتبه ...
نزار: براحتج بس انتي حلوه بكل حالاتج...
ريتاج: تسلملي...
ريتاج:ثاني يوم كولت لامي اريد اشتري ملابس جديده اروح بيهن  امي كيفت كالت بلكت وحده من صديقاتج تخطبج لاخوها لو حماهه لو يشوفج احد بالجامعه ويخطبج وودتني صالون وحفتلي واشتريت احله ملابس واني فرحانه وامي هم لان تريد بس تزوجني...
نزار: وينج شو تاخرتي ...
ريتاج: حبيبي مو كوتلك رايحه اشتري ملابس ...
نزار: اي اعرف بس مو هالكد تطولين واتصل بيج متردين...
ريتاج: حبي جانت امي ويايه مكدرت ارد ومناك رحت للصالون حفيت ورتبت نفسي...
نزار: امممم افتحي كام خليني اشوفج..
ريتاج: لا من اجي تشوفني...
نزار : اوك ..
ريتاج: صار الموعد بدلت ورتبت نفسي واخويه وصلني للجامعه...
نزار: رحت للجامعه ريتاج: وكفتلي بمكان ورحت بسيارتي اجيبها..
ريتاج: اجه بسيارته كلبي كام يدك اول مره اشوفه وجه بوجه...
نزار: ها حبي شلونج..
ريتاج: الحمد لله ..
نزار: ليش كاعده ليوره تعالي هنا انتي بعد مرتي..
ريتاج: لا هنا مرتاحه اكثر..
نزار: اوك ..
ريتاج: طول الطريق نزار يباوع عليه ومشغل اغاني واني كلبي مثل الطبل يدك وخجلانه وصلنه للبيت دك الباب طلعت بنيه مبينه اكبر مني سلمت علينه ورحبت بيه ودخلت للبيت واني حيل فرحانه ممصدكه نفسي...
البارت السادس
نزار: دخلت ريتاج واشوف الفرحه بعيونه وتباوع عالبيت...
ريتاج: دخلتني البنيه للصاله مال الضيوف كعدت وجابتلي عصير وره شويه اجه نزار كعد يمي...
نزار: ها حبي فرحانه..
ريتاج:اي حبيبي ...بس امك وين ..
نزار: حبيبتي هسه شويه وتجي... واختي راحت تكمل شغلها خلي نكعد نسولف اني وياج بين متجي امي...
ريتاج: اوك حبي...بقينه نسولف وامه اتاخرت شويه قلقت..
نزار: حبي تعالي اشوفج البيت...
ريتاج: اوك حبي...
نزار: اخذت ريتاج اشوفها بالبيت ...
ريتاج: لعد وين امك شو ماكوا...
نزار: خلي اشوفها يمكن بالغرفه...
ريتاج: هو فتح باب الغرفه واني واكفه بوراه وجرني من ايدي...
نزار: فتحت الباب وجريتها من ايدها وسديت الباب...
ريتاج: نزار شبيك ليش هيجي تسوي ووين امك...
نزار: قفلت الباب وشغلت الضوه..
ريتاج: ليش تقفل الباب افتحه وبقيت اصيح..
نزار: اسكتي ولتحجين..
ريتاج: اذا مفتحت الباب ابقه اصيح واخلي اهلك يلتمون...
نزار: ههههههه ابقي صيحي اصلا محد بالبيت...
ريتاج: شنو محد بالبيت لعد امك واختك الي طلعت فتحت الباب وين راحت...
نزار: ههههههه ياأمي ياأختي هذا بيتي والي فتحتلج الباب هايه صاحبتي ومتفق وياها.... تفتح الباب حتى تطمنين وتدخلين للبيت وسوت الي عليها وراحت بقينه بس اني وياج بالبيت....
ريتاج: ليش هيجي دسوي انت كوتلي اهلي يردون يشوفوج واني صدكتك واجيت على هذا الاساس...
نزار: هايه مشكلتج محد كالج تصدكين...
ريتاج: بقيت ابجي دريت بيه شيريد مني،،، ليش هيجي مو اني حبيتك وثقيت بيك من دون هالشباب...
نزار: محد جبرج اني راسلتج وانتي وافقتي محد كالج تتقشمرين بسرعه وتصدكين بهالعمر وينضحك عليج بحجايه ههههه الله اعلم كم واحد قبلي مصدكه بيه ومسويه بيه علاقه...
ريتاج: احترم نفسك لك اني حبيتك وثقيت بكلامك..
نزار: من كل عقلج تصدكين بواحد يجيج عن طريق الفيس  لو شريفه مسويتي هيجي...
ريتاج: اسكت حيوان اني اشرف منك...
نزار: انتي شريفه لو شريفه مخنتي ثقة اهلج وضحكتي على امج وكولتيلها رايحه اشوف صديقاتي واجيتيني هنا للبيت...
ريتاج: هذا كوله علمودك لان احبك...وبقيت ابجي واغلط عليه وادك عالباب..
نزار: سحبتها من ايدها وجريتها بالكاع وبقيت اضرب بيها وهي تغلط واخذت منها الي اريده واخذتلها  صور وهي بدون ملابس..
ريتاج: اعتده عليه واخذلي صور واني ماعرف شسوي بس ابجي وادعي ...الله يطلعها بخواتك والله ينتقم منك ياحقير...
نزار: طبعا هايه مو اول مره اسويها دائما اصطاد فريساتي عن طريق الفيس واوكعهن بنفس الاسلوب وهم يجن ووسن تفتحلهن الباب وتروح وسن متعوده على هالشي وشوكت ماريد اروحلها واهلي متبرين مني لان يعرفون بيه عندي سوالف مو زينه وملوا مني وعايش وحدي ويوميه اضحك على وحده...
ريتاج: بالكوه كمت لبست ملابسي...
نزار: ابقي شويه ارتاحي يلا ترحين اني اوصلج حتى لحد يشوفج بهالحال...
ريتاج: ماعليك بيه وامسح صوري شفتك صورتني...
نزار: صور مامسحهن مبقيهن يمي من اشتاقلج اشوفهن واني اريد مصلحتج ارتاحي يلا ترحين ماريدلج الفضيحه..
ريتاج: والله ضحكتني جكد شريف،،، بقيت ارتاحيت وغسلت وشريت مي وعدلت وجهي حتى لحد يشك بيه من اهلي ونزار وداني وصلني لاهلي ودخلت للبيت الغرفتي امي سألتي كوتلها افتريت هوايه اني والبنات وتعبت صارلي هوايه مطالعه وراسي كام يوجعني هالكد مسولفنه...
البارت السابع
نزار: وصلت ريتاج للبيت والصور مبقيهن بالجهاز وكل بنيه اطلع وياها اخذلها صور ماعوفها هيجي تفلت وبعد لازم افرغ نفسي واتعرف على وحده جديده لان ريتاج بعد وكعت....
ريتاج: دخلت للغرفه وقفلت الباب وبقيت ابجي  واذكر كلامه قبل ووعوده والاحلام الي حلمتها وياه واتذكر الي سواه اليوم اني شسويت بروحي ضيعت روحي اكثر مماجنت اني ضايعه... ليش هيجي اني قبل ومحد خطبني الا هسه من بعد الي صار والله اهلي اذا عرفوا بيه يموتوني ....بقيت كم يوم ابجي وماعرف شسوي ونزار لا يتصل ولا يراسل وحتى واثق ممخابرته وبياوجه اخابره بعد الشي الي سويته ...وبس احجي وياه يحس بيه شي وماريد اشغله بمشاكلي واني استاهل الي صار بيه بسرعه ثقيت بنزار واني كولت بس صداقه ...
نزار: مر اسبوعين عالشي الي صار بيني وبين ريتاج وطلعت التلفون وشفت صورها واني اشتاقيتلها كولت صار وكت العب بالصور هي مثل كل مره ورحت خابرتها..
ريتاج: بقه نزار يتصل مردت بعدين كولت يمكن اتندم عالشي الي سواه ويريد يصحح غلطه خلي ارد عليه...
نزار: هلو ..
ريتاج: هلا...
نزار: شلونج...
ريتاج: شتريد اكولك زينه مثلا..
نزار: اني مشتاقلج واريدج تجيني للبيت...
ريتاج: حيوان تريدني اجيك واني عبالي متصل اتندمت عالسويته وتريد تتزوجني..
نزار: هههههه اتندم على  شنو اني مجبرتج...
ريتاج: بعد لا تتصل بيه وسديته...
نزار: سدته بوجهي دزيتله كم صوره من صورها عالفيس وكوتلها اذا متجين انشرهن...
ريتاج:وصلتني الصور كمت ارجف يربي هذا شلون اخلص منه ورجعت اتصلت بيه..
نزار: ها يحلوه رجعتي اتصلتي انتي بنفسج...
ريتاج: شتريد مني الله يخليك عوفني بحالي وامسح صوري وكل الي صار بينه راح ماكوله لاي احد بس عوفني..
نزار:كافي لغوه صورج عندي واذا مجيتي انشرهن وكل ماريدج تجيني وبدون حجي زايد واذا متجين الصور موجوده انشرهن واخليج تنفضحين واهلج يقتلوج...
ريتاج: الله يخليك امسحهن ولا تفضحني وجيه البيتك مااجي لو تموت...
نزار: اسمعي الكلام حبابه والي قبلج هم رفضن وبعدين استسلمن وكامن يجني كول مااطلبهن واوعدج امسح صورج...
ريتاج: صدك تمسح صوري شوكت..
نزار: اي والله امسحهن بس مو هسه يحلوه من امل منج يلا امسحهن...
ريتاج: جيه مااجيك وسديته..
نزار: ادري بيها تخاف من الفضيحه وراح تجيني ...
البارت الثامن
ريتاج:بقه نزار يخابر ويراسل ويهدد اله اروحله لو ينشر الصور وماعرف شسوي.... خايفه وادري متفض اذا اروحله هالمره يبقه كل مره يبتزني ويخليني اروحله واضيع اكثر...قررت اخابر واثق واخليه يساعدني...
واثق: هلو وينج مختفيه...
ريتاج: موجوده بس ملتهيه ...
واثق: شلونج...
ريتاج: مو زينه وبقيت ابجي ...
واثق: احجي شكو لتشلعين كلبي...
ريتاج: ماعرف شكولك بس واكعه بمشكله ومعندي احد غيرك اشكيله..
واثق: الله اليستر يامشكله خوفتيني احجي بسرعه..
ريتاج: نزار ....
واثق: شبيه اهلج موافقوا عليه لو كشفتي يخونج دحجي عاد...
ريتاج: علوه لو على هايه اهون سولفتله كولشي واني ابجي وهو يبجي ويايه...
واثق:من بقت تحجي واشوفها تبجي انقهرت متستاهل هيجي يصير بيها ...ليش ولج هيجي سويتي ولج انتي الي محاجيه ويه ولد بيوم واني نصحتج... كوتلج ابقي بس صداقه وياه ولا تتعلقين بيه وتثقين بيه ليش هيجي لو من البدايه كايلتلي... جان مخليتج ترحين وياه...
ريتاج: والله مالي ذنب هو قشمرني واني صدكت وهو منعني احجي وياك وكالي اغار عليج تحجين ويه احد...
واثق: اي منعج دره بيج متضمين شي عليه وخاف تكوليلي واكشفه وامنعج ترحين وياه ..
ريتاج: فدوه الله يخليك ساعدني ديهددني بالصور لو اطلع وياه لو ينشرهن...
نزار: والله لو بيدي اموته هالسكط تعرفين انتي شنو مثل اختي والي يصير عليج يمسني اني قبل ليمس اهلج ومشكلتج مشكلتي خليني هسه اكعد افكر شلون نتخلص من هالسالفه..
ريتاج: اوك اعوفك هسه ب...
واثق: اوك ديري بالج على نفسج ولتبجين لخاطري..
ريتاج: اوك باي...
واثق: الله وياج ...سديته منها واني حاير ادري تاليها فضيحه شبيها الناس باعت ضميرها واخلاقها ...وكمت اتذكر شلون يوميه نشوف صور وحده منشوره بالنت ومفضوحه كولت مستحيل اخلي ريتاج بهالموقف وتنشر صورها اسوي كولشي حتى اساعدها...
ريتاج: سديته من واثق وبقيت ابجي وبعدها بكم ساعه  اتصل بيه نزار وكالي الاحد موعدج تجين اذا مجيتي فسما بالله انشر صورج... وهايه اخر فرصه الج اذا مجيتي تنشر الصور وبعد ماتصل بيج ولا اراسل منتظرج اذا مجيتي تعرفين الي يصير بيج بقيت ادك على  راسي ربي دخيلك ساعدني معندي غيرك فدوه ....