ثقتي ورطتني

البارت 9-10-11-12-13-14 الأخير

البارت التاسع
واثق: بقيت افكر راسي راح ينفجر شلون الكه طريقه واحل هالمصيبه... وريتاج رجعت اتصلت بيه...
ريتاج: واثق فدوه الحكلي هسه خابرني نزار وكالي موعدج الاحد تجين هايه اخر مره اتصل بيج اذا مجيتي انشر الصور ساعدني الله يخليك...
واثق: جاي افكر بحل اذا اروح اراقبه واسحب التلفون منه خاف عنده غير تلفون وبيه الصور وينتقم منج اكثر ..
ريتاج: لا الله يخليك هو عباله اني مكايله لاحد واذا يدري بيه كايله لاحد يفضحني..
واثق: لا اريد حل ميعرف احنه وميأذيج..
ريتاج: انشاء الله باي..
واثق: بابات... واثق بقه 4 ايام عالموعد الي حدده وادري بهيجي نفسيات ضعيفه اذا محصل الي راده من البنيه يفضحها... بقيت افكر لحد مااجتي خطه على بالي واتصلت بريتاج...
ريتاج: الوووو واثق..
واثق: ريتاج اسمعيني لكيت خطه..
ريتاج: فدوه كول اسمعك...
واثق: لازم ترحين لنزار يوم الاحد...
ريتاج: شلون اروحله صدك تحجي...
واثق: بس اسمعي خلي اكمل ...
ريتاج: اوك..
واثق: اتصلي بيه كوليله راح اجيك بس اهم شي متفضحني وترحين للبيت واروح وياج وتدخلين وتفتحيلي الباب  حتى اني ادخل واخذ التلفون وصورج وكولشي خاص بيج وابقه اضرب بيه لحد مااخذ منه كولشي ونخلص منه...
ريتاج: بس خايفه وثاني شي شكول لاهلي وين رايحه...
واثق: شيريد يصير  اكبر من هالمصيبه لتخافين اني وياج ومراح يسويلج شي واهلج كوليلهم جايه تعينات وواثق يريد ياخذني نقدم...
ريتاج: اوك ...فكرة واثق عجبتني بس خايفه خاف تمشي الخطه مو مثل مااحنه مخططين الها وتصير شغله اكبر من هالمصيبه ...بس الشي الي يخليني شويه ارتاح واثق ويايه لان عندي ثقه بيه...
نزار: خابرتني ريتاج كالت الاحد الصبح اني يمك فرحت يعني استسلمت واخيرا وين تروح مردها ترجعلي صورها عندي..
ريتاج: صار الموعد ورحت ويه واثق بالسياره ودكيت الباب طلعلي نزار بينت نفسي اني ممضغوط عليه ودخلت جوه يمه...
واثق:ركنت السياره شويه بعيد عن بيته وبقيت منتظر...
ريتاج: بقه نزار يسولف وكالي يلا تعالي للغرفه بقه يسولف  ويركص جراني اركص وياه وبقيت اسايره.... بعدين نام عالفراش وكالي تعالي يمي كمت ارجف ...
نزار: شبيج متجين لعد المن انتي جايه ...
ريتاج: عطشانه هالكد مركصنه اروح اشرب مي واجيك...
نزار: اوك منتظرج.
ريتاج: رحت بسرعه فتحتله باب المطبخ لان باب الشارع اصلا ممقفول ومفتوح ودزيت رساله لواثق ...حتى يدخل ومسحت الرساله ورجعت بسرعه خاف يشك بيه نزار...
واثق: من دزتلي الرساله طبيت بهدوء من باب المطبخ مشفت احد بس اسمع صوته بالغرفه اتقربت عالغرفه..
ريتاج: من دخلت للغرفه اتعمدت اعوف الباب ماقفله حتى واثق يدخل بالوقت المناسب...
واثق: بقيت اباوع عليه وشفته كام يتقرب منها دمي كام يفور...
ريتاج: بقه يتقربلي واني خايفه اخر شي حضنته حتى ميشوف واثق وصار ظهره للباب اشرت الواثق يدخل ادري بيه موجود وره الباب..
واثق: دخلت بهدوء وكمشتها من ايدي وبقيت اضرب بيه حيوان تستغل بنيه وتهددها بشرفها...
نزار: من شفته عرفته هذا واثق بقيت اقاومه وهو يضرب بيه ... اني اعلمج ريتاج تسويلي مقلب ...
ريتاج: وكفت على جهه وهو يضرب بيه وادعي الله يستر وتفض على خير...
واثق : بقيت اضرب بيه بقوه دميته وخكته وين الصور انطينياهن..
نزار: بعد ماكدر ادافع عن نفسي خفت يخنكني ويموتني انطيته التلفون...
واثق: اخذت التلفون انطيته لريتاج.... بعد انطيني النسخ الباقيه متاكد عندك نسخ...والله اموتك وماطلع اليوم اذا ماامسح كولشي خاص بيها..
نزار: انطيتها تلفون ثاني جنت ضامه هم بيه صور وبالكنتور هم اكو رام حافظ بيه صورها انطيته اله......
..
البارت العاشر
واثق: بقيت اضرب بيه وهو يحلف بعد معنده اي صور اتاكدت معنده لان عالضرب الي ضربته اله خليته ينطيني كولشي... خاص بيها عفته وكلتله  بعد بالك تتصل عليها والله اندمك واموتك انساها...
ريتاج: بقيت ابجي اني وواثق كام يسكت بيه وخليت التلفونات والرام بجنطتي..
نزار: التهوا واثق وريتاج اني مديت ايدي عالجرار الي يمي بيه سجينه طلعتها وكمتله ...
ريتاج: نزار صار وره واثق وسجينه بيده طعنه بيها بظهرها ...
واثق: محسيت بيه كام جنت ملتهي ويه ريتاج...ومن ضربني وكعت...
نزار: الا اموته بقيت اضرب بيه بوكسيات..
ريتاج: بقيت ادفع بيه عن واثق وشفته يريد يضربه مره لخ بالسجينه ...رحت اكو مزهريه شلتها وضربته على راسه..هو وكع بس خفت هم يكوم ورجعت ضربته هم على راسه ...وبقيت اتذكر شلون اغتصبني وهددني بدون وعي كمت اضرب بيه واغلط عليه...
واثق: صحيت شلت راسي واشوف ريتاج تضرب بيه...عوفي راح تموتي وتبلينه..
ريتاج: بقيت اضرب بيه فقد النفس كام ميتحرك ذبيت المزهريه ورحت لواثق..
واثق: هذا يمكن مات بالكوه كمت حركته ميتحرك كلت هذا اكيد مات ....ريتاج بسرعه كومي امسحي كل بصماتنه من الغرفه واي شي لزمناه...
ريتاج: اني ارجف من الخوف وكمت امسح كولشي مدينه ايدنه علينه ...
واثق: يلا بسرعه خلي نطلع لا احد يشوفنه...
ريتاج: لزمت واثق وفتحت باب الشارع شفت ماكوا احد بسرعه طلعنه وصعدنه بالسياره..
واثق: كمت اسوق وظهري يجري دم ...
ريتاج: انت لازم تروح للمستشفى كاعد تنزف..
واثق: تردينه ننفضح يامستشفى...
ريتاج: خايفه خاف يصير بيك شي..
واثق: لا تخافين ولزمت التلفون خابرت على صديقي وكوتله يدبرلي ممرض او مضمد ويسبقني عالبيت..
ريتاج:اروح وياك للبيت واطمن عليك يلا اروح..
واثق: لا روحي صديقي راح يجي وخاف احد يشك...
ريتاج:وصلني واثق للبيت وهو دخل البيتهم..
واثق: اجه صديقي ووياه ممرض ضمد جرحي وخيطه وراح المضمد وسألني كولتله عركه اني وواحد وضربني وحاولت اسد الموضوع..
ريتاج: اتصل على واثق ميرد ظل بالي عليه..
واثق: راح صديقي شفت التلفون خابرت عليها..
ريتاج: وينك ظل بالي عليك...
واثق: توه طلع صديقي وخابرت عليج..
ريتاج: شلون صرت ...
واثق: الحمد لله وين ليظل بالج ولتلفون طلعي وامسحي كولشي بيه والافضل كسري...
ريتاج: صار وكت الغده امي صاحتني اتذكرت واثق كوتلها خطيه تعب ويايه اليوم خلي ندزله غده واخذت الغده دكيت الباب وانطيته اله..
واثق:اتغديت وكملت ونمت من التعب ..
ريتاج: دخلت للغرفه طلعت التلفونات طبعا حتى للرمز انطاه النه فتحتهن بسرعه رحت عالفيس شفت محادثتي وياه وكومه محادثات ويه بنات مقريت بسرعه مسحت وسديت الصفحه وكل المحادثات بأي برنامج مسحتهن ولكيت اشكال صور البنات اكيد هذني كولهن مستفزهن مسحتهن وكسرت التلفونات والرام سويتهن طحين ...
واثق: ثاني يوم كولت اروح اشوف نزار ميت عدل فتت من يم الباب ماكوا شي.... لا هوسه ولا قطعه مال فاتحه بس لا بعده عدل ممات..
ريتاج: خابرني واثق كالي بيت واثق ماكوا يمه ناس ولا شي خفت يربي بس لا يطلع بعده عايش ويرجع وينتقم مني ...
البارت الحادي عشر
واثق: بفيت افكر هذا وين صار...
ريتاج: كتلني الخوف ..
واثق: كولت ارجع ثاني يوم واشوف ...رحت وصلت للبيت لكيت قطعه متكوب عليها انتقل الى رحمة الله وعنوان الفاتحه بياجامع ...رحت عالجامع ولكيت اسمه اتاكدت هو مات والظاهر هذا محد يسأل عليه وبوقت متأخر يلا عرفوا بيه مات...
ريتاج: خابرني واثق وكالي مات ارتاحيت بس هم التفكير موتني من اتذكر اني قتلت شخص..
واثق: هذا الموضوع بعد لتجيبين سيرته وانسي كولشي صار ...هو جلب وجان لازم يموت ومن موتناه واخذنه التلفونات نقذنه هوايه بنات من شره..
ريتاج: اي والله لان لكيت اشكال الصور للبنات مصورهم....مرت 5 اشهر ويوميه اتذكر الحادثه وشلون موته وابقه ابجي واتذكر حالتي شون اتزوج وين اروح...وبيوم كاعده واجتي امي واختي كالتلي خالت زوجها شايفتني وتريدني لابنها وحالته الماديه زينه وموظف اني بسرعه رفصت كوتلهم ماريد اتزوج امي بقت تلح كالت يجي وتشوفي اذا بيه عيب نرفض... واجوي اهله وشفت الولد مبي شي يتعيب واهلي بقوا يلحون وابويه كوتلهم ماريد اتزوج وواثق كالي لتوافقين لان تنكشفين وتنفضحين ...بقوا اهلي يشكون اكو شي ودارفض لان ماكوا سبب مقنع دخيلك ربي قبل محد اجاني هسه اجتني قسمه زينه كل وحده تتمناها بس ماكدر اوافق واتندمت لان تسرعت ورحت ذبيت روحي بمصيبه لو منتظره احسن اليه...سبحانك ربي مرات تجي فرصه للانسان يحلم بيها بس بالوقت الضايع ويتندم لان غلط غلطه خلته يضيع روحه والفرصه من ايده...
واثق: جنت كاعد يم اخو ريتاج بالباب واسمع صوت صياح دخل اخوها ركض واني وراه دخلنه للمطبخ شفت ريتاج تريد تحرك روحها وابوها وامها يمه ومبين عليها مضروبه...
ريتاج: ماريد اتزوج ماريده...
ابو ريتاج: تتزوجينه غصبا عنج اكيد اكو شي ودترفضين...
واثق: اتقربت منه اخذت الجداحه منها وابوها سحلها وبقه يضرب بيها ...دفعته عنها واكيد السالفه متنحل وراح تنكشف لان اهلها مصرين على سالفة الزواج وبقه ابوها يضرب بيها وخرته عنها...عمي اني رايد بنتك واريد اخطبها ومن زمان عينه عليها وهي دترفض لان متفقين اني وياها عالزواج بس عندي كم شغله كلت اكملهن واجيكم...
ريتاج: بقيت فاتحه حلكي هذا شيحجي...
ابو ريتاج: عمي ليش مكولت من البدايه احنه اهل وننطيها الك بهدومها وين نلكه احسن منك..
واثق: يلا ريتاج كافي خبال وروحي غسلي ...واني طلعت منهم ورجعت للبيت اتذكر الي حجيته صحيت على نفسي اني شكولت وشسويت هي مثل اختي بس شسوي لازم انقذها لان اهلها خلوا السالفه ببالهم ميعوفعا بحاله وخاف تنتحر لو تسوي بروحها شي واني ماريد اخسرها
البارت الثاني عشر
ريتاج: اهلي فرحوا لان واثق كالهم هو رايدني...خابرت على واثق...الووو
واثق: ها رتوجه..
ريتاج: ليش هيجي سويت وكوتلهم تريد تخطبني..
واثق: لعد شسوي اخليهم يموتوج..
ريتاج: واني ماريد اظلمك ويايه شنو ذنبك..
واثق: لتحجين هيجي اني وياج عالحلوه وعالمره مانسه جكد ساعدتيني من جنت امر بظروف موزينه... واني جنت السبب ممنعتج تحجين ويه نزار وزواجنه مجرد عالورق منا لمن الله يحلها..
ريتاج:اوك اشكرك...سديته منه واني شويه مرتاحه لان انحلت هالمشكله بس هم ورطت روحي بزواج فاشل عالورق وبس... وبعد فتره يطلكني واثق واصير مطلقه حتى تكمل ويايه..
واثق: اخذت عمامي ورحت خطبتها وصار موعد الزواج ورحت جبتها من الصالون والناس كولها فرحانه بس هي خطيه كسرت خاطري جكد جانت تحلم بهايه اللحظه بس متهتنت بيها ....وكعدنه اني وياها والناس تركص صفنت عليها عبالك اول مره اشوفها صدك طالعه حلوه بس اتمنيت لو فرحتها كامله ومتزوجه زواج حالها من حال الناس...
ريتاج: صار موعد الزفه وزفونه للفندق وبقينه اني وواثق وحدنه واشكرت من يمه لان هو هو ساعدني ورحت نزعت البدله وغسلت... وبقينه نسولف اني وياه بس جنت مستحيه من يمه لان اول مره اني وياه بنفس المكان وبملابس بيت ...
واثق: حسيت بالحزن داخلها لان حالها حال اي بنيه تتمنه هاليوم يكون مميز بس اني اعتبرها اختي وهي هم تعتبرني اخوها واحنه متفقين بس فتره واطلكها...
ريتاج: مرت 6 اشهر على زواجي اني وواثق ونفس وضعنه اخوان بس مرتاحه وياه مدللني ممخليني محتاجه شي ومرتاحه وياه اكثر مماجنت مرتاحه ويه اهلي...
واثق:رجعت من الدوام مادري شبيه كوه اتحرك  ...
ريتاج: اجه واثق مو على بعضه ..بيك شي خيرك..
واثق: ماعرف شبيه ...
ريتاج: دخلت للغرفه ونام اجيته وره شويه لكيته يهذي مبين عليه مصخن وكام يهذي باسم حبيبته السابقه...نزلت دموعي ماعرف ليش وضجت لان هي الي اجتي على باله مو اني...اهووو هاي شبيج غير هو جان يحبها ليش تضوجين ...اها يمكن اح..،،، لا لا هايه شجاني اصلا حتى ماكدر اكملها صعبه على لساني هايه شبيه كمت اهذي اني عبالك اني المصخنه... واثق كوم تسمعني..
واثق: ها ريتاج اسمعج بس ماكدر اتحرك من الالم جسمي نار ...
ريتاج: رحت خابرت اخويه جابله علاج من الصيدليه وسويتله شوربه وكلته وانطيته علاج ورجع نام وبقيت كاعده يمه معفته...
واثق: كعدت لكيت ريتاج يمي...
ريتاج: ها واثق شلون صرت..
واثق: والله تعبان..
ريتاج: رحت جبتله طاسه بيها مي وخليت رجليه بيها وكول شويه ابدل المي وبقيت اسويله كمادات...
واثق: بقيت 4 ايام بالفراش وريتاج خطيه مخلتني وحدي هي توكلني وتنطيني العلاج ومهتمه بيه عبالك امي ..
ريتاج: الحمد لله من صرت زين ظل بالي يمك..
واثق: الله يخليج اليه بفضلج...
ريتاج: تدلل شعدنه غيرك..
واثق: اممم ،،، اخذتها بالليل ورحنه نفتر واشتريتلها غراض...
ريتاج: حيل اتونست وواثق جابلي كولشي اريده ورحنه للمطعم..
واثق: كاعدين اني وياها وشفت الولد كاعد كبالها ويباوع عليها عيوني كامت تجدح بسرعه سحبتها من ايدها وطلعنه.. بس حسيت هالمره غيرتي عليها تختلف ماعرف ليش...
ريتاج: شكو شبيك ..
واثق:متشوفين هذا الولد شلون يباوع عليج..
ريتاج: وشنسويله قابل اني كايلتله يباوع...
واثق: دنجبي وامشي...
ريتاج: رجعنه صعدنه بالسياره واذكر ردة فعل واثق مو طبيعيه اول مره هيجي يعصب حسيت اكو شي بس مداصدك الي ببالي صح..
واثق: هاي اني ليش هيجي اتنرفزت وليش ماكدر انظرها نظرة زوجه او حبيبه... بقيت افكر وعقلي يجيب ويودي...
البارت الثالث عشر
واثق: رجعنه للبيت بقيت افكر اني وريتاج شنو مصيرنه وليش ماتقبلها هي مالها ذنب... واعرف بيها جكد نظيفه وطيبة كلب وليش بنفس الوقت اغار عليها تعبت من التفكير ونمت..
ريتاج: واثق نام بقيت اباوع عليه ليش دافكر بيه هوايه واباوع على وجهه وملامحه ليش مااحبه اوووف عقلي كام يخربط..
واثق: ريتاج اليوم يجون بيت عمي عالعشه سويلهم عشه زين..
ريتاج: اوك حاضر...سويت العشه وكملت وبدلت ورتبت نفسي كمت اهتم بنفسي اكثر ...
واثق: اجوي بيت عمي واتعشينه ومدحوا باكل ريتاج ومرت عمي تمدح بيها... واباوع على ريتاج طالعه حلوه اول مره اباوع الها بتركيز يمكن اتخبلت ...
ريتاج: كاعده وابن عم واثق يسولف ويايه واشوف واثق ملامحه متغيره ...كولت خلي شويه العب بمشاعره واشوفه شيسوي ...
بقيت اسولف ويه ابن عمه واضحك وياه...
واثق: ريتاج تسولف وياه واني صرت نار حيل ضجت ...
ريتاج: بقيت اسولف وياه واشوف واثق راح يموت ...
واثق: ريتاج جيبي فواكه من الثلاجه... رحت وكعدت اني بمكانها..
ريتاج: جبت فواكه وجيت لكيته كاعد بمكاني حسيت بيه هو كومني حتى ياخذ مكاني...
واثق: راحوا بيت عمي وصحت ريتاج...ليش هالضحك والسوالف ويه الولد شتعرفين منه..
ريتاج: شبيك غير هو ابن عمك مثل اخويه ..
واثق:هايه اخر مره ماريد احد يحجي شي عليج...
ريتاج: اوك ....ههههه اتاكدت منه يحبني ويغار عليه ولازم اخلي يعترف...
واثق: دخلت للغرفه ياربي شديصيير ويايه معقوله كمت احبها ومادري بنفسي...
ريتاج:مرت الايام واني كمت احس بحب اتجاه واثق واتعلقت بيه وادري بيه هو هم يحبني...
واثق: ماعرف وين راح اوصل وياها جني كمت احبها بس خاف هي متحبني...
ريتاج: لازم اتحرك واسوي شي قبل لتروح وحده تاخذه مني ...
واثق: جنت كاعد واجتي ريتاج...
ريتاج: واثق احنه لازم ننفصل باجر اروح لاهلي  وبعدها نطلب الطلاق ونتطلق... وكول واحد يروح بطريقه وانت تشوف حالك واني هم اشوف حالي...
واثق: صفنت مجنت متوقع راح يجي هاليوم واجه بسرعه... شتحجين انتي شنو تشوفين حالج سولفي لتضمين عني شتقصدين...
ريتاج: شبيك ماقصد شي بس ليش باقين هيجي واحنه من البدايه اتفقنه كل واحد يروح بطريقه وننفصل وانت ترتبط واني هم يمكن تجي قسمتي وارتبط بواحد...
واثق: اها ترتبطين خاف عندج شي...
ريتاج: شنو هالحجي...عفته ورحت ادري بيه يحبني وكولت اروح لاهلي اذا يريدني يرجعني واذا لا انفصل بعد ماكوا حل...
واثق: بقيت االليل كوله سهران وافكر شلون باجر راح تروح واني اتعودت عليها...
ريتاج: الصبح راح للدوام اني شلت غراضي ورحت لاهلي سألوني كوتلهم تعبانه واريد ارتاح يمكم كم يوم...

انتظروني باالبارت الاخير
البارت الرابع عشر والاخير....
واثق: رجعت الظهر ملكيتها شفت ملابسها ماكوا عرفت بيها راحت حيل ضجت  جتت متعود اول مااجي الاكيها...
ريتاج: بقيت اسبوع يم اهلي وهو متصل بيه كولت طلعت غلطانه ورحت بخيالي زايد واكيد ميحبني لو يحبني جان اتصل...
واثق: اليوم يمر عليه بشهر اتذكر شكلها وسوالفها وضحكها...ولازم اسوي شي واخليها ترجع... واشوفها تحبني لو لا...
ريتاج: جنت كاعده واتصلت واثق فزيت واخيرا اتصل الوووو.
واثق:الووووو.
ريتاج: ها واثق خير بيك شي...
واثق: مدري شبيه...وسديته..
ريتاج: لبست عباتي ورحت ركض دخلت لكيته بالغرفه ممدد... خير شبيك وبقيت ابجي...
واثق: ماعرف شبيه كلبي يوجعني وكوه اتتفس...وغمضت عيوني سويت نفسي موات هههه...
ريتاج: واثق لتغمض فدوه فجاة اتذكرت نزار شلون مات اتخبلت بس لا واثق راح يموت ....واثق فدوه كوم الله يخليك لاتحرك كلبي عليك والله احبك ماعيش بدونك لتخليني وحدي انت الي حصلتك من هالدنيا بعد الضيم الي شفته...
واثق: مغمض عيوني واسمعها تبجي وتحجي.. الثوله عبالها متت واعترفت بحبها اليه فتحت عيوني...
ريتاج: فدوه كوم خلي نروح للمستشفى يشوفون شبيك...
واثق: ههههه ليش شبيه اني...
ريتاج: شنو شبيك غير كلبك يوجعك وكوه تتنفس...
واثق: اي صح كلبي جان يوجعني وصحه من كوتيلي احبك... وجنت مخنوك ومن شفتج يلا اتنفست....
ريتاج: شنو جنت تضحك عليه...
واثق: هههههه اي ....
ريتاج: ضربته بالمخده وكمت سحبني من ايدي...
واثق: تدرين بيه احبج والله احبج...
ريتاج: ها ....
واثق: شنو ها احبج وانتي...
ريتاج: اموت عليك مو بس احبك...
واثق: الله يخليج اليه واعوضج عن كل الحزن الي شفتيه بحياتج ...
ريتاج: واني هم كافي تعذبنه هوايه...
واثق: حجزت بالفندق ووديتها صالون واتمكيجت ولبست فستان وطلعت احله من يوم العرس وجانت احله يوم بحياتي الله عوضني بانسانه تستاهل واحد يسويلها كولشي...
ريتاج: عشت احله ايام ويه واثق وحبنه زاد وهسه اني حامل وانشاء الله اجيب ولد ويشبههه..
ااااااالنهايه .....اتمنى تكونون استمتعوا بالقصه وياريت البنات ياخذون عبره من هالقصه مو اي احد يدخلج خاص ويسفطله كم كلمه رحتي وصدكتي بيه ...تره كولهم يسوون نفسهم ملائكه ويبقون يسفطون بالحجي المعسول والوعود لحد ميوكعوج... ويقشمرج يشوفج اهله ويسوي وياج نفس الي صار بريتاج ولاتنطين صورج لاي احد لان هي راح تكون دمارج ونقطة ضعف عليج بيوم من الايام...

(ممكن ارائكم للقصة)