حبيبتي البدينه

❤️

حبيبتي_بدينة
للكاتبة ميار الشمري
الجزء السابع
ريم،،،جنت عايشة بحلم وردي انام واكعد ع صوتة وجان حنون ومافد يوم زعلني ولا فد يوم تعاركنة وكلشي الاطلبة منة يكلي دللي بس جان يلح انه يشوفني وكلش متلهف لشوفتي ويحتار بأي طريقة يصيدني بيها
وسيم،،ماضجتي من كعدة البيت
ريم،،،اي والله بس شأسوي ماكو تعينات ولا وظائف
وسيم ،،،شنو رائيج تدخلين وياية شريكة
ريم،،،ضحكت وشلون بلة
وسيم،،،اريد افتح قسم البسة داخلية واريد شريك وياية مني راس المال وبس تستلميه انتي وشكد ميعجبج تكون نسبتج
ريم،،،،هههههههه ضحكتني
وسيم،،،ليش تضحكين ولج
ريم،،،ماتعرف تصيد 😉😉
وسيم،،،😖😖 ريم بصراحة تعبت والصبر مل مني فالله يخليج ارسيني على بر صارلنة 3 اشهر مع بعض واتصور مشاعرنة تجاه بعض صارت واضحة بس مااعرف شنو الي يمنعج متخليني اشوفج
ريم،،،وسيم وهية شنو 3 اشهر اكو ناس يظلون يحبون بعضهم سنين
وسيم،،،بس يشوفون بعض مو يحبون بعضهم على العمياني هذا الشي بدأ يزعجني بصراحة خبلتيني جان بالي مرتاح ويفوتون ويطلعون بنات لمجمعي ماادير بال هسة الوحدة من طبلي الى متطلع واني اباوعلها وافكر معقولة هاي ريم واتفحصها واقارن تعبت مو حالة هاي
ريم،،،جان لاول مرة هيج يحاجيني وسيم  سدينة التلفون وبجيت الى ان نمت
وسيم،،،ظليت كاعد اتصفح نت ودخلت على بنات جنت احاجيهن قبل وحجيت شوي وياهم بس حسيت بعد ماالي قابلية احاجي اي بنت غيرها شسوت بية هاي البنية والله خربطت سماي وقلبت كياني
ريم،،،ثاني يوم مادزلي مسج صباح الخير مثل كل يوم وزنت طلع وزني 91 اتأملت خير كلت
لو بس اوصل 80 عاد وتندمت لان جذبت عليه عاد لو بس كايلة 70 او 75  لا كلت 65 ميليكانة ماشاء الله
اجوي بيت خالتي واجتي وياهم سرى لان هية وسالي ميتفاركون
بس هالمرة جانت سوالفهم مختلفة نوب يكولون وسيم زاحوف والي دكول يدزلي ومااردلة والي دكول من زمان يدزلي ومااعبرة ابو بنات
سالي ،،،حتى ايهاب يحجيلي عنة سوالف تشيب الراس
ريم،،،من ايمتة كلبتوا عليه مو جنتوا طايرات بي
سالي ،،،لا كلبنا ولا شي صح حلو وصاك بس خلقة بلا اخلاق
ريم ،،،امممم صفنت بسوالفهن شغير حالهن ذني مو طبيعيات
بيومها ظليت اراقب الحالة للفايبر والواتساب والفيس حتى اشوف شوكت يدخل وكل ربع ساعة ارمش بوسيم والغيرة دمرتني بس جان ماعندة شي واني متأكدة منة
وسيم ،،،اتصلت بيها واحجي من ورة خشمي ليش ترمشين علية ومتتصلين
ريم ،،اريد اشوف فارغ
وسيم،،،لا مليان مو تكسي لكتيني
ريم،،،ضحكت وكلت انت تكسي مالتي بس اني اركبك ظل ساكت هو اني خليت ايدي على حلكي عزة بعينج ريم شو صرتي بيئة صخام بوجهج
وسيم،،،سدت الخط بوجهي شكد ضحكت عليها ياربي هالبنية شكد فطيرة وشكد احبها دزيتلها ماسمعت شي غلسي وارجعي دكي ترة مشتاقلج والله 😉
ريم،،،ما ماادك الى الليل عود من ترجع للبيت واكول بكلبي بلكي ينسى شكد عيب بعد ماالي عين احاجيه
بالليل ويصير انفجار بالشارع التجاري هزنة هز كلبي وجعني على وسيم كمت اتصل بي وميرفع كمت ابجي وفقدت ردت ادز اخوية الصغير لراس الشارع بس يفهم شصاير بس امي مقبلت تخلي يطلع
ورة ساعة دزلي مسج وسيم وكلي حبي لتخافين وليظل بالج العامل الي عندي شوي تأذة واخذناه للمستشفى
كتلة سمسومة فدوة لعينك من ترجع لازم تخابرني اريد اطمن عليك
ظليت مامرتاحة وكلبي يلوب مارجع الى ،11 بالليل ،،وخابرني رفعتة ابجي
وسيم،،،ليش تبجين حبي مصارلي شي ترة
ريم،،،احلف مصارلك شي
وسيم،،،بس شوي ايدي انجرحت بالجام وخيطوها كم نفذة
ريم،،،اووف والله كلبي حسني
وسيم ،،،هالكد مشفت خوفها ولهفتها وبجيها الي مابطل كلت هالبنية راح تخبلني تحبني كل هالحب شنو الي يمنعها  ومتخليني اشوفها والله حيرتي حيرة وياها
ريم بيومها جان تعبان وماطولنا بالحجي ونام من وكت
ثاني يوم سمعت امي تحجي مع خالتي ودكوللها لا روحوا انتو احنا شعرفنا بيهم
ريم،،،شبيها خالة سعاد يوم
امي ،،،مابيها شي بس دكلي تروحون لبيت ام وسيم هذا ابو الكماليات لان صديق ايهاب يريدون يروحون يتحمدون سلامتة كتلها لا والله روحوا انتو شعرفنا بيهم
ريم،،،كمزت ليش يوم ليش كتيلها منروح
منعرفهم نتعرف عليهم
ام ريم،،،يااا من ايمتة وجاي تطلعين وتحبين الزيارات
ريم من اليوم وهسة تتصلين بخالتي ودكوليلهم يمرولنة نروح
ام ريم ،،،عندي شغل كومة اليوم ماالي خلك اطلع
ريم،،،لج ليش يوم والله كل شغلج مقضي اني اشتغلة كلة بس خلي نروح نتعرف عليهم الله عليج
خابرتهم امي وكالتلهم انروح عود مرولنة
سالي ،،،من خابرت خالتي وغيرت رائيها فهمت هاي فلم ريم الي لعبت على عقل خالتي وخلتها تغير رائيها كتلها يوم اني هم اريد اروح وياكم
مرينة لبيت خالتي بس شو جانت ريم عادية وملابسة نفس كل مرة ماكو شي جديد اتقصدت الح عليهم نمر للمجمع وجانوا دينضفون بي ويخلون جام بمكان الي تكسر بس شو من دخلنا مااهتم وسيم لخالتي ولريم بالعكس سلم علينة اني وامي اكثر
وتقصدت الح وياه بالسلام وبالشقة وجان كلشي طبيعي
ريم،،،من شفت ايدة ملفوفة اعصر كلبي فدوة بية ولا بيك مكدرت اركز كلش بي لان سالي جانت مركزة علية طلعنا ورحنة على اهلة
سالي ،،،تأكدت ريم ووسيم اذا بينهم علاقة صدك فهو ميعرفها ولا شايف شكلها والدليل ماااهتملها ولوجودها
ريم ،،،رحنة لبيت اهله وجنت بكل ركن وبكل زاوية بيتهم اصفن واكول هنا يكعد من هنا يمشي شكد جنت اتمنى اطب لغرفتة طول الكعدة وخالتي تمدح بسالي وام وسيم فقيرة تبين وداخت بسوالف خالتي وماشالت عينها عن سالي وبدت تلمح وتسأل شنو مخلصة وممخطوبة وكذا
واني وامي حالنا حال تخم القنفات كاعدات وساكتات لا احد معبرنا ولا شايلينا من كاعنا 🙄🙄

وللقصة بقية ،،،،