حبيبتي البدينه

الجزء ٨

حبيبتي_بدينة
للكاتبة ميار الشمري
الجزء الثامن

ريم،،،خنكتني العبرة وطول الكعدة جنت مامرتاحة جانت كل الكعدة والانظار على سالي هي صح سمرة بس رسومها حلوة وعلى الرغم اكبر مني ب3 سنين بس تبين اصغر مني لان سمني مكبرني
جنت اباوعلها واكول فعلا سالي تناسب وسيم اكثر مني ماصدكت على الله نطلع حسيت روحي راح تطلع واني يمهم
من طلعنا جانوا خالتي وسالي فرحانين تفاركنا على نص الطريق وظلت الدمعة على طرف عيني
ام ريم،،،اممبين ام وسيم تلمح على سالي لأبنها صلوات والله خوش نصيب وسالي تستاهل باوعت لرمرومة مدنكة ومحجت لو كلمة حسيت بيها تحسست لان تبقى بنية حالها حال البنات وتتمنى تنخطب وتزوج
كلت ان شاء الله هم انتي ريومة تنفتح قسمتج والله يرزقج بقسمة نفس هالقسمة
ريم،،باوعت لأمي ودمعتي نزلت بعد مااسيطر عليها اووووف يمة لو تعرفين الي بقلب بنتج شنو ياريت اكدر افتح قلبي لكل الدنيا واكول حبيتة وحبني ومن حقي احب وانحب
ام ريم،،،خلي نروح نجيب صمون للعشة
ريم،،،جان المجمع كدامي كتلها ماما راح امر اجيب شغلة واجي بسرعة اشرتلي بدون متحجي بمعنى ماشي
ريم ،،،تقدمت للمجمع واني اريد انفجر كلت راح اكولة اني ريم والي يصير يصير تعبت من اللف والدوران هاي اني وهاي وضعيتي الي يريد يحبني يتقبلني مثل مااني مدري منوين اجتني الجرأة ودمةعي مدري ليش متقبل تتوقف دخلت وبشعري مغطية وجهي اداري دموعي عن الناس باوعت لمكتبة ماكو دورتة بالمجمع ماكو اتصلت بي باوعت للجام خانة على الشارع العام وهمست هلو وسيم
وسيم،،،هلا والله ريومة شونج
ريم ،،،همست بخنكة الحمدلله شنو انت مو بالمجمع؟؟
وسيم،،،لا طلعت حتى احاسب الشركة الي رممت المجمع شبيج حبيبي صوتج معاجبني
ريم،،،اني بالمجمع وجنت حابة اشوفك واطمن عليك واحجي وياك
وسيم،،،شلون !!!!
الله عليج لتتحركين جاييج تارك كلشي وجاي ومسافة الطريق واكون يمج
وسيم،،،،ركبت السيارة وكمت اسوق الازدحامات دمرتني وكل شوي اضرب الستيرن بأيدي المجروحة شنو هالحظ الي عندي وكل شوي اباوع لساعة حسيت كلبي يدك واخيرا راح اشوفها جنت افكر من تصير عيوني بعيونها شنو راح اكوللها يمكن حتى ميطلع مني كلام شكد جنت انتظر هاللحظة ياربي بس كون تنتظرني كمت اطلع بين الافرع من ازدحامات الشوارع الرئيسية
ريم،،،حسيتة فرح وتحمس اختنكت وبجيت بحركة نزعت سواري وخليتة بدون محد يحس يم الحاسبة مالتة وطلعت شفت امي دتنتظر ومستغربة شبيج ريم شنو قصتج اليوم !!
ريم،،،همست ماكو شي يلا نرجع للبيت
وصلت البيت ودزيت مسج لوسيم اعذرني مكدرت انتظر حبيت اشوفك واطمن عليك بس خليتلك امانة يم الحاسبة مالتك من توصل وتشوفها خابرني
وسيم،،،قبل لا اوصل المجمع
اجاني مسج بس مفتحتة جنت ارتب بنفسي وخليت عطر ونزلت مستعجل طبيت اباوع ع البنات الموجودات بالمجمع وابتسم واكول اي وحدة منهم ياترى ريم كعدت ورة المكتب وصارت عيني على سوار ذهب يم الحاسبة اخذتة بأيدي وفتحت جهازي شفت المسج صحت بلا مااحس لااااااااااا خرب بحظي وانتبهوا الناس عليه انحرجت ودنكت ياربي شنو هالحظ
ريم،،،اتصل بية وسيم صوتة مختنك وناصي همست الحمدلله على سلامتك تركت سواري يمك اريد تلبسة بأيدك المجروحة وكل متباوعلة تذكرني
وسيم،،،ليش منتظرتي ريم يعني متعرفين شكد صار منتظر هاللحظة يعني على الاقل لو منطيتني خبر جان مطلعت من المجمع اليوم
ريم،،،اسفة حقك علية
وسيم،،،وبعدين منو كلج اني اقبل اخذ هذا السوار غالي عليج وهدية من والدتج شلون تفرطين بي
ريم،،،بكد غلاتة بس ميغلى عليك ومالكت اغلى منة ع كلبي واهديك اياه
وسيم،،،مااعرف شأكولج بس انقهرت كلش لان ماشفتج
ريم،،،وداعتك متسوة الضوجة ولا استحق زعلك
وسيم،،،ليش ولج لدكولين هيج اموت بيج والله ردت اسوي حادث من سرعتي كلبي جان راح يطلع مني بس سبحان الله ماقدرلي افرح
ريم،،،حجية خلاني احس بتأنيب الضمير وبجيت ظل يهدي بية وسيم ويريد يعرف شنو سبب البجي مالتي بس مكدرت احجي ولا اعرف شنو اكول
وسيم،،،فدوة لتبجين والله مجان قصدي ازعلج واذا على كلامي فأعتذر اذا غثيتج بس جنت كلش احب اشوفج فوك متصورين
ريم ،،،همست وسيم شنو الي ممكن يفرقنا ؟؟
وسيم،،،استغربت من سؤالها كتلها من جانبي بس الكذب والخيانة مستحيل اغفر بهل الاثنين
ريم،،،غمضت ودموعي مابطلت
وسيم،،،ممكن اعرف شنو مناسبة هالسؤال ريم
ريم،،،لان احنة دنعذب بنفسنا ومااتصور علاقتنا ممكن تنجح وتكمل
وسيم،،،ليش ريم تحجين هالحجي اثنينة نحب بعض وصادقين بمشاعرنة
ريم،،،مااعرف احساس لا اكثر
وسيم،،،الله عليج لتعيدين هالحجي بعد والله تضوجيني
ريم،،،اوك حبيبي شلون صارت ايدك صارت
وسيم،،،احسن حبيبي بس علاجها يمج
ريم،،،شلون ياريت
وسيم،،،وج اذا تلمسيها طيب والله خو اذا تبوسيها
ريم،،،ضحكت لتكمل شو طالعة عينك على هالحادث
وسيم،،، لو بس شايفج راح تظل حسرة بكلبي
ريم،،،شكد جان متحمس لشوفتي كمت اخاف من هاللقاء وحتى اذا ضعفت وشكد مو اني حلوة احسة متخيلني فد شي فوك المعقول بس مع هذا ماتركت الريجيم وجان اصراري قوي
وسيم،،،احتفظت بالسوار وجنت ناوي اول ماالتقي بيها ارجعة الها والبسلهيا
من رجعت للبيت واحنة دنتعشى امي سألتني شنو رأئيك بسالي اخت ايهاب نخطبها الك
وسيم،،،،ههههههه هههههه كل عقلج يوم شجاج على هاي الحجاية
امي ،،،ليش حبي شبيها خوش بنية وسباعية وخريجة وحليوة
وسيم،،،شنو الي حلاها الله شاهد ايهاب ولابس حجاب وبعدين لسانها لسان دلالة ومو حلوة متعجبني
امي ،،،خلي نشوف شنو ذوقك وشلون جمال الي راح تاخذها
وسيم،،،بستها الي راح اخذها تكطع متخلي عقل وضحكت وكمت للغرفة مالتي حتى احاجي ريومة
ميار الشمري

وللقصة بقية ،،،،،