البارت 3
صار كل تفكيري بالقصص وشلون اصير فصلية
وين مالكة قصة #فصلية حتى لو فصلية النعال هم اقراها وكلهن نفس الحجي ونفس المواصفات والتعامل بس الاشماء تختلف ومرات حتى نفس الاسماء 😐
وتالي شلون احقق حلمي واطلع من المدرسة والبيت واكعد ابيت الشيخ اطبخ وانفخ ويغتصبني ويحبني ونسافر واحبل واجيب توم واخر شي نعيش عيشة سعيدة 🤗
واني صافنة على الكتاب وبالي بغير مكان سمعت صوت صياح
كمت اركص اخوية قتل واحد كللللللللوش
بس صخام متعلمت الف كبة ودولمة واسوي ترافيل شلون بيه
يلة اسوي اندومي وفنكر هو شيخ مشايف هيج اكل
طلعت اركض والطم شكووووو
بقوا صافنين عليا شبيج عايشة دور ملة بفاتحة ماكو شي
مشكلة على الشغل
اخوية من خلص كليتة ماكو تعين وميقبل يشتغل اي شغلة
ويوميا يتعاركون ويا وتصير هوسة
بس هلمرة زايدة وصار صياح اخوية انقهر كلش
فكرت بشلغة ليش لا خل اكلة ويفيدني وافيدة
دخلت عليا للغرفة
عامر عامر
شكو شتريدن مني
عندي حل الك وتعيش ملك وتفتح شركة
شلون بلة 😏
اني اكلك بس بالبداية توعدين تسمع مني كل كلامي
كولي بسرعة وفضيها
تكتل شيخ
شلون 😳
اي تكتل شيخ عشيرة بالغلط واروح اني فصلية طبعا ابن الشيخ يموت عليا يصير وينطيني كل شوية صفطة فلوس
وانت تطلع من السجن بس تأكل كم شهر تفتح مشروع وية الشيخ مالتي واصلا كل احنا نطك طكة للستار 😂
كومي لج لا ادفرج
لك شبيك فوكها
خليني افكر وارجع خبر
وافق اخوية وبدينا نخطط للجريمة ( والله اهبل 😂)
كال لكيت شيخ وراح ادعمة بالسيارة
( جان يوميا يأخذ السيارة ويدور على الشيوخ )
كتلة عفية كون حلو حتى ابنة لو اخو هم حلو
لج دروحي والله بطرانة مداشوف بس عكالة
يلة ميخالف كلهم حلويين 😍
انجبي وروحي
سديت التليفون واروح واجي بالغرفة انتظر العياط
وراها بشوية سمعتة طلعت ركض فتحت شعري وكمت الطم
ما روح فصلية يبووووو
بقوا صافنين عليا شبيج بنتي تخبلتي
هاااا لا هيج شكو شبيكم
اخوج ضارب شيخ بالسيارة
اي 😀
وجعي شبيج فرحانة
من الصدمة بابا
اهااا اي ورجلية طايرة
صار شلل بس ما مات حرامات وهسة شوكت تنصبون الجادر
والله ما ادري بنتي نشوف همة شيقررون
نمت واني فرحانة خليت رجلي بأول الطريق 😍
سمعت صوت طلق نخر البيت نخر وصياح
(تصويت البارت)
أنت تقرأ
يا ليتني كنت فصلية
Humorقصة مضحكة وقصيرة لفتاة احبت العيش دور الفصليات واضطرت لأخوها لقتل شيخ وثم دارت الاحداث...تابعوها.. نقلتها من كروب شهرزاد
