يا ليتني كنت فصلية

البارت 6

البارت 6
كعدت عيني تشوش واشوف خيالات
وشوية شوية استوعب الي صار
معقولة الي شفت صح
طلفاح المفلطح صار بوراك  😩
شلون ياربي شسوي اريد حل ارجعة الية
رحت طلعت البرمودا السودة بيها خط فضي والبدي الاحمر
وطبيت للحمام ماكو لا شامبو ولا شي بس صابونتين لازكات
كلت ميخالف اغسل بيهن والله كريم
غسلت وشعري كفش انوب اباوع على وجهة جنه نعال صاير
( شلون الفصليات ورة الكتل والقهر وجهن طفولي ويخبل ويلمع )
للملمت كرشي بالكوة دخلتة بالبرمودا ولبست التشريت جسمي مهطل من القهر عبالك عمري 70 مو بعدني مصايرة 20
بس شعجت روحي
نحن لا نهزم حزب الفصليات دوم منتصر ✌
طلعت امشي بدلع وهو ولا يمة
صاحتلي امة
ولج فصلية تعالي
اجيتها ركض
هاا عمة حبيبتي أمرني
وعمة لعماج وين الغدة
دقيقة واصب
رحت للمطبخ مكلوب وجدور ووصخة
سويت تمن عدس معجن
دجاجة اووووع ريحة الزفر واصلة للركن وحتى نص الريش بيها بعدة ( ولجن ليش الجذب شلون الفصلية تبدل وتغسل وتركب 10 انواع وحلويات هم )
صبت الغدة وعيني على طلفاح ولكم مسويلة تبيدل راس
والكرش ممسوح ومنطي سمار وعيونة صايرة جرئية 😑
شوية واسمع يصيح
وينج وينج
كلت يا الله اجاني الفرج رحت امشي بدلع
خير شيخ الشيوخ
لج شنو هذا يا 💩
شنو شبيك
لج هذا اكل بلة طاح حظج وحظ الي يربوج ولي منا يلة
كسر خاطري ابن الشحاطة ام الاصبع
ومرت الايام وراح شافها لسمرقند الزمان ومتخبلة عليا
واخذوا موعد الخطوبة والمهر
واني اتكرظم واريد اطك من القهر والضيم
شكول عليج زينب الله يشوفني بيج يوم كون بطنج اسهال وتركضين بالشارع ومن توصلين يم ملعب طوبة تسويها
وتصيرين فرجة والذبان يلتم عليج
انوب صار رومانسي يلزم التليفون ليل ونهار وياها
وتبسبس وحب واني شعري وكع وخشمي كبر
جابوا غرفة نوم بيضة تركية وجرباية مدورة 😐
والعطور والمكياج وجنط وسيتات نوم
واني نايمة جوة الدرج 😣
الطم بصمت واعضعض اصابع الندم
صار العرس والزفة واني اجيتهم بالدفرات والكفخات
ربي شكول عليجن امهات القصص كالن يسويلج عرس بأربيل
تالي اكلت نعل
وجتي العروس زركة بس حظها كاعد
اجتي بصاية اهلها وابوها
مو مثلي اجيت وحدي
اجتي وجنطها كدامها
اني اجيت ابقجة بيها برمودا وبدي وقلم كخلة ممقطوط وحمرة سحرية هاي الخضرة 🐸
مرت عليا الايام خدامة جوة رجلها لزركة وهو يبوس بيها
يكلها انتي تاج راسي
وهي نعال رجلي ورجلج
وصلت لمرحلة خلص لازم انفذ الي ابالي
لازم اخذ قرار مصيري وشيصير خل يصير
(تصويت للبارت)