ريم وامير

#قصة ريم وامير

الجزء السابع

كتلة احم احم وضحكنة بعدين كملت وطلعنة للحديقة
كولنة الجو يخبل طبعاً ديدخل الشتة يعني جو يخبل
المهم بدت نظرات بيناتنة وشقة بس وية الكل نتشاقة اجاني مسج عالماسنجر جان يكولي بسرعة منو هذا
كتلة صديقتي دزتلي الصور مال البارحة كلي شو اشوف
المهم جنت طالعة حلوة بس ضايجة
كلي اشو هنا ضايجة كتلة لان انت اتصلت وكتلي بسيطة لان مكتلك عالدوام كلي ها اي زين مو بس اني اضوج وابتسم بصراحة ضجت هاي ليش هيجي كلت
حسيت سجل نقطة علية
المهم اخذت التليفون منة وبقيت احجي وية صديقتي واحس بي بس يباوع علية كمت للمطبخ قطعت الكيكة وجبت وياها جاي اكلنة طبعاً اتعجبو عالكيكة وهو هم حبهة كولش
جان يباوع علية بنظرات تخبل بس اني احاول مااندفع اهواية لازم اسيطر على نفسي احلى مفاجأة صارت ساعة 10 دخل عمي وخالتي للبيت لان بردو وحتى ينامون خطية ميسهرون بقينة وحدنة اني وياه والبنات صاحني كلي تعالي كعدي يمي اجيت كلي اي سولفيلي عالكلية طبعاً حسيتة يريد يلزم ايدي وخرت شوية بس بدون مااحسسة حتى يفكر اشلون يلزمها مو بطريقة سهلة اهنا المفاجأة اتصلت زمن مفتح خط وسواه صامت ورة دقيقتين اندك الجرس وصوت سيارة كام فتح الباب طلعت زمن هي وبنت خالة جاي يباتون يمنة يومين جمعة وسبت هو مااكلكم وجهة طبعاً بنت خالة وردة وعلاقتي بيهة حلوة كولش دخلت بوست البنات جان تكولي هلو بصراحة هي حلوة ولبسهة جريئ يعني للركبة التنورة والقميص للكمر والشعر مفتوح وكولش مهتمة بنفسها
كلهة ليش مكلتيلي كلتلة اريدها مفاجأة حلوة مو كلهة لا الوقت متأخر وشنو هيجي جاية كلتلة حبي لتغار محد شافني وهاي كشختي الك طبعاً بسرعة باوعلي اني ولامهتمة لزمت التليفون وبقيت على اساس اسولف وية صديقتي واضحك بس كلبي ناااار المهم بقت تسولف وياه ولازمة ايدة كامت غدير جابتلهم كيك اكلو جان تكولهة عاشت ايد الي سواه جان تكولهة هذا شغل ريم جان بسرعة تشمر الماعون كلهة ليش كلتلة شبعت جان ياخذ الماعون كلهة اني اكل لان كولش طيبة انجنت

بقت تحول تغيضني طبعاً هو شافني ممهتمة هو راد يضوجني هم يشاقة وياها بس يباوع علية لزم ايدهة
وشقة وهي تتعيقل طبعاً البنات انجنن المفاجأة الثانية احلى صدفة صوت سيارة بالباب اندك الجرس واذا جاي همام ياالله
الله دزة الية كتلة حلو راح اشربك اكثر من الي شربتني ياه
طبعاً مااكولكم اشصار بي احلى شعور كلة شنو شعندك بهيجي وقت كلة موكاعدين ضوجتكم كلة لا بس استغربت كلة اقفل الباب لان حبات انجن اكثر بعد سلم على زمن وكال اي بعد شتريد الحب ويمك حيبات كلة احجي عدل شنو حب شنو يبات كلة على كيفك ماقصدي سوى طبعاً ضاجت كلتلة شبيك اشو ضايج كلهة ماكو شي كمت جبتلة كيك اكل وكال عاشت ايدج هنيالة الي حتكونين ابيتة طبعاً اتخبل بقة كل خزرة يخزرهة الية اتسولف وياه زمن بس مامنتبه ابد ويهز برجلة بسرعة مو طبيعية واحنة نتشاقة ونضحك جان يكولي اكولكم بنات باجر نطلع العصر نفتر ونتعشة برة اكول العمو كتلة ياريت والله ضايجةخزرني جان يكولي بصياح شيلي الصينية ضوجتني كامت غدير عاط بيهة كلهة هي تكوم الحت جان يدزلي مسج كلي كومي للمطبخ لا اسوي تصرف ميعجبج
يمة كلبي كام يرجف لان زودت الجرعة بس المهم غار