#قصة ريم وامير
( الجزء الثاني)
شغل سيارتة وطلع بقيت بحيرة وضايجة ومداافتهم شي شنو الموضوع سألو عنة كتلهم اجاه تليفون مهم وطلع المهم قضيت وقت حلو وية خواتة واهلي جانو مرتاحين كولش بس اني ابد ممرتاحة ولا اكدر اسولف الأحد ماريدهم يقلقون المهم بقيت اسبوع اداوم بالكلية وبالي كلة يمة ولااتصل المهم اجة عمي ابو امير وام امير للبيت فجأة يحددون موعد العرس بس اتفاجأت شنو السبب كالو الجمعة التجي يعني بس 10 ايام عندي كتلهم ماالحك بس اصرو بصراحة تأكدت اكو شغلة المهم بهاي الايام التهينة يالنيشان والغرفة والبدلات والصالون وجهازي طبعاً كولش انشغلت الكلية اداوم بس المحاظرات المهمة وهذا كلة هو موجود ويانة بس كلامة وياية على كد السؤال صارت الحنة وطلعت كولش حلوة اجوي اهلة بس هو ومأجة اني هذا كلة شاكة اكو شي بس ابد مبينت الاهلي المهم يوم العرس طلعت بعد احلى بحيث الصالون كلة تعجبو وكالو اليوم احلى عروس انتي
اجتي الزفة ورحنة للقاعة طبعاً ما امعبس كلش اهون شوية لان اصدقائة ويضحك شوية وياهم بس اكو بنية بالعرس انتبهت عليهة تباوعلي بغضب خرافي وماشالت عينهة ابد باوعت شفت امير هم يياوع عليهة انصدمت حسيت اكو شي خلص العرس رحنة للفندق
اني كاعدة عالجرباية هو هم كاعد دك التليفون كام للبالكون طبعاً كلبي يدك سريع لان حسيت حيكولي شي فعلا اجة كعد يمي وكلي شوفي اني لا راح اتعبج وانصب عليج واكولج يومية شغلة لهذا حسولفلج القصة مالتي وانتي خلي نفسج بمكاني كتلة اوكي كلي شوفي اني احب بنية وهي موغريبة اتصير بنت خالة بنت خالي وعلاقتنة بيهم زينة دام حبنة سنتين محد يدري بي بس بنت خالي المهم قررت اخطبهة اول مفتحت الموضوع امي وابوي اصروا الموضوع منتهي لتحلم ليش شنو السبب السبب عائلتهة منفتحين وعاداتهم تختلف شنو البنات يسافرن وحدهن لبسهن ممقبول كلتلة بابا اغير كولشي حاولت ابد ماكو فايدة طلعت فترة من البيت يم اخوية الكبير هو هم حجة وحاول يقنعني وحاولت ائثر على اهلي مكدرت
شنو الي اسوي ماعرف ابوية اصر واصر وعشت تقريباً اربع اشهر وية اهلي لااشوفهم ولاهمة يشوفوني ردت احسسهم انو اني لوهي لو ماريد بس طبعاً ماكو فايدة الى ان ابوية خابرني وكلي تعال اريدك اجيت للبيت شفت اهلي كولهم مجموعين كلي شوف اني خطبتلك وحدة اني سمعتي طول هذا العمر اتعب عليهة مستحيل اخليك تخربهة اتجيبلي وحدة بس تتفرج الناس على لبسهة وسفراتهة وتفتحهم الزايد ردت احجي قبل كلي لتكولي اغير وغيرة خلص صار نقاش حاد اني اكول ماريد وابوية اصر واخواني صار اعصاب وصار اصياح فجأة وكع ابوية وانغمة علية اجتي اسعاف واخذناه للمستشفى وابوية مر بأزمة قوية وبقة اسبوعين بالعناية المشددة وطبعاً اني ادمرت وتأنيب الضمير موتني وخوفي على ابوية دمرني الى ان الحمدلله اتحسنت حالة ابوية
ونقلو الغرفتة طبعاً الكل فات سلم علية الة اني مكدرت وبقيت ابجي انهاريت سمعني ابوية وكلهم اطلعو وخلونة وحدنة المهم كلي اذا صدوك تحبني وتخاف علية تقبل بالبنية الي خطبتهة الك طبعاً ماعندي غير حل انو اقبل بس جان شرطي انو اني حر بمعاملتي وياها ابوية كلي اوكي
طبعاً حبيبتة اسمهة زمن وطلعت نفسها البنية الي شفتهة تباوع علية كتلة اي وهسة اني شنو بالموضوع شنو موقعي كلي اكمل اسمعي كلت الزمن وكوة اقتنعت لان اني كتلهة انتي حتكونين زوجتي حبر على ورق وزواجنة حيدوم بس اربع اشهور الخاطر ابوية قبلت بس شرط انو هي تبقة تجي للبيت بأي وقت او تبات محد يحجي طبعاً هذا شرطي على ابوية ابوية قبل وكلي صدك حتحب زوجتك واذكرك
بس اني مستحيل احب وحدةغير زمن كتلة واني شنو الي يجبرني اعيش هيجي حياة كلي الخاطر اهلج اذا رحتي ومكملتي وياية صدكيني افلس اهلج كتلة شنو كلي ابوج اطردة بمية حجة ومااخلي احد يوضفة وامج هم اني عندي اهواي علاقات انصدمت كتلة كولشي ولا اهلي كلي خلص لعد اهلج اصلا هسة استفادوا ومرتاحين من الوضع الجديد طبعاً كتلة خلص اني اموافقة بس مو اربع اشهر 6 اشهر لان تخلص الجامعة حتى عندي وقت اعرف شكول الاهلي كلي خلص اتفقنة طبعاً وضعي لايحسد علية بس مستحيل اضعف وابجي كدامة بقت حسرة كبيرة بكلبي كمت فتت للحمام سبحت
ومسحت كولشي بقت شغلة وحدة ابالي اهلي ثم اهلي ثم اهلي لهذا اتقبلت الوضع طلعت لكيتة مبدل ويسولف وية زمن اتصلت على الاستعلامات طلبت حباية منوم وعشة متعشيت هو اصر كلي اكولي كتلة مااريد مااشتهي بس بصراحة واحد يحجي الحقيقة جان مقهور على وضعي بس شيسوي هو مجبور
