علاوي
ضليت تقريبا كل الوقت وياها بس احجي كلش ارتاحيتله وطلع بيتهم يم بيتنه كلش انعجبت بيهه
اريد اعترف بحبي الهه بس اخاف ماتحبني وهاذ احمد طلع روحي بس ايباوع علينه واله بدي اخنكه
ونوب شفته جاي بتجاهنه كلت اكيد راح اسوي مشكله فاني ماهتميتله .. اشو نوب كضني من ايدي وطلعني براه الرحله
وكلي انته شعندك كاعد يمهه من الو ما اجيت وانته بس كاعد تحجي وياها...
ونوب ودفعني علحايط !!!.. اني تفاجات وكتله شبيك
احمد
من شفتهم هيج بس ايسولفون ويحجون حسيت بخنكه بصدري وماتحملت فكمت رحت يمهم
وماكدرت امسك اعصابي وكضت هاذ الولد الي ماعرف شنو اسمه من ايده وطلعت من رحله
وهيه تباوعلي بنضرة خوف واني اضوج من هاي النضره .. فكتله انته شعندك كاعد يمهه من اول ما اجيت وانته بس كاعد تحجي وياها
ونوب كضيته ودفعته علحايط .... والله دمرني لانوب مسوي روحه مامهتم وكلي ها شبيك
نداوي
جنت جاي اسولف ويه علاوي واضحك وياه وهو كلش حباب ورتاحيتله ... اشو فد شوي واشوف احمد جاي علينه وجان وجهه معصب كلش
فا اني خفت من عده لان اعرفه مخبل وما يتحاجه ... من وصل للرحله كض علاوي وطلعه من رحله ونوب كله
انته شعندك كاعد يمهه من اول ما اجيت وانته بس كاعد تحجي وياها ... فا اني اتفاجات يعني يقصدني اني بالحجي اااه
اكيد اليوم كاعد بشره .... وليش هو شله غرض بيه اني بكيفي اسولف ويه اي واحد
ونوب شفت علاوي دفع احمد او وخرى عنه ودفعه .. اني كلت اكيد راح اتصير عركه ..
فكضيت علاوي من ايده وكتله تعال ارجع اكعد ...وهنا احمد باوعلي بنضرة غضب اني كلش خفت منه عده والله راحت روحي من باوعلي
هسه شاسوي ... فاجه وكض ايدي وخرهه عن ايد علاوي وكلي اذا شفتج مره ثانيه تحجين وياه اموتج ... ونوب اني اخذت نفس عميييق
حسيت روحي راحت .. ما اعرف ليش كلبي ضل ايدوك بسرعه ..... احسه راح يطلع من مكانه ..
علاوي
من دفعني وشفته هيج معصب كلش اني بدوري دفعته .. بس ما ردت اتصير عركه على مود ندى
أنت تقرأ
حبيبتي وبس
Novela Juvenilالقصه باللهجه العراقيه طلعت من البيت واريد اروح للمدرسه وجان الجو كلش بارد وبعدين شفته جاي بتجاهي كلت اكيد راح يضربني بس ماعرف شنو صار لبسني جفوفه والشال الي جان حاطه بركبته وراح يركض
