هذا البارت راح اخلي كلش طويل تعويضآ عن البارحة لان جان عندي ظرف ومكدرت اكتب
ايلين: خير اياد صاير شي ليش دتصيح علية ؟
اياد: شلوووون تحجين هيج الروزا وديانا وكدام صديقاتهم انو اني جبرتج حتى تزوجتيني و تعلميني طريقة البريل ( طريقة للكتابة خاصة للعميان )
ايلين : صدكني محجيت هيج اصلا اني مشفت صديقاتهم ولااعرفهم
اياد: اسكتي شلون عرفوا انو اني تزوجتج حتى تساعديني وفوكاها تكذبين وتشوهين سمعتي هسة تروحين تبدلين وتحلين هذا الموضوع
ايلين : بس اني مسويت شي حتى احلة احجي ويا وعيوني كلها دموع 😢
اياد:ابتسم ابتسامة باردة وساخرة بدلي وروحي وياهم للحفلة وحلي هذا الموضوع
ايلين: شكللهم وشلون احلة ؟ انت ليش تزوجتني وكتلي اعتبرج عيوني اذا متصدكني
اياد: مثل محجيتي بالموضوع حلي اتزوجتج لان شفت الانسانة الوحيدة الي حجت الحقيقة لان من وقت الحادث الي صار اهلي وكل الي بالمستشفى جانوا يكذبون علية ويحاولون يخففون الالم عني بس انتي الي جنتي صريحة وياية وحجيتلي ع عيوبي لذلك كلت اكدر اثق بيج وانتي الوحيدة الي ترهم هيج مكان يعني انتي الي اثق اذا كتلج كتبيلي او قريلي الرسائل الي تجيني ع موبايلي او جاوبي ع موبايلي بس بعد الي سويتي مااكدر اثق بيج روحي وياهم حلي هذا الموضوع وباجر انطيج راتبج وزيادة واحجزلج بطيارة وارجعي الاهلج
ايلين: كلش انقهرت من هيج كال متت قهر وكرامتي متسمحلي بعد ابقة وهو ميثق بية وصدك بااختة وبت عمة الي يهينون بية بدلت ملابسي وطلعت شفتهم واكفات دينتظروني بكامل اناقتهم الفساتين والمجوهرات رخيصات كلش لدرجة انو الملابس اغلى منهم محبيت احجي وياهم شي كلت اني باجر راجعة مااريد اسوي مشاكل مااستفاد شي اذا احجي وياهم صعدت بالسيارة همة كعدوا ليورة واني ليكدام اسمعهم يضحكون ويستفزوني بكلامهم بس مهتميت رحنا وصلنا البيت مسوين حفلة بالحديقة مالتة ناس كلهم من الطبقة الراقية يمشون روزا وديانا واني وراهم امشي
ايلين :منو همة الي حجيت كدامهم اريد احجي وياهم
روزا : لج بابا احنة جبناج خدامة ويانة انتي هم مصدكة نفسج تكدرين تحجين وية هيج ناس باعي على نفسج وباعي عليهم
ديانا؛: اني حتى اخجل اكول هاي مرت اخوية حتى لو خدامة الة هم اخجل اكولها لان كلهم يعرفون اياد الروزا هو يحبها وهي تحبة
روزا: روحي باجر اياد ممحتاج مساعدتج وحدة مادية عبالج منعرف ليش قبلتي لان اول وتالي نتزوج احنة ومااريدج يمنة اني اهتم بحبيبي
ايلين: بقيت اباوع ع الناس هنا مكياج صارخ فساتين مفضوحة احسة عالم وسخ فعلا هذا العام ميناسبني هذا الفرق بيني وبينهم اجتي علية وحدة تتموع تكلي بيبي جيبيلي عصير واباوع ع نظرات الولد الجريئة وروزا وديانا عافوني وراحوا يركصون ويستمتعون عفتهم
ورحت للسايق كتلة ممكن ترجعني للبيت
السايق : اسف اني اشتغل بس يم الست ديانا وروزا
ايلين: زين ممكن تخابرلي رامي احجي ويا حجيت وية رامي والسايق انطا العنوان ورة نص ساعة تقريبآ اجة رامي صعدت ويا واني ابجي
رامي: شجابج هنا وليش دتبجي
ايلين :😭😭😭
رامي: ايلين شبيج ليش متحجين
ايلين : ممكن مااحجي ومااريد تسالني اي شي
رامي: ماشي بس اهدي وكفت السيارة بمكان هادئ وبقت هي تبجي حضنتها بقت تبجي بحضني ردت اتقرب ابوسهاجان ترفع راسها زين منتبهت علية
بقيت احجيلها نكات الى ان كامت تضحك محبيت اضغط عليها واخليها تحجيلي كتلها ايي واخيرااا ضحكتي وطلعوا الغمازات 😍
ايلين: ههههههههههههه ،،
رامي: فدوووة 😍
ايلين : رامي
رامي : نعم
ايلين: شكرا
رامي:رجاءآ شيلي الرسميات بيناتنة هاي الاشياء تضوجني
ايلين: ههههههههه صار بس انت كلش حباب
رامي: شكرا ☺️
ايلين: هااا موكلنة نشيل الرسميات 😒
رامي: هههههههه احجي الشي وانسة اطبقة ع نفسي يلا الهمرة سماح
ايلين: هههههههه ماشي سامحتك بس رجعني للبيت لان راح انام هنا من التعب😂
رامي: يأمرني الحلو
ايلين : رجعت للبيت لكيت اياد ماكو عايفلي ع الميز ظرف فتحتة لكيت بي فلوس وحجز تذكرة سفر بااسمي مااعرف ليش اصفر وجهي ليش هيج يااياد صدكت بيهم وتخليت عني بهاي السهولة بعد مبديت اتعود ع الحياة وياك اكيد اياد ندم لان تزوج بنية ميعرفها وهسة ديريد يصحح خطأة فرشت فراشي وطلعت كل الافكار من بالي ونمت كعدت الصبح ب6 ونص لان تعودت ع الكعدة الصبح وية اياد كمت من فراشي باوعت على فراش اياد وملكيتة موجودعرفت انو هو مرجع للبيت رحت غسلت وجهي واكول بداخلي ماكو داعي استاذ اياد تبات برة البيت اني رايحة اليوم وانت ارتاح مني حضرت اغراضي بالجنطة واني مستعدة انو اروح واترك كلشي وراية نزلت واني اباوع كانما اخر مرة اشوفة بيها رحت للحديقة شفت السايق الي راح يوصلني للمطار انطيتة الفلوس كتلة ينطيهم الاياد واخذت بس التذكرة دااروح صاحتني خالتي ام اياد
ام اياد: ايلين بنتي وين رايحة؟
ايلين: اسفة خالة مكدرت اودعج حتى لتنقهرين بس مجبورة اروح
ام اياد: متروحين اذا مااعرف شنو الموضوع
ايلين:خالة صدكيني تاخرت سالي اياد هو يحجيلج شنو الموضوع
ام اياد: صدكيني ياايلين اذا رحتي بدون متحجيلي شنو الموضوع مااسامحج ابد
ايلين: انجبرت اروح وياها واحجيلها كلشي
ام اياد: اني جنت اعرف ماكو شي بينج وبين اياد لان اياد ميكدر يتقرب الاي بنية بعد الي صار بي وتفاجأت من تزوجج لان جان رافض اي بنية صحيح زواج مؤقت بس جان بداية حلوة الاياد انو يرجع يثق ببنية ويخليها يمة
ايلين: بس خالة اياد مديثق بية هسة
ام اياد: انتي بيدج تكدرين ترجعين ثقتة بيج بنتي راح احجيلج شي وانتي وراها قرري بكيفج تروحين لو تبقين اعرف وضع ابني الصعب لذلك مااكدر اجبرج ع شي
ايلين: احجي خالة
ام اياد: اياد اول حب بحياتة هي روزا حب طفولتة هي حبها حب عفوي من عمرة ١٤ سنة هو يحبها لحد مصار عمرة ١٨ سنة هو يحبها رغم شخصيتة القوية بس بقة وراها الى ان اكتشف انو عدها حبيب تدمر هواية وتاذة لذلك قرر يعوفها وبعد ٣ سنوات حب جلنار جان ابوها يجي يستورد من مصنعهم عطور وهناك تعارفوا هو وجلنار وصارت بيناتهم اجمل قصة حب الكل تحجي بيها جلنار جانت كلش حلوة وكلش تحب اياد وتغار علييي واياد يموت عليها هواية متعلق بيها اياد من يحب يتأذة لان يحب بصدق وراح خطبها من اهلها واهلها وافقوا روزا جانت انانية تريد اياد الها هم حاولت تفرقهم بس عرفت انو حبهم اقوة من انو تفرقهم لذلك سافرت بحجة الدراسة بغير دولة ورة سفرها بااسبوع حددوا موعد الخطوبة وانخطبوا وجان اياد اسعد انسان بالدنيا بحيث يجي يكلي كلبي يأذيني من ورة هاي السعادة واجة اسوء يوم بحياة اياد واتمنى ينمحي هذا اليوم من ذاكرة اياد ومن ذاكرتنا كلنا جان اياد بالمصنع ديسوي عطر جان يريد يهدي الها اجتي الاياد وكلتلة اريد ننفصل اياد تفاجأ وسالها عن السبب كلتلة انو اجاها فرصة شغل بالتمثيل وتريد تحقق احلامها جان حلمها التمثيل وتصير مشهورة فضلت احلامها ع اياد واياد انصدم بيها وظل يحجي وياها وتعاكوا حاول يلزمها حتى يهديها ويتفاهم وياها بقت تكلة عوفني معافها اخذت مادة الاسيد وشمرتها عليي وانهزمت ودينة اياد للمستشفى كلولنة صار اعمى وديسوولة العملية وفشلت طلع اياد من المستشفى متغير كلش ضعفان وذبلان وحزين قليل الكلام صار بي مرض نفسي وصار ميكدر يتقبل اي احد الى ان قنعنا يسوي عملية ثانية وهم فشلت وتطور المرض النفسي عندة صار مرض مزمن يتعارك ويانة اذا كلنالة روح الدكتور نفسي راح ثالث مرة ورابع مرة علمود العملية بس الاطباء الفرنسيين كلولة عندك امل ضئيل انو ترجع تشوف بس مقبل يسويها استسلم للامر الواقع
كمت اجيبلة ممرضات للبيت انهزموا منة ماكو وحدة قبلت تبقة ويا لان صار عدواني وعصبي الى ان صار عندة شغل بالعراق وحجيتيلي انتي شلون التقة بيج وتزوجتوا من شفت ويا حسيت الامل رجعلي باابني اخيرا قبل يجيب بنية تساعدة سديتيلي جرح بكلبي توقعت انو عمرة مراح ينسد حسيتج انو انتي الوحيدة الي تكدرين تقنعي يسوي العملية لان احسن اطباء فرنسا قبل يسويلة العملية ورفض جنت اتمنى انو يحبج ويعرفج انتي شنو وتكدرين تعوضي عن كل الي عاشة
وهاي هي قصة اياد لذلك انت قرري تروحين وتتخلين عنة لو تبقين صدكيني مهما يكون قرارج راح اتفهمج لان انتي شابة ومن حقج تعيشين حياتج مااكدر اجبرج تنسجنين وية ابني شقررتي .....؟؟؟؟؟؟؟
نهاية البارت الحزين😢 شنو رأيكم بي ..... توقعاتكم وهذا بارت طويل مثل مووعدتكم بس رجااااءآ تفاااعلوا صدكوني تفاعلكم يشجعني على الاستمرار ورأيكم يهمني واعتذر عن الاخطاء الاملائية بس مداادقق ورة البارت رأسآ بس اكتب انشرة وكلما كان تفاعلكم اكثر كلما كان البارت اطول واسرع😉😉
