ايلين : خلصت الحفلة والتهيت احجي وية رامي وبالي كلة يم اياد عيوني تدور عليي بكل مكان من ملكيتة عرفت انو هو صعد فوك جان طالع اليوم جذاب بمعنى الكلمة عفت رامي وصعد فوك للغرفة وشفتة ديبوس روزا مااعرف شحسيت بهاي اللحظة حسيت انو گلبي ديتگطع وانو مهما سويت اياد موالي ويبقى موالي وكلام روزا صحيح من كالت يحبني بس ليشش تزوجني ومتزوجها ليششش فكرت للحظة انو اعوفهم وارجع الاهلي بس تذكرت وعدي الخالتي انو ابقة ويا واقنعة ع العملية كل هاي الافكار والكلام يدور بالي واني داانزل اروح للحديقة كعدت هناك ع المرجوحة وبقيت ابجي معقولة احبة الاياد وابجي هيج من الغيرة ليش حبيتة ليش حبيت الرجل الغلط ليش اجيت ع هذا البيت وهذا العالم بقيت كاعدة ابجي الى ان سمعت صوت ديانا وروزا ديضحكون مسحت دموعي بسرعة وبقيت اسمع كلامهم وهمة ميدرون بية اني موجودة
روزا: عرفت انو ايلين بالحديقة اخذت ديانا وطلعت احجي وياها بصوت عالي حتى تسمعني ايلين
ديانا: اي احجيلي شصار بيناتكم
ووزا: لج عيني عنيف منطاني فرصة اتنفس حسيتة شگها الشفتي
ديانا: شو باعي علية اي صدك هياتها ديطلع دم
روزا: وكلي اريدج ترجعين تشنغلين وياية بالمصنع حتى ابقة وياج حتى للبيت بعد مااجي
ديانا: ههههههههه والله يااياد طلعت موقليل
روزا: كتلة وايلين مااحب تبقة ويانة ويشوفوها الناس زوجة الك جان يكلي انتي وين وايلين وين شنو تسمحين النفسج تفكرين بوحدة خدامة
ديانا: فعلا روزا هم صحيح كلامة
ايلين: سمعت كلشي الى ان دخلوا صعدت فوك يم اياد اباوع عليي وابجي واكول بكلبي شنو فرقي عنها ليش محبيتني الي بقيت امشي بالغرفة الى ان رحت يمة بقيت اتلمس بوجهة فزيت من شفت حرارتة مرتفعة رحت بسرعة جبت كمادات وسهرت للصبح ويا غفيت واني جزء من جسمي بالكاع وجزء ع الجرباية ولازمة ايد اياد
اياد: صعدت ارتاح لان اليوم جان متعب بالنسبة الي اجتي وراية روزا كالتلي احبك بس محسيت بنفسي ابادلها نفس الشعور رفضتها جان فجأة تجي تبوسني ضربتها راشدي. كتلها ديري بالج تتقربين بعد مني جان تكلي ليش هيج تحبها هي شسوتلك حتى تحبها هي وحدة رخيصة صحت عليها كتلها طلعي برة بسرعة قبل مااموتج راحت طلعت وبقيت انتظر ايلين تجي حتى احجي وياها وحتى تساعدني لان دااحس حرارتي ارتفعت بقيت انتظرها الى ان نمت ومااجتي
كعدت الصبح لكيت ايلين لازمة ايدي ونايمة ولكيت كمادة ع وجهي حسيت بحنيها وكلت الحمدلله انو مراحت جان خسرتها .....
ايلين: مر اسبوع واياد يتقرب مني واني ابتعد عنة مرات يحاول يلزم ايدي وبالليل كام ميجي يكول اتعشى بالمصنع اكيد يتعشة وية روزا
اياد: ايلين اهتمت بية الى ان صرت زين وبقت تساعدني بكلشي فعلا هي صارت عيون الي ومااكدر اتصور حياتي بدونها مر اسبوع واني اشتغل باادق عطر للمصنع مالتنا هو عطرRose يعني وردة اختاريتة يكول بهذا الاسم لان هي وردة ان شاء الله احاول اتقرب منها واخليها تحبني حتى مااخسرها ابد بقيت بالمصنع اشتغل ع هذا العطرواتاخر لمااجي للبيت بس وكت الغدة اجي اشوفها
روزا: مر اسبوع واني اشتغل وياهم بالمصنع حجيت وية رامي ورجعت اشتغل وياهم وعرفت انو اياد راح ينشغل بالعطر الجديد لذلك يتاخر لما يرجع للبيت واكيد اني ابقة ويا واقنع رامي يرجع يرتاح
رامي: مر اسبوع واني احاول احجي وية ايلين واصارحها بحبي واكللها انو اياد ميحبج وميستاهلج واذا حبتني اخذها وانهزم وياها اياد اخذ مني حبيبتي جلنار جنت احبها واريد اصارحها بالموضوع وفجأة لكيتة ارتبط بيها وهسة اني راح اخذ ايلين منة
اياد: خلص العطر والكل منتظرة الافتتاح مالتها ويريدون يعرفون اسمة اني قررت اهدي هذا العطر الاحلى شي صار بحياتي وللي تستحقة اخذت العطر مكتوب عليي اسم Rose 🌹 ووصيت سكرتيرة مالتي تشتريلها فستان يكون بي صوت حتى اعرفها انو اجتي من صوت هذا الفستان وكتبتها بالورقة الى احلى وردة بالعالم انتي الشخص الي يستحق انو يكون هذا العطر ع اسمة والة البسي هذا الفستان حتى اعرف انو انتي الي اجيتي وخلي من العطر وتعاليلي نبدي صفحة جديدة من اليوم وصيت السايق ينطي للخدامة حتى تخلي بغرفتنا اني وايلين
ايلين :جنت دااسبح من طلعت اجتي الخدامة انطتني هدية اياد دازها الي شفت الفستان فرحت كلش بي بس من قريت اسم العطر والرسالة انقهرت كلش عرفت انو هاي الهدية دازها الروزا وجابوها بالغلط الي يريد يسمع صوت الفستان من تجي ومسمي العطر بااسمها وصارلة اسبوع ميجي يتعشة بالبيت يمنة يتعشة كلة وياها ربحتي ست روزا واخذتي رجعت الفستان والعطر والورقة واخذت الهدية وديتها بغرفة روزا حتى لو جان هذا الشي يقهرني اهم شي عندي يكون هو سعيد ومرتاح وان شاء الله هي هم تكدر تسعدة 💔💔
شنو رأيكم بهذا البارت ❤️
