أحمد:خلود أعصابها مش بتستحمل أي حاجة وكتر الضغط عليها بيتعبها وانا كنت كاتب لها علي علاج وفيتامينات وأدوية عشان تهدي أعصابها لكنها مش بتنتظم فيها وفوق ده كله ورثت الصرع وضيق التنفس من والدتك.
ياسين:إيه!!!
أحمد:أيوة للأسف هي ديه الحقيقة والدك ووالدتك رفضوا إنكوا تعرفوا عشان مش تتجنبوها.. لكن دلوقتي انت كبرت ولازم تعرف ولازم تخلي بالك منها.
ياسين:إن شاء الله... يعني هي هتفوق أمتي؟؟؟
أحمد:شوية كدة...بس أهم حاجة تاخد العلاج في ميعاده ومش تنساه
ياسين:خلاص ماشي... حضرتك عايز فلوس أد إيه؟؟؟
أحمد:عيب الكلام ده ي ياسين خلود بنتي وربنا يقومها بالسلامة.
ياسين:ي رب.
خلود إبتدت تفوق.
ياسين:الحمد لله علي سلامتك ...كدة تقلقيني عليكي.
خلود:هو إيه اللي حصل..
ياسين:أغمي عليكي... ليه مش بتاخدي العلاج؟؟؟
خلود:علاج إيه؟؟؟
ياسين:أنا عرفت كل حاجة دكتور أحمد حكي ليا.
خلود:...(بدأت تعيط).
ياسين:لأ أبوس إيدك بلاش عياط أنا مش حمل صدمة تانية ده أنا كنت هموت من كتر الخضة عليكي... خلود إنتي لو جري ليكي حاجة أنا هضيع من بعدك.
خلود:بعد الشر عليك إن شاء الله وإنت لا.
ياسين:بعد الشر عليكي.... ممكن بقي تاكلي.
خلود:مليش نفس.
ياسين:لأ لازم تاكلي وتاخدي العلاج.
خلود:حاضر.
المهم أكلت وأخدت العلاج ونامت وصحيت تاني يوم لقت ياسين صاحي ومصحي ياسمين ومحضرين الفطار ومرتبين الشقة كمان..
خلود:إيه ده!!
ياسين:صباح الخير ي خوخه.. إحنا قولنا نساعدك مرة من نفسنا بقي.
خلود:ربنا يخليكوا ليا ي رب.
ياسين وياسمين:ي رب.
خلود لبست وراحت الجامعة..... وفضل الحال علي كدة لمدة شهر... ياسين بقي يهتم بخلود أكتر من الاول وخلود بقت تاخد علاجها عشان خاطره وكل واحد كان بيطحن نفسه في المذاكرة.
خلود:ي جماعة أنا عندي إمتحان مهم أوي بكرة.
ياسين:ربنا معاكي ي حبيبتي.
المهم كلهم ناموا بدري ما عدا خلود سهرت تذاكر..
ياسين قلق فبص في الساعة لقي الساعة 7 فاستغرب إن خلود مش صحيته... فراح يشوفها لقاها نايمة فقال:خلود.... خلود إصحي عشان إنتي إتأخرتي علي الإمتحان.
خلود:إيه؟؟؟
خلود قامت مفزوعة وبصت في الساعة لقت الساعة 7 والإمتحان المفروض الساعة 9 والطريق بياخد ساعة ونص...
فقامت اتوضأت وصلت ولبست في حوالي ربع ساعة... وجات تنزل لقت ياسين بيقولها:إستني إفطري الأول ...
خلود:لأ مش هينفع هتأخر .
ياسين:إنتي بتنهجي ليه ؟؟إنتي تعبانة.
خلود:لأ أنا كويسة.
ياسين:أخدتي العلاج.
خلود:لما أرجع إن شاء الله .
ياسين:لأ خديه قبل ماتنزلي.
خلود:بس..
ياسين:يلا ي خلود خدي العلاج.
خلود:حاضر.
المهم خلود أخدت العلاج ونزلت بسرعة...
المهم وصلت محطة المترو ودخلتها وهي بتعدي السلم عشان توصل للرصيف المترو كان دخل المحطة. كانت بتنزل علي السلم بسرعة عشان تلحقه وهي نازلة حاجة وقعت منها فجبتها بسرعة وبعدين كملت نزول.. كان في شاب واقف علي الباب فبيبص علي السلم لقاها نازلة بسرعة فقال إنها أكيد عايزة تركب المترو... حس إن الباب هيقفل فقال:يوسف أمسك الباب معايا.
يوسف:ليه؟
إسلام:بسرعة أمسك الباب.
يوسف وإسلام مسكوا الباب وأول ماوصلت خلود لباب المترو لقت المترو بيصفر عشان يقفل الباب خافت تركب لكنها لقت إسلام بيقولها إركبي بسرعة..خلود ركبت وهما سابوا الباب وفجأة الباب إترزع وهي إتخضت من قفلته وفضلت متنحة وكمان إسلام إتخض لدرجة إنه فكر إن حصل لها حاجة.
إسلام:إنتي كويسة؟
خلود ركزت معاه وقالت:آه الحمد لله. أنا متشكرة أوي.
لحظة صمت قطعها إسلام..
إسلام:هو إنتي في هندسة؟؟
خلود:آه.
إسلام عرف من الأدوات اللي هي كانت ماسكاها واللي هو كمان كان ماسكها.
إسلام:وأنا كمان في هندسة.. شكلك كدة في جامعة القاهرة.
خلود :أيوة.
إسلام:ي سبحان الله وأنا كمان..
يوسف كان مستغرب طريقة إسلام مع البنت بس مش رضي يتكلم معاه.
إسلام:هو الإمتحان النهاردة علي إيه؟
خلود:علي كل حاجة أخدناها ماعدا آخر فصل.
إسلام:ربنا معانا.
خلود:ي رب.
صمت لمدة دقيقة وبعدين إسلام قرر إنه يقطع الصمت ده.
إسلام:هو أنا ممكن أطلب منك طلب بس ياريت مش تفهميني غلط.
خلود:إتفضل.
إسلام:أنا كنت عايش في إسكندرية وحولت لجامعة القاهرة من أسبوع وبصراحة في حاجات كتير فاتتني وصحابي اللي جم معايا من إسكندرية هما 2 بس وطبعا زيي مش فاهمين حاجة واللي إتعرفت عليهم مستواهم مش أد كدة فلو ممكن تبقي تشرحيلي اللي فاتني وياريت لو تبقي زميلة لينا كمان ونروح ونيجي مع بعض بس اوعي تفهميني غلط أنا يعني اللي خلاني أقول كدة إن باين عليكي إنك محترمة وهيزيدني الشرف إنك تبقي معانا في الشلة إحنا 5 شباب ومعانا بنتين كمان... وبعدين علي الأقل نبقي معاكي لو حصل موقف زي اللي حصل النهاردة. هاه قولتي إيه؟
خلود:ماشي مفيش مشكلة.
إسلام:طب ممكن نبدأ من دلوقتي الشرح.
خلود:ممكن بس 10 دقايق كدة.
إسلام:ليه؟؟
خلود:مش قرأت القرآن اللي بقرأه كل يوم.
إسلام:خلاص ماشي براحتك.
المهم خلود بدأت تقرأ وكان صوتها باين وهي بتقرأ بس كان مش عالي أوي بس إسلام عشان كان واقف جمبها فسمعه..بعد ماخلصت قال لها:علي فكرة صوتك في القرآن حلو.
خلود:شكرا..يلا نبدأ.
إسلام:ماشي ونبقي نكمل في المترو التاني إن شاء الله.
خلود:إن شاء الله.
المهم بدأت تشرح وبعدين نزلوا المحطة وركبوا المترو التاني وكملت هناك وهي عشان شرحها كان حلو فهو فهم بسرعة وتقريبا شرحتله 1/2 المادة في نص ساعة.
المهم راحوا الجامعة ودخلت معاهم وفضلت ماشية لحد المدرج وبعدين وقفت. إسلام بيلف عشان يكلمها مش لقاها فبيبص وراه لقاها واقفة وماسكة دماغها.
إسلام:إنتي كويسة ي..
خلود:آه آه كويسة.
إسلام:لأ إنتي مش كويسة خالص.
خلود:لأ أنا كويسة.
إسلام:طب يلا عشان نلحق الإمتحان.
إسلام مكانش مقتنع إن خلود كويسة.. هو آه لسة عارفها لكن شكلها كان يدل إنها مش كويسة خالص..خلود فعلا كانت تعبانة بس ده إمتحان..
المهم دخلوا إمتحنوا وإسلام قال لها تخلص الإمتحان وتستناه بره خلود حلت كويس جدا وإسلام كمان حل كويس.
إسلام:أنا متشكر أوي..أنا مش
عارف كنت هعمل إيه من غيرك.
خلود:اولا الشكر لله ثانياً أنا مش عملت حاجة.. ربنا بيحبك عشان كدة وقف معاك.
إسلام:ونعم بالله.
يوسف:إيه ي جماعة عملتوا إيه؟؟
إسلام:الحمد لله تمام.
يوسف سابهم.
إسلام:طب هتروحي ولا قاعدة؟
خلود:لأ هروح.
إسلام:طب ثواني وآجي معاكي.
خلود:ماشي.
إسلام:يوسف أنا هروح.
يوسف:ليه بقي إن شاء الله؟مش كنا هنلعب كورة النهارة.
إسلام:معلش بقي أنا هروح عشان هي باين عليها تعبانة ومش عايزة تقول وبصراحة بعد اللي عملته معايا مش ينفع أسيبها لوحدها.
يوسف:ماشي نبقي نعوضها إن شاء الله.
إسلام:إن شاء الله.سلام.
مريم:هي إيه حكاية البنت ديه؟وماله إسلام مهتم بيها كدة ليه؟
يوسف:والله مش عارف.
إسلام:يلا بينا.
اتحركوا وبدأوا يمشوا..
خلود:هو إنت سبتهم ليه؟ لو سايبهم عشاني أرجع لهم.
إسلام:لأ مش هرجع أنا أصلاً تعبان وعايز أروح وبعدين مش هينفع اسيبك وإنتي تعبانة كدة.
خلود:بس أنا كويسة.
إسلام:لأ إنتي مش كويسة ي.. تصدقي أنا لحد دلوقتي مش أعرف إسمك.
خلود:أنا اسمي خلود.
إسلام:أسمك حلو اوي ..وأنا أسمي إسلام.
المهم ركبوا مع بعض المترو.
إسلام:إنتي ساكنة فين؟؟
خلود:في المعادي.
إسلام:وأنا كمان بس بركب من حدايق المعادي.
خلود:آه..
إسلام:طب أنا هقابلك إزاي عشان نركب مع بعض.
خلود:مفيش داعي.كل واحد يروح لوحده أحسن.
إسلام:لأ لازم نروح مع بعض علي الأقل عشان محدش يدايقك.
خلود:محدش يقدر يدايقني.
إسلام:طب عشان لو إتكرر الموقف اللي حصل النهاردة في المترو أقدر أساعدك.
خلود سرحت وفضلت تفكر...
إسلام:هاااا قولتي إيه؟؟
💙💙💙💙💙💙💙💙💙💙💙💙💙💙💙💙💙
حلوا ولا لا 😳💞
اكمل!؟
رايكم يهمني😌💝
