انصدم أبورعد في الملاك اللي قدامه ودق قلبه لها بحنيه وهو يطالع عيونها حس إن فيها شئ غريب يجذبه
رجعت لميس على ورى وأبو رعد سحب نفسه داخل البيت وهوغارق في تفكيره
أما لميس غمضت عيونها بقوه تتنهد"ياربي يالميس شفيك ليش قلبك يدق بقوه عادي إنتي ما تتغطين يعني اللي صار شئ عادي متعوده عليه ،،لااا لااا أنا ماأدري وش صار لي من شفته أحس إني أعرفه موغريب علي ،،،طيب يمكن شايفته في مكان ،،لا لا لا نظراته لي غريبه أحس فيها شئ حنان يوووووووه شفيني إهدي إهدي يا لميس)
أخذت نفس وراحت جلست على الكرسي
طلعت أم رعد ولميس قامت واقفه صافحتها:السلام عليكم
أم رعد :وعليكم السلام
لميس مرتبكه"باين ماعرفتني":أ،،،أنا لميس أرسلتني خالتي أم هدى
تغير وجه أم رعد واختفت ابتسامتها ولميس لا حظت تغيرها أخذت الأوراق منها:هذي كلها الأوراق
لميس:أيوه
نادت الخدامه وطلبت منها توصلها للسياره وراحت
أخذت لميس عبايتها مشت مع الخدامه،، سمعت صوت بنت ينادي:مـــــيري،،،،،،ميــــري
لفت ع ورى لميس وشافت بنت شكلها كيوووت لابسه بنطلون زيتي فيه خطين ع الجنب أسود وبلوزه سودا وشعرها مفكوك
بان عليها إنها متفاجئه لما شافت لميس راحت لها الخدامه وكلمتها وعيونها ع لميس
دخلت الخدامه وقربت منها البنت مبتسمه:مرحبا
لميس:أهلا
ريم:إنتي مين
لميس:أنا لميس....
قاطعتها بدهشه:إنتي لميس بنت زوج أم هدى
لميس مستغربه:أيوه
ريم ببتسامه واسعه تمد يدها:أهليــــن لميس أنا ريم
مدت لميس يدها تصافحها:هلا فيك
ريم بفرحه:وا ا ا ا ا و أخيرا شفتك ،،،بصراحه تهبليين
ابتسمت لميس وهي مستغربه"كيف تعرفني؟؟ شكلها متواضع وحبوب غير رنا المغروووره "
مدت إيدهاريم للميس:تعالي نجلس في الحديقه
لميس تبغى تجلس معاها إرتاحت لها بس خايفه من تهديد سفاجه
لميس بحرج:لا سوري ماقدر لازم أرجع السواق ينتظرني
ريم بوزت:لا تكفين أجلسي شوي بصراحه إرتحت لك
إبتسمت لميس:وأنا بعد بس ماأقدر أتأخر إعذريني
لبست لميس عبايتها وسلمت عليها وطلعت
