يا محلا ذيج ايامنا الماترد
همس القوارير
البارت الرابع
من بعد ما ضميت الورقه عندي الليل منمته كولت لازم ادك عليه واشوفه لان دخل مزاجي ونضراته كانت تدوخ اكبر واحد وفعلا رحت للصاله ولگيتهم كولهم نايمين ورحت يم التلفون الارضي مالتنا ودكيت الرقم جاوبني رجال كبير وبسرعه سديته بدون ما احجي ورحت نمت گولت خليها غير مره ادك عليه وفعلا ثاني يوم هم دوام وفره بالبيت ومن خلص اليوم شفتهم كولهم نايمين ودكيت عليه جاوبني وطلع اسمه هيثم
هيثم : الوووو
جوري بقيت ساكته محجيت
هيثم : عرفتج راح تخابرين شلونج
جوري : الحمدلله بخير
هيثم : اني اسمي هيثم عمري ٢٤ سنه ومتوضف جديد وحالتي الماديه زينه والحمدلله وعندي اخوات اربعه واخوان ٣ اختي الكبيره متزوجه واخوي الكبير مسافر للخارج يشتغل هناك واحب اتعرف عليج
جوري طبعا عرفته بنفسي وحياتي ودوامي بس محجيت عن حسن طبعا هههه وضلينا نسولف وكان دمه كولش خفيف ورومانسي حيل ويحب صنف الحريم بصوره عامه واهم شي شكله حلو بقينا نسولف تقريبا ساعتين او تلاثه على ما اذكر وسديته منه واني الفرحه ما سعتني كنت كولش فرحانه بيه وعجبني ودخل مزاجي همين گلت انسى عبدالله بيه احسن لان حسيت بالاهانه من تركني وتزوج ضلينا كل يوم بليل نسولف ونضحك ونتشاقى وحب وغزل كان كولش حساس وفعلا واحد حب الثاني وصارت علاقتنا قويه ومترابطه حسيت هو هذا الحب الحقيقي الي اني ادور عليه وحسيت خلاص بعد كافي لهنا وقفلت كولشي هو هذا حبيبي فعلا حبيته من كول گلبي واتمنيت اتزوجه
فد يوم گالي اريد اشوفج بالحديقه الفلانيه
هيثم : جوري اريد اشوفج
جوري : لا هيثم ما اگدر شلون نتشاوف اخاف
هيثم : والله ماكو شي لا تخافين نروح للحديقه الفلانيه ونتقابل هناك
جوري : اخاف يشوفونا ما اكدر
هيثم : هسه منو راح يجي للحديقه من اهلج يا عيني دخليني اشوفج راح اموت
جوري : اوكي خليني اشوفلي حجه اطلع بيها
واني ليلي ما نمته ادور عذر علمود اطلع واشوفه وبهاي الفتره كولش هملته لحسن لا اطلع ولا اشوفه ولا اسولف وياه وكان وقتها عطله وهو يجي مرات قريب علينا وكت العصر واني اطلع بحجة اروح لاستبرق واشوفه واحجي وياه بس بالفتره الي عرفت بيها هيثم ضليت كولش ما اطلع ولا اشوفه حتى ينساني وفعلا طلعت بحجة اودي ملابسي للخياطه ورحت للحديقه الي اتفقنا عليها وتقابلنا لگيته گاعد ينتضرني وضلينا نسولف ولزم ايدي واشترينا حب وعصير وكعدنا نسولف وانطاني صورته سبق وان طلبتها منه حتى احتفظ بيها وما اشوف اله حسن سايق التكسي فات من يمنا ويخزرني وعيونه تجدح نار انه بعد ما عرفت شلون احجي ضلت عيني عليه لا يسويلي فضيحه الضاهر كان مراقبني كتله لازم اروح اتاخرت على اهلي لا يضل بالهم عليه ويرحون لاستبرق ويعرفوني مو يمها ونهزمت مثل النعامه بيب بيب ههههههه ما صدكت اوصل للبيت امشي واتلفت اخاف يكون لحگني ويسحلني بالشارع كنت خايفه من صودك وگلت طحت بشر اعمالي وكانت هذه اخر مره اشوف بيها حسن خطيه بعد فص ملح وذاب ههههه طبعا بقت علاقتي بهيثم كولش حلوه لحد ما فد يوم گال اني راح اجي اخطبج واني عندي كولشي
هيثم : جوري خلاص بعد ما اتحمل لازم ننخطب ما اكدر على فراگج
جوري : اني همين كولش احبك واتمنى اكون الك بس شلون نتزوج وانت هسه توضفت وكلشي ما عندك
هيثم : لا تخافين حبيبتي خالي كولش يحبني وراح يسكني لبيت لوحدي واثاثه منه وكلشي يتكفل بعرسنا وبكولشي احتاجه لان مربيني مثل ابنه ويحب خاطري جوري : اوكي حبيبي خلينا نتواعد حتى يجون اهلك يشوفوني
هيثم : ماشي عمري حضري نفسج راح اودي اهلي يشوفونج
اني همين كيفت وافرحت لان خلالي الگمر بيد والشمس بيد گولت بعد شنو اريد كول الي اريده حصلته شاب حلو ومتمكن وموضف وبيت بعد ماكو احلى من هالشي وفعلا انطانا مو عد وگال
هيثم : تحضري لأمي ولاختي لان راح يجون يشوفونج ولو اهم شي اني ورايي بس مجرد شكليات گدام اهلنا والناس
جوري : اي حبيبي صحيح احنا الي راح نعيش سوه ويكفي اني احبك وانت تحبني بعد شنريد من الدنيا
هيثم : ربي يقدرني واسعدج واخليج احسن انسانه بالدنيا
جوري : يا عمري وجودك بحياتي هي هذه سعادتي الحقيقيه
وخلاص وصار التفاق انو يجون اهله يشوفوني وباقي الشكليات الي انتم تعرفونها
