يوم جديد وڤلوق جديد 😍 ( شعر تالا ) فوق ☝🏻
ملاحظه : ترى تالا ماقصت شعرها بوي بس ربطته وحطت باروكة
الخادمه بنفسها : يووووه هادا تالا مافي كويس هادا كل يوم مافي قوم
( الخادمه تطق الباب ) : آنسه تالا قوم يلا مدرسه !
تالا بدون ماتفتح الباب : انا قايمه ! وقاعده اتجهز ( تفتح الباب )
الخادمه تشهق : هئ هئ تالا ! إنتا روح مدرسه بعد شويه ليه إلبس هادا ولد ؟!
تالا : هههه سر
( طبعاً تالا كانت كاشخه ولابسة شماغ وكبك وساعه ومتعطره عطر رجاجيل لكن لما تشوفونها تحسون ان فيها شيء غلط بما انها بنت )
تالا تناظر الساعه : كويس باقي وقت ماتأخرت .. يلا باي إلين ( الخادمه ) بروح أفطر
( نزلت تالا من الدرج وراحت إلى الطاوله الذهبيه علشان تفطر ولقت حنان وامها وأبوها وجدها ( محمد ) يفطرون
ملاحظه : الجد محمد كبير بالسن وعنده مرض ( متلازمة داون )وهذا المرض هو ان يصير الناس اشكالهم نفس بعض يعني .. ماتصير عينه تشبه أمه او ابوه كذا وجه جديد وترا ماجبت هذا المرض من جيبي 😅 )
" ترتيب الطاوله"
الجد
الأب الام
حنان تالا
الجد : يابنتي انتبهي على نفسك وزي ماقال عبدالله انتبهي من هتان !
تالا : جدي محمد من هو هتان ؟
الجد : مو لازم تعرفين من هو اهم شيء تبعدين عنه !
تالا خافت : حاضر
( تسريع الأحداث في مدرسة العيال ) تالا وهي نازله من السياره * روزرايز* الكل يلتفت لها !
تالا بنفسها ~ : هه شكلي خققتهم علي الخرفان * نسأل الله العفو والعافيه 💔😂*
اثنين يتهامسون من بعيد : وش ذَا ! ولد عز ومتكشخ بعد ! وخكري ؟! " ياعمري ماتدري وش يتكلمون عليها من جد 🤐"
يجي واحد اسمر من بعيد قدام تالا ويقول : أنت
تالا بصوت ناعم شوي : خير وش تبي ؟!
؟؟؟ : تبيني أصفقك تكلم زي الناس والعالم يالخكري !
تالا : نعم نعم نعم ؟! عيد ماسمعت ☺️
؟؟؟ : ما أعيد كلامي لخكاريا زيّك !
( تعطيه تالا صفقه بالرجل وحركه خوووورااافيه )
تالا : تعلم كيف تتكلم مع الناس فاهم ؟!
؟؟؟ اغمى عليه..
( راحت تالا للفصل ثاني ثانوي علمي فصلها ) ودخلت ..
تالا بدون ماتتكلم او تقول السلام راحت مكانها : ....
لف عليها واحد جنبها وقال : هلا والله بعبدالله
تالا ناظرته من فوق لتحت مستغربه ؟
قال : هذا انا خالد شفيك عبودي ؟
تالا تذكرت مين هو وخشنت صوتها : اي انت خالد صح ؟
قال : لا ابو خالد انا .. شفيك ؟ حتى وجهك احس متغير شوي
تالا توترت : لالا ! مافيني شيء
دخل أستاذ الكيمياء : السلام عليكم
الطلاب : وعليكم السلااااام ورحمة الله وبركاااااته
أستاذ الكيمياء : يلا بِسْم الله نبدأ الدرس
تالا بنفسها ~ : جئت بوقتك
أنت تقرأ
لا تحرميني حبّكِ
Fanfictionتالا فتاة تضطر إلى التنكر على هيئة أخوها عبدالله في مدرسته لسبب ما ? وتصير لها مغامرات وضحك ولعب في مدرسة العيال والسؤال هنا : وش راح يصير لـ تالا ؟
