Una
Iniwan kita
Ang lakas ng loob kong tapusin kung anong meron tayo
Kasi ramdam ng puso't kaluluwa ko na pagod na pagod na ko
Pagod sa trabaho, sa bahay, sa buhay
Pati na rin sayo
Pangalawa
Hindi ka sumagi sa isip ko kahit saglit pa
Ang saya kong nakalaya sa relasyon nating dalawa
Diba meron pa nga akong nahanap na iba?
At nasa isip ko noon, wala nang mas hihigit pa
Pangatlo
Masaya kami nung bago ko
Nakukumpara ko pa nga sya sayo
Mas lalo akong naging kumbinsido
Na tama yung naging desisyon ko
Pang-apat
Masasabi kong minahal ko sya ng sapat
Binigay ko ang dapat, lahat-lahat
Bawat minutong ang mga labi nami'y magkalapat
Tila bang ako'y nalulunod sa alon ng dagat
Pang-lima
Eto nga't nagkakalabuan na
Yung dating masasayang araw naming dalawa
Nararamdaman kong mawawala na
Sinusubukan kong isalba kung ano man yung natitira
Pero ramdam kong sya rin, bumibigay na
Pang-anim, Pang-pito
Eto na at ikukwento ko sayo kung pano kami naging malabo
Dahil narin siguro sa kagagagawan ko
Mga salitang hindi sinasadyang bitiwan,
Kusang lumalabas na para bang ewan
Siguro nga at hindi rin kamitama,
Isa kaming matinding halimbawa,
Na pinagtagpo pero hindi itinadhana
Pang-walo hanggang panlabing-isa
Yung puso't isip ko sobrang nangongonsensya
Bumabalik lahat ng masasasayang ala-ala
Sa loob ng halos apat na taong tinapon kong parang basura
Labindalawa
Isang taon at higit na ang nawala
Ngunit ramdam ko parin lahat ng init na ipinaramdam mo
Lalo na sa mga gabing magkatabi tayo na para bang tayo lang ang tao sa mundo
Paulit-ulit akong gumagawa ng scenario sa isip ko
Pano kung magkita ulit tayo?
Napatawad mo na kaya ako?
Pwede pa kaya ulit tayo?
Dahil sobrang nagsisisi na ako
Higit isang taon na, pero naiisip ko pa rin
Lahat ng masasaya pati na malulungkot na ala-ala natin
Yakap mong mahigpit sabay halik sakin
Paghawak mo sa'king kamay na parang ako'y inaangkin
Ang dami kong natutunan sa loob ng maiksing panahon na wala ka sa tabi ko,
Lahat ng ginagawa nating magkasama, ngayon, mag-isa ako
Lalo kong naisip na sana pinahalagahan ko lahat ng meron tayo
Dahil kahit labindalawang buwan na ang nakalipas, ikaw pa rin ang nasa puso ko.
-
End