Ang tula na inaalay ko para sa'yo

Pangako ay Ito

Noong una laging pumapasok sa isip ko

Ang mga tanong tungkol sa kung paano ako mapapalapit sa iyo

Kaya't sabi ko sa sarili ko

Tiyaga! Sipag! Lakas!

Dahil ayokong mauwi sa daan na kung saan ang mga naiiwan ang lumulunan

Ayoko maging talunan, iwanan, duwag at marami pang iba

Na malalagay sa lugar na ang mga iwanan ang lumulunan

Kaya't ikaw ang dahilan ko sa pagpasok sa umaga

Ngunit hindi mapalapit sa iyo

Kaya't inabot na ko ng dapithapon

Dapithapon na kung saan hindi parin kita nakausap

Kaya't lagi kong dinarasal ng paulit ulit sa Diyos

"Progreso ay taasan

Kasawian ay babaan

Ligaya sa dalawang tao ay umusbong

Parang sabay naming tinatakbuhan ang sumbong"

Kung mapapalapit at pakakapagtalastasan sa iyo

Ang mga katagang ito ang maririnig mo

Na nanggagaling sa puso ko:

Kahit na abutin ako ng dekada

Kahit na abutin ako ng pagsabog ng mundo

Kahit na talikuran ko pa ang dignidad ko

Kahit na kalabanin ko pa ang lahat

Gagawin ko kasi mahal na mahal kita!

Kaya't sana.... sana magkaroon ako ng puwesto sa puso mo

Ayokong maging iwanan dahil isa akong duwag

Duwag na nagresulta sa katangahan

Kaya't tinatagan ko ang sarili ko

Mula sa mapait na mundong ito

Kaya't nagsisi ako dahil duwag ako!

Kaya't pangako ay ito

Pangako ay ito...

Gagawin ko ang lahat para lang sa iyo

Para lang sa oo mo

Dahil nahumaling ako sa mukha mo

Sa boses mo

Na parang isa kang diwata

Nasa batis ay nananahan

At kung magiging tayo man

Sana mahalin mo ko kung sino ako

Hindi kung ano ako

Dahil pinapangako ko sa harap ng diyos at magulang mo

Mamahalin kita ng todo at totoo

Hindi kita sasaktan ng sukdulan

Dahil pangako ay ito...

Hinding hindi na kita bibitawan

Bawat paggalaw ng mga kamay ng orasan

Ilulustay ko para lang sa iyo

Kahit pumuti man ang buhok kong ito

Mamahalin kita ng todo araw at gabi

Mamahalin kita kaysa sa pagmamahalan ng umaga at buwan

Na parang wala ng bukas

Na parang katapusan na ng mundo

Dahil sa pangako na ito

Mamahalin kita ng todo't totoo

Pangako ay ito sa iyo, Sinta!