كومي :هدا انتااااا 😨
زياد:😉لالا هدا انا
هوما:قصدك تعرفو بعض 😱
زياد :عز المعرفه 😂
كومي :لانعرفه لايعرفني
زياد :انا نعرفك ...شن بنديرلك
كومي :بعصبيه وانا مانعرفكش 😠
زياد :باهي مش مشكلتي كان ماتعرفينيش
كومي :والله كان ماتلم دبشك وتطلع من هني لما نقول اللي درته كله لخالي المبروك وميدو وفراس وتشوف بعدين شن يصير فيك مش تشوف فيهم هكي تقول طيبين اشر منهم مافيش فاخليها بالتي هيا احسن واطلع خيرلك
زياد:انا يوم جيتك جيت بنيتي والله كان قصدي شريف ...والقدر جمع بينا بعد 4سنين
كومي :انا مانعرفش كل الكلام اللي قلته اللي نعرفه انك تنوض تلم دبشك وتطلع من هني دور وين تسكن مانبيش نشوف وجهك تاني 😬
هوما:خلااااااااص...(انتبهوا لي هوما )...ممكن تفهموني شن القصه 😡
كومي :تو نحكيلك هي نطلعوا لاني نحس في روحي انخنقت ...وانت عندك من هني لليل ادور مكان تقعد فيه
زياد:والله انتي فاهمه كل شي غلك ممكن تعطيني فرصه نحكي
كومي :مانبي نسمع منك شي ...وطلعت .. لحقتها هوما
زياد:اااخ منك لو تسمعيني مرة في حياتك بس. ..... هاني ماشي لاكن باذن الله يجي يوم ويجمعنا القدر مرا تانيه 😢
....
هوما :معقووله كل هدا واحني ماندروش عليه
كومي :هدا اللي صار اصلا الموضوع ماخداش اسبوعين وانا من الاول ماكنتش مطمنلتله باش نحكيلكم ..
هوما :مهما كان المفروض مادسيتيش علينا
كومي :اسمعي ماتزيديش عليا انا الموضوع كنت ناسياته ومانبيش نفتحه تاني 😢
هوما :باهي خلاص هي نرجعوا للبنات
كومي :اسمعي ماتحكيلهم شي توا بعدما يمشي انا تو نقوللهم القصه كلها
هوما :به
دخلو للبنات ....
كومي مشت لدارها طول بدون ماتتكلم وسكرت ع روحها
البنات :خيرها كومي .. 😱
هوما :ماخيرها شي
لولو :تي شن ماخيرها شي ماتشوفيش في وجهها كيف مقلوب
هوما :ماخيرها شي صاحبتها دايره حادث وراقده في المستشفى هيا زعلانه عليها
هبو:اول مرة نشوفها مكسورة هكي 😨نمشي ندوي معاها ...(في خاطرها ع منو يا هوما كان مش انا عارفه القصه كلها )
هوما :خليها تبي ترتاح
هبو:مش مخليتها ....ومشت
طق طق الباب
كومي :خلوني نرتاح شوي ونطلع
هبو :كومي افتحي انا هبوشتك افتحيلي
كومي :بصوت واطي....به 😢
فتحت
هبو :خيرك حبيبتي
كومي :متضايقه والله متضايقه ....وحضنتها وقعدت تبكي
هبو :حبيبتي خلاص معاش تبكي والله مانقدر نشوف دموعك
هبو سكرت الباب وقعمزت بيها ع السرير
...:كومي حبي معاش تبكي ...وبدت تبكي معاها
مشوار وسكتو
كومي :علاش هكي علاش انا كيف نسيته علاش رجع تاني
هبو :زياد صح
كومي :انتي كنتي عارفه ...
هبو :اي كنت عارفه انه هوا لاكن ماقتلكش مانبيكش تتدكري قلت هوا اكيد اليوم حيطلع يدور وين يسكن
كومي:تبكي ... بس ياريتك قلتيلي ياهبه ياريتك قلتيلي كان هدا مامشيتش وماشفتش وجهه ..اللي داره فيا مش شويه نكرهه نكرهه ونكره جنس بني ادم هدا كرهني في عيشتي كرهني في حياتك الله ياخده ان شاء الله
هبو ..تمسحلها في دموعها :خلاص حبي ربي ماينسى حد وحيرجعله كل اللي داره خلاص توا نوضي باش البنات مايحسو بشي
كومي:اسمعي ديري روحك ماتعرفي شي لان قلت لي هوما ان ماحد يعرف وان الموضوع خدي اسبوعين بس
هبو :به حاضر غير نوضي
كومي :انا بنرقد شويه وانتي اطلعي كان تبي
هبو :به .. وهوما قالت ان صاحبتك دايره حادث
كومي :به
أنت تقرأ
شلة بنات العيله
Aktuelle Literaturاربع بنات صديقات ليبيات بالرغم من اختلاف اعمارهم كانو اعز صديقات😍 كانت لهم طفوله مشوقه مليئه بالمغامرات ولكل منهم قصه مستقله عاشتها في الواقع الليبي منها من سارت بها الى الاحسن ومنها من سارت بها الى الاسواء اشخاص دخلو حياتهم منهم من ادخل الحيويه ل...
