ثباحوو ....جمعه مباركه 😍
فايقه بكري اليوم وزاهيتلي ادعولي نقعد هكي ديما 😂😂😂😂
هههههههههه
قراءة ممتعه 👍
***
تذكير ....
كومي :حييي تعرفو نسيتهم
لولو:هههههه تي ع اساس انا متذكرتهم
هبوش :خزي عليكم بتسافرو وتخلوني 😢😢
كومي :تي وين والله رجلي ع رجلك لمن بنخليك
هبوش :لالا وين بيخليني مؤمن ولابدر نمشي هههه تسخفي
كومي :تيء ع اساس ميدو بيمشي خطوة بلا مؤمن ...مافيش منها الدوة هادي راه
نونو :بنات قصدكم بجديات عندنا شركات وجو تي والله ماخاشه راسي القصه
كومي :حييييييء ادكرت ..........😱😱
البارت 18 ....
كومي :حيي ادكرت ....
هوما :شن ادكرتي !!!!!!
كومي :تدكرو لما كنا مقعمزين مع بعض نتفرجو ع مسلسل نووور ...
نونو:وقلنا الله تخايلو حني هكي زيهم
هوما :وعندنا ورث من جديي
لولو :شركات بره واراضيي
هبوش (بنفس نبرة صوتهم):وهدا كله انا مش معااكوووم
كلهم يضحكو هههههههههه
هوما: والله حق هدا اول حلم من احلام الطفوله يتحقق
هبوش :ان شاء الله كل احلام الطفوله تتحقق
كومي :الاحلم واحد
البنات شبحولها ..😒😒اماحلم
كومي :مش لازم تعرفوه ...😂😂😂
هبوش(عرفتها ع شن تحكي وبتغير الموضوع ):خزي يابارد 😁ع مهم وين بتقري كومي
كومي :...في نفس الثانويه اللي فيها نونو
هبو :باهي كويس
هوما : اخيي ع الجو بتريح ايامنا الحلوة هادي وبنرجعو لوجيج الحياش وووك فدد
لولو :هههههه والنوضان ساعه 7
كومي :انا من نصلي الفجر معاش نرقد في وقت القرايه
هبو :ادير في جو انا متع قرايه والنبي فكينا 😒😒
كومي :والله هدا الواقع 😌😌
(طبعا نونو وهوما شهاده ثانويه ..هوما ادبي ونونو علمي ..كومي سنه اولى ثانوي ..لولو وهبوش اول اعدادي (السابع)..وطبعا ندوش اول ثانوي زي كومي ...فارس سنه ثانيه اعدادي ...سراج ثالثه اعدادي ... بدر ومؤمن وفراس وميدو كانو في الجامعه لاكن اي سمتر الحق مانعرف 😂😂زي ماتعرفو الاولاد يخلطو)
عند الشباب .....
فراس :ميدو قوللها هي قبل وكان تطلع حق تكلم في واحد وهلها يغصبوها ع محمد
ميدو:والله معاك حق زعمك نمشي نقوللها توا خيير ...لاكن هي مش متع الجو هدا نحسها
فراس :هي كويسه صح وماريتش منها غلط لاكن ماتدري شن فيه في راسها
ميدو :اي صح لاكن كيف بنقولهالها
فراس :برا افقشهالهم واطلع بدون ماتتلفت ولاتشوف ردت فعلهم
ميدو :فكرة لاكن نقدرش مانشوفش ردت فعلهم😁😁....هي هي نمشولهم
ركبو للبنات ..لقوهم في المطبخ يديرو في تورته(ع اساس )....😂😂
ميدو :هي نديرو عليهم جو
فراس :😱😱😱حيييييي هدا شنوووو شن درتي انتي وياها
البنات انخلعو واللي فيدها حاجه لوحتها 😨😨
فراس :شن اللي درتوه 😠
لولو :شءشششء شن درنا حني 😐
فراس :كل اللي درتوه وعندك عين تقولي شن درنا 😠😠
ميدو (واقف وراه وشاد الضحكه 😂):قتلك يافيرو هادم يبيلهم طريحه نباشة القبور ملهم ع بعضهم
كومي :تضحكككك 😅😅😅(عرفتهم يتسهوكو )
فراس :تي شو تضحكي عاجبك اللي درتيه
كومي :اي عاجبني خيرة
ميدو :تي خيرك انتي مهبوله
كومي: طالعتلك بروو 😉 وقعدت تضحك ...البنات كلهم ضحكو 😂😂😂😂
فراس :تي شن هالبنت هادي فسدت المخطط كله شوفي كيف كلهم خايفين ايش معنى الا انتي اللي تضحكي
كومي :عارفه ان مادرنا شي 😜😜
فراس :درتو😬😬😬😬
كومي: باهي شن درنا 😁
فراس :فقصطو(فتحتو) الدحي 😂😂...طااااف
هوما : في يدها سحن دقيق حدفاته علي وجهه
أنت تقرأ
شلة بنات العيله
Genel Kurguاربع بنات صديقات ليبيات بالرغم من اختلاف اعمارهم كانو اعز صديقات😍 كانت لهم طفوله مشوقه مليئه بالمغامرات ولكل منهم قصه مستقله عاشتها في الواقع الليبي منها من سارت بها الى الاحسن ومنها من سارت بها الى الاسواء اشخاص دخلو حياتهم منهم من ادخل الحيويه ل...
