قلبک ضعیف ابقی بعیدة من الروایة
_ مروة بطلة القصة عمرا 18 سنة (بلسان مروة)
انا بسیطة عایشة مع امی واختی (منی) اختی اکبر منی ب 4 سنوات ابوی اتوفا من وانا صغیرة وضعنا المادی وسط انا بدرس فی الثانوی ممتحنة علمی عشان نفسی ادرس صیدلة م عندنا قرایب (م بعرف یمکن عندنا وامی م عایزانا نتقرب لیم وربنا یعلم غایتو)
انا جمیلة جسمی بدی احساس انی اکبر من اختی ملیانة شویة ولونی قمحی
اختی ضعیفة حلوة بس ای زول یشوفنا بثنی علی انا اکتر (بحس انو اختی بتضایق ) بس م بتبین کدا اختی مختلفة عنی عکسی فی ای شئ م بتحصل بینا نقاشات کتیرة لانو اصلآ م بتتکلم معای الا ل الضرورة بس امی موظفة فی مدرسة نحنا نقطة ضعفا لانو م لینا غیر بعض
مرة کنتا قاعدة وبتکلم مع امی فی انو عملو لینا حصة اضافیة انا ح اتأخر فی الرجعة تانی بسببا امی قالت لی انا بوفر لیک قروشا لازم ترکزی عشان تحققی النجاح الانا دایراو وعشان اشوف بتی صیدلانیة تسد عین الشمس ربنا یحفظک لی ویدیک الفی مرادک قادر ی کریم بس فجأة منی بحرکة سریعة فی عیونا قالت غایتووووو جنس درامات یعنی شنو لو قریتی صیدلة ولا غیرو عمارک ح یکون شنو یعنی م اسی انا دی اکبر منک ب سنین ویانی لا جامعة لا قرایة م عملت شئ ح یحصل شنو لو بقیتی زیی لکن انتی یختی مفلقصة وعینک م بتتملی دایرة الناس تتکلم بیک فی ای شئ بس امی سکتتا وقالت ل ی منی ی بتی وضعک بختلف عن اختک انتی لانک اکبر منا وظرفنا م سمح لینا بتعلیمک المفروض تکونی واعیة ومقدرة الظروف واسی بعد عمری دا انا بطبخ فی المدارس عشان اختک تحقق لینا الدایرنو اصبری بس وبکرا ربنا بفرجا علینا
منی کانت مضایقة من کلام امی طوالی قامت وانا قعدتا اتونستا مع امی حبة ومشیت نومتا
الیوم التانی مشیت المدرسة وانا شاطرة شدید بس م بقدر اضیع الحصة الاضافیة اتأخرتا ولمن وصلت البیت لقیت منی جایطة وشغالة تقول ل امی یسترنا الکریم من الحصص الاضافیة دی موضة جدیدة والبنات قلیلات ادب بس ودایرات فرصة یتسکعن م اکتر
زعلتا وقلت ل امی بتک قاصدانی انا وانا تانی م بحضر الحصة دی وفعلآ خلیتا بقیت امشی واجی مع الزمن الاساسی مرت الایام وجا زمن امتحاناتی فترة صعبة شدید ب الجد کانت بتطفی النور عشان انا م اذاکر وتقول لی امی انا عیونی واجعنی وتقعد تتبکا عشان اطفی النور علمآ بأنو بیتنا بسیط ومختصر غرفة ومظلة ومطبخ وحمام وماف نور الا فی الغرفة امی بتنوم فی المظلة وانا ومنی فی الغرفة عشان بتقول انا بزعجا امی بتجیب لی شمعة مرة تنطفی بسبب الجو ومرة تخلص وم القی الا الیوم التانی وغایتو جاسفتا بی قدرة قادر خلصتا الامتحانات
بقیت قاعدة فی البیت منی قالت لی امی انا عایزة اشتغل شوفی لی ای مکان اشتغل فیو امی قالت ل ی بتی الشغل کویس بس المشکلة م بتلقی فتشی انتی بدل قعدة البیت اطلعی فتشی فی ای مکان ربنا کریم یمکن تلقی
منی قالت لی امی ب استفزاز کدا القی اای بلقی م انا متخرجة ومحضرة وبی اوراقی وثبوتاتی فی ای مکان بتوظف مش (حسیتا بتعاقب امی ع ظروف زمان ) امی م عندا ذنب امی اضایقت من کلاما بس م وضحت زعلا قالت ل ی منی انا اسوی لیک شنو لا کلام بنفع معاک لا شئ بنفع معاک انا اتقطع لیکی ولا اسوی شنو ورینی بس
منی قالت لی امی م تسوی شئ لکن اقیفی مع بتک دی بس ومشت
م استوعبتا قصدا شنو بس قالت الکلمة دی بزعل فی عیونا واضح حقد کدا علی شنو م بعرف
نسینا ومرت فترة ومنی فتشت شغل بس م لقت وجا الیوم الموعود یوم نتیجتی
انا عایشة علی اعصابی وامی متوترة شدید بس منی ولا علی بالا شئ انا لمن المؤتمر بدا خلاص اعصابی باظت وامی سجدت وبقت تدعی فی المصلایة بعد شوفتا وسمعتا دعوة امی خفتا شدید اخیب املا فینی خفتا لدرجة انی بدعی انی انجح بدعی بوجعة وحرقة والتوتر مسیطر علی
فجأة اتذعتا انا اتذعتا اای انا زاتی کنتا طمعانة فی انی انجح بس طلعتا الاولی علی الولایة ی سلام نجحتا وب فخر کمان وفجأة بیتنا اتملی ناس ومبارکات وانا الفرحة م سایعنی ولا شایلة امی یوم ممیز احتفال بسیط من ناس الحی وتکریم المدرسة لی وتکفل المدیر بکل طلباتی للجامعة شعور لا یوصف ومن کل الحاجات الحلوة دی فقدتا شئ واحد بس
انو اختی الوحیدة تقول لی مبروک
بس م قالت ولا حتی عبرتنی بی بسمة رغم الفرحة الفینی بس فقدتا فرحة اختی بی
يتبع.....
