ياسين :اوا هاحنا وصلنا
انا: يالاه
تلقاو لينا بدقايقيا و لعابا كولشي فرحان كولشي كايشطح بابا اوماما فرحانين كوووولشي فرحان الا انا ماعرفتش علاش
دخلنا ياسين شاد ليا فإدي او عدنان او نادة حتا هوما المهم گلسنا بداو لبنات كايباركوا ليا (بنات العائلة) بديت كاندحك غار بوحدي
ياسين :مالكي تاني
انا: ههههه ماعرفت هادا عرس اولا ركن تعارف شوف دراري او البنات ههههههههه
ياسين :ههههههه ولايني راكي برگاكة باز
انا: هههه
تصورنا او شطحنا قطعنا الحلوة صافي سالا العرس ودعونا العائلة واحد شوية جا لياسين واجد الاتصال ماعرفتش شكون من بعد داك الاتصال ياسين تبدل 180٪ ولا كيغوت غار بوحدوا طريق كاملة او هوا كايسب
انا غار ساكت ماديتهاش فيه ايموت گاع هو اش بغيتوا انا وصلنا اللوطيل دخلنا دوش هوا الاول صارحا ماعرفتوا دوش ولا تقاتل
دخلت لميت ديكيك الروينة دوشت او خرجت لقيوا گالس معصب مشيت عندوا او گلست فالارض
انا: شوف ا ياسين انا ماعرفاش شنوا ليمخليك معصب مي بغيت نگوليك حنا كوولنا معاك او معاك واحد حسن من كووولشي هاد زبل الله عز وجل نوض صلي ليك جوج ركعات خفف علا راسك بيهوم
ناض توضا اوصلا گلس كايقرا القرآن انا نعست ديك ساعة
صباح نضت لقيتوا كايشووف فيا
انا: مالك ياك لاباس
ياسين : ناس كايقولوا صباح الخير
انا: (كنعوج ف وجهي ) صباح الخيير
ياسين : ههههه صباح نوور اللالة عبيير
انا(صراحة تعجبت للطريقة باش كايهضر ) : شوف انا غانرجع نعس بان ليا راسي باقا كانحلم وخا فقت
ياسين (بالغوات او ضحك) : وانوضي باراكا من اانعاس الخميرة ايوا راكي تزوجتي راه خصكي تنوضي بكري ديري ليا لحريرة او القهوة او توجدي ليا حوايجي او ديري شي فطور دتيزوا الكلام او توكليني او تدلعيني راني سي سيد اولا لا
انا: (الصدمة كانت قوية عليا رجعت نعست مي عاود فيقني ):وناااري هاني نايضة
اوا نضت لقيت لالة نادة او سيدي عدنان كايتسناونا لبست او هزيت صاكي فيه الباسبور ديالي او وراقي حيت اليوم غانمشيو نسافروا للتركيا علا ود شهر ديال زلافة دالعسل او براد دآتاي او الله كريم ههههههه كانقصد شهر العسل بففففف )
نادة : علا سلامتك ا مادام
انا: انسة
عدنان او نادة: ماااتگوليهااااااش اويلي
ياسين حماااار ولا بحال ماطيشا او تعصب
انا: وي اش فيها
نادة : لالا مافيها وااالوا
عدنان(بسخرية ) :هههه زاعيم ياك ههههه
ياسين : زيدي قدامي (جرني من إيدي بجهد
انا: وييلي تامالك
ياسين :عجبك الحال دابا
انا: اوا صافي ريلاكس ا ياسين (غمزتوا ) حتا لتركيا او نصححوا الاخطاء
ياسين : صافي حتال تركيا
انا : لالالا غار كاندحك معاك ويلي
ياسين : لا ماكينش دحك اصلا انا حست راسي غار بزز
اناحشمت او حسيت براسي قودتها
يتبع
أنت تقرأ
زواجنا التقليدي
Romanceقصة مغربية مئة في مئة بدارجة قصة زوينة خفيفة على القلب و لمعدة هههههه كاتجمع بين الحب و الاشتيقا و رومانسيا و لكوميديا او حتى الاكشن هههه كولشي فيها كانتمنة تعجبكووم ماتبخلوش عليا بشويا ديا لي كومنت تگولولي فيه رأيكوم و شكرا
