حطونا و زادوا خلاو غار العجاج موراهوم مروا و نادة كايفكوا لدراري ايديهوم و انا غير گالسة فالارض .... كانخمم مصدومة الدموع فعينيا بحال البحر الهايج مابغاوش يحبسوا
انا(بحرقة): الله ياربي الله واش حتا صافي گلت حياتي تقادات ...ساعة تكفسات هئ هئ هئ وااا عيييت واااااا غادي نموت
ياسين:(مخلوع عليا بلا قياس ) : حياتي حنا غانرجعو لبعضياتنا كانواعدك ...بلي إلا شديت هادا لي دار لينا هاد الحالة كانقسم ليك بلي غايتمنى الموت و مايقلهاش
يونس : ختي عبير ماديريش فبالك حنا غانتعاونوا حتا نحلوا هاد الموشكيل ... خويا عافاك مروا ديرها بحال ختك الله يرحم ليك الوليدين راني كانموت عليها
ياسين(حسيت بيه فرح ) : اجي اخويا اجي...(تعانقوا) زدتي كبرتي فعينيا اخويا .. غار تهنا هي من نهار عرفتها و هي ختي و غاتبقا ختي
مروا: هئ هئ هئ والله احتا حرام عليه ضمر لينا حياتنا
عدنان: كنقسم ليكوم إحتا هادا لي مسؤل علا هاد الفعلة انا و اعود بالله من قولة انا ...لي غانتفاهم معاه
انا: ياسين دابا انا مابقيتش غانفيق نلقاك حدايا ولا نعس فحضنك ولا حتا نشم ريحة شعرك
ياسين : برا و الباس ..هادشي غايدوز انا وياك فأقرب وقت غادي نرجعوا لبعضياتنا
دخلنا للدار حنا بتلاتة انا و نادة و مروا نعسنا فبيت واحد و دراري نعسوا الفبيت لاخر
صبح الصباح صباح جديد ...نهار جديد تاواحد ماعارف اش مخبي لينا من اقدار كانعيشوا لحضة مورا لحضة خايفين من المجهول من المستقبل لي ولا كايبان لينا كحل زحل ...مي ربي كبير ...فقت طالع ليا الدم ...غسلت وجهي وهبطت كانقلب علا دريات ودراري ليقيتهوم گالسين ف الصالة انا غار شافت عيني فعين ياسين ماصبرتش خرجت للاطيراس كانبكي
ياسين: قلبي ... كاتحرقيه مانقدرش نشوفك كاتبكي
انا: شاعلة فيا العافية ا ياسين كانمووووت.... كانتحرق من الداخل حس بيا
ياسين: انا راه فكرة انكي مابقيتيش مرتي كتولد داخلي بركان جبار علا وشك الانفجار مي را قضاء الله هدا راه كايتصرف فيه
ماحسيت براسي حتا طرت عليه بتعنيقة
انا: حياتي بلا بيك ماتسواش انها تعاش توحشتك ا ياسين
ياسين : انا كتر منك .. اروحي
انا : صافي يالاه ندخلوا
دخلنا و گلسنا
ياسين: حنا خسنا نرجعوا للمغرب
كولنا: صافي ...مشات
وفعلان رجعنا للمغرب وصلنا للدار ودخلنا فاجأناهوم حيتاش ماگلنا ليهوم والوا ...و زادوا تفاجؤا من المصيبة لي طحنا فيها
ماما: اميمتي فين كان مخبي لينا هادشي كامل ... بابا: حسبنا الله هو نعم الوكيل دراري تحركوا خصكوم تفكوا هاد الموشكيل ولا راه غانتكلف انا شخصيا ...بابات ياسين: وي سي احمد عندوا الحق يا حلوا هادشي يا حنا ليغانتكلفوا
ياسين: بابا عمي كانقسم ليك بربي لخلقني و خلقنا كاملين ..احتا هادا ليدار لينا هادشي غانتاقم منوا شر إنتقام.... عطيني شهر و قل غانكونوا انا و عبيير مزوجين تاني
انا: انا غانتلع ندوش و نرتاح ليلي شوية
ياسين: تصبحي علا خير ا حبيبتي و مادريش غخاطرك هادشي غار كابوس ...دغيا غايدوز انا كانواعدك
انا: كانتيق فيك احياتي ..شوية حسيت براسي كاندوخ ماحسيت براسي حتا سخفت.....حليت عيني لقيتهوم مجموعين عندي فالبيت كاملين من غير مروا و يونس اصلا هوما مشاو من المطار
ماما: الله يابنتي الله خلعتيني عليك
انا: بغيت سكسوا داااابا
ماما: اولي علا سكسوا
انا: ماما ريحتوا كاينا فنيفي
بدات ماما كاتشوف فأم ياسين و هوما يطلقوها بواحد الضحكة
أم ياسين: إلا ماكدبت ربي يعطيني حفيد هاد العام
ياسين: كيفاش ا الواليدة اش كاتگولي
ماما: حنا ليعارفين اش كانقولوا
نادة : يععععع سكسوا تفوا مادكروهش
عدنان: سكسكوا بسبع خضاري ياااله
ناضت نادة مسكينا كاتقيا ههههه
مامات نادة : هههههه زيدوني عليكوم العيالات حتا انا امكن غانولي جدة
انا: نتوما اش كاتبرگموا تما اش كاين
الامهات بربعة: لا واااالوا غير كانجمعوا ...مانجمعوش ...جات نادة و تكات حدايا
نعسنا انا وياها معانقين
صبح صباح و اصبح الملك لله
لقيت ياسين مصيفط ليا مسج گاليك والوا نتلاقاو دابا حدا البحر
نضت گاع مادرت الحس لبست عليا پوليروا فوق من البيجامة ماكنتش قانعة نبدل شي حوايج ...هبطت بحال الحنش غار كانتسلت ...لقيتوا قدام الڨيلا ديالنا كايتسنا غير ركبت كسيرا ما وقف حتا لواحد الغابة بقا كيشوف فيا و كانشووف فيه ... كانتواصلوا غار بالعينين ...توحشتوا بلا قياس و حتا هو ...
ياسين: احم عبير انا غادي نبدا نقلب فهاد الموشكيل راه سولت علا بلاصت نها و لقيتها مبغيت حتا شي حد يعرف لا لواليدينا لا نادة لا عدنان حتا من مروا و يونس راه تدخلهوم فهاد القصة ماعاجبتيش و علاش هوما بضبت و شحال من حاجة ماداخلاش لراسي نضرات يونس ليك و حتا نضرات مروا ماعاجبنيش حالها باين ليا مخبين علينا شي حاجة
انا: واخة و دابا لقيتيها ....
ياسين: وي و غانمشيو عندها دابا
يتبع
سلام كيدايرين ساڨا كانتمنى تعجبكوم البارت و راني كانتسنا تعليقاتكوم بفارغ الصبر كانبغييكوم والله و ربي اخليكوم ليا علا الكلام زوين ديالكوم و متابعتكوم ليا شكرا بزاف
أنت تقرأ
زواجنا التقليدي
Romanceقصة مغربية مئة في مئة بدارجة قصة زوينة خفيفة على القلب و لمعدة هههههه كاتجمع بين الحب و الاشتيقا و رومانسيا و لكوميديا او حتى الاكشن هههه كولشي فيها كانتمنة تعجبكووم ماتبخلوش عليا بشويا ديا لي كومنت تگولولي فيه رأيكوم و شكرا
