Societal Adversities

Married Life

Married life is a serious ting,

Suh careful when yuh put on di wedding ring

Fa some woman just want di bling bling,

while some man just want di sing ting

Trouble nuh set like rain,

as yuh quint yuh a bawl fi emotional pain,

dash out yuh sweetness tink him would a tame,

but in di mawning him seh it was all a game,

seh she ago mek yuh happy here ever aafta

mekk yuh har king and full up yuh life a laafta

now shi a wife shi stop cook and tell yuh fi drink salt watta

lock shop pan yuh cause shi nuh want nuh son or daughta

today him mek yuh feel like a queen

if a fly pitch pun yuh him mek a scene

tomorrow him cut yuh off like a Guillotine

cause what him want is a girl ina har teen

today she want yuh put a ring on it

cause to har she want yuh fi commit

Tomorrow she just caan stand it

Cause what she want is a gold smith

Today him stick pon yuh like crazy glue

Give yuh nuff loving not just a few

Tomorrow him fly away like bird wid out a clue

Leaving yuh wid yuh eye them black and blue

Today there is nothing that she wouldn't do

Cause along time she want a man like you

Tomorrow is a next man she a screw

Leaving yuh bawling saying if only I knew

Married life is not a bed rose,

Yuh have whole heep a highs and whole heep lows,

Cause Yuh live di life that you chose,

Suh be sure about it before yuh propose.

   ~ The Noble Cop