Societal Adversities

Lotto Scam man

Mista Lotto Scam man, you decieva, you robba,

With yuh phone, yuh leads and yuh fake voice; yuh rob even yuh grand madda!

Mista lotto Scam Man Seh yuh want to be rich,

seh yuh want to be larger dan life with just di flip of a switch.

Mista Lotto scam man how yuh so lazy,

all yuh want to duh is dial all day and tief like crazy.

Yuh tell yuh self dat yuh Living the good life, yuh living like a Rock Star,

now Police lock you up and yuh bawling, is dis what you was dreaming far?

Jail life nuh sweet, you in one likkle cell with one bag a man,

my youth weh yuh house, weh yuh car, weh yuh SUV van?

You bawling oh mama, oh papa come check mi regula,

why yuh never think bout dat when yuh a rob 84 year ole Cindirella?

By the way my youth you have to give thanks to the almighty one,

yuh nuh si weh dem duh wid yuh fren name Dan.

Big Lottery Scam money come and Dan tek fi him share,

now dem tek Dan life and seh him neva play fair.

At least you still have life, You can mek it right,

because behind every dark cloud there is a bright light.

Mi a tell yuh my youth listen to the message,

stop lottery scam and don't contribute to the wreckage.

Big man yuh know yuh can mek a change,

build a betta Jamaica, would that really be strange!!?

+