جزء ثاني
فرحت امي بيه ماتنوصف مثل كل مره اظل مچلبه برگبتي وتبچي مامصدگه تقهرني
مرات هواي اتمنى لو عندي بعد اخوه لو اخواتي ولد وخوف امي يقل
امي مقرره ما التحق بعد وتتوسل بيه ..ابوي ساكت من تﮔله حاچيه ،قنعه لا يروح
افهمها انا ضابط مو جندي ودراستي وتعبي كلها تروح اذا انهزمت..تجاوبني المهم انت 9ايام وامي تفتح الموضوع نفسه كل يوميه
واذا شافتني العب ويه اولاد اختي ينفتح موضوع الزواج
محاصرتني من كل جهه ما تخليني اتنفس ..خوفها عليه مبالغ بيه ..اعذرها دائما ..علاقتي وياها اقرب من علاقتي ويه الوالد ..من ااصغر اذا ردت شي اروح الها وتعرفني من اضوج او انغث تقراني ...ويه الوالد احترام شديد هو نائب ضابط متقاعد ونظامي قليل الكلام....نفتهمه من نظراته النا ...زرع بينا كل شي طيب من صدق واخلاق الي يعرفنا يشهد بحسن تربيته جان بطبيعته يفضل البنات ويداريهم ..وما يخلي بخاطرهم عكس امي 😂
الي جانت روحها انا ومحمد
خلال فترة النزول چنت اسمع الاخبار ويه والدي الي جان الراديو ما يفارگه
القصف مستمر بس بين فتره وفتره
اوضاع الناس قلقه جانت فتره صعبه مانعرف بيها المصير
بعد ما دخلت الكليه العسكريه حسيت ابوي يتغير تعامله وياي صار يعاملني مثل اي رجال بالبيت وانطاني دور بقيادة البيت مثلا قبل ما اﮔدر اعترض ع تصرفات البنات ..يﮔلي انا موجود ويصدني وچانت امي الي توگف وياي طبعه دكتاتوري بالقرارات
بس من اتخرجت والتحقت بالجيش فسح الي المجال..تعامله وياي تغير هواي
تعجبني تحليلاته للحرب ..اكيد خبره شارك بحرب ايران والكويت ...
ﮔلي :بابا الحرب وقتها قليل ما اطول بعد اكثر من شهر
جنت استمع اله بتركيز
احتمال المحافظات تسقط قبل بغداد
يمكن جان يقصد النجف
بابا حمزه والمطارات تتعرض للهجوم اكثر من المنشآت الحيويه
الي كاتبه الله يصير (جاوبته بهدوء)
اكيد يابويه ...شاركت بحربين وما استشهدت مو كل االي يدخل حرب يموت
الموت اسباب واذا الله كاتب سبب نشوفه ..كلامه قهرني حسيته يصبرني وينطيني قوه
امي سمعت الحديث ودخلت ع الخط
لا اشجعه ع الروحه عدنا عشره اشو بس هالاثنين انا وابوي ضحكنا قليل ما جنا نلتقي ونضحك لان بطبعه جدي وحاد ...
يوم التحاقي امي سويته عزا 😰
بالگوه طلعت منها طلبت منها الدعاء حتى ارجع سالم الها
صارت عصبيه ع ابوي لان
مافرض رأيه عليه
تعرف تأثيره وكلامه ماشي ع الكل بس هو مثقف وفاهم وخلاني بحريتي مثل الي اعتمد ع نفسي واتخذ قرار وحدي حضنتهم وطلعت امي گعدت بالگاع مقهوره ابوي وصلني واختي وراي بطاسة تمي
طلعت اصلي ع النبي واقرء سورة الفاتحه تسهيل امر
وصلت للنجف
يتبع
#رزان
