جانوا الضباط والجنود ملتحقين صح الاخبار ما اطمن بس احنا بخط المقاومه باعتبار معرضين للغزو مر اسبوع وصار هجوم ع منطقة الكفل بين النجف والكوفه اتوجه فصيلين لصد الهجوم ..دافعنا وقاومنا الهجوم ..سلاح العدو متطور وتنظيمهم ادق ومع ذلك وقفنا زحفهم وبقينا3 ايام نصدهم ..اجتنا اوامر بالانسحاب لان العدو جته تعزيزات من جهة الجنوب الغربي ..وفعلا تم الانسحاب وخسرنا مجموعه من الجنود 😔
الامر التقا بينا وسمع منا الاحداث ..وبارك بجهودنا ..جنا نسمع عن اخبار المحافظات بعضهم سقط وبعض القاده انهزموا لبغداد خوف من الاهالي
8بدت قوات التحالف تهجم وهجماته تقوى ودفاعتنا خجوله وصلت للبحيرة النجف الي هي اخر معركه خصناها قويه بكل معنى جنه ندافع عن البلد بعيد عم الحاكم اخذتنا الغيره على البلد وكرهنا للعدو ..استمرت ليلتين ما شفنا طعم للراحه الواجبات متناوبه وي الحرس الجمهوري ...انسحبنا بعد ما خسرنا
صارت فوضى اكثر ااضباط راحوا بعد ما وصلت قوات التحالف للعمق ..بقينا تقريبا 7 يم الآمر الي صرف كل واحد محافظته بعيده ...وجان ناوي يرجع لاهله...سمعنا عن كركوك سقطت بيد البيشمرگه وجانت من المحافظات الاولى الي سقطت
ظل وياه ملازم اول مقدام الي هو من محافظته ..بالبدايه اصريت ابقى وياه شكرني و ﮔلي بيتكم بعيد وطلب مني اتحرك ويه الي رحوا ....ملازم مقدام جان خايف ع اهله ومايعرف اخبارهم
نزعنا العسكري ولبسنا مدني والآمر طلب مني يتصل ع اهله وسهلنا اله الوضع رغم صعوبته ..النجف سقطت تقريبا والموقف خطر ..جان للآمر بيت بالنحف ﮔدرنا نوصل اله واتصل ع اهله حچه وياهم واطمئن عليهم بس بقى خايف مقدام اتصل باهله الاخبار ما اطمن والقاده كله هاربه
الامر اصر يروح لاهله يجيبهم ويطلع لسوريا
مقدام وعميد عبد الله الجبوري من اهل الرمادي شرحوله الوضع وخطورته واذا لزمته المسلحين هناك يقتلوه ...غيرته ع اهله ما خلته يخاف ع نفسه
مقدام اقترح عليه اهله يطلعون من كركوك ويجون للنجف ومن النجف يطلعون لسوريا ...جان ويانا مقدم شهاب الشمري جان اقتراحه اصعب يروح الهم ويطلع للشمال
موقف الامر حرج وخطر
جان خايف ع اهله اكثر من روحه
اتفقوا بعدين يطلعون لكركوك
الآمر طلب مني ارجع لاهلي لان وجهتهم للشمال واهلي بالجنوب ...بقيت واگف سلمت عليهم اتمنيت ابقى وياهم احسهم اخوتي....لحظات صعبه عليه حسيت فتره من حياتي اودع بيها
العميد يحضر بنفسه نقيب حمزه هذولي اهلك وناسك انت بآمان هنا وكل ما تتجه لديرتك ﺕئمن اكثر
ما ﮔدرت اتحرك واعوفهم
ﮔلت الهم صعبه اعوفكم ..الآمر اصيل حي الله مرضعك
مقدم شهاب ﮔلهم يفيدنا بالطريق هذا شيعي وهويته وعشيرته تسهل النا الطريق
فرحت من شفتهم سكتوا
جان الآمر يريد يوصل لكركوك باي طريقه
اتصل ع اهله وگلهم اتحركوا للرمادي
اتحركنا بسيارتين مدنيه
الاولى انا والعميد
والثانيه الامر ومقدم شهاب وملازم اول مقدام
النجف دخلت الها قوات التحالف عفنا الطرق الرئيسيه ودخلنا بالطرق الفرعيه حتى نجنب الضرب
الطريق ع طوله نهتز لان متعرج وقطعنا مسافه اكثر من 200 كيلو متر واحنا ع هالوضعيه ...وصلنا للرمادي ..لبيت مقدم شهاب بانتظار عائلة الآمر
عميد عبد الله الآمر صرفه لاهله بتكريت وراح بالﮔوه ما حب يعوف الآمر ..بس جبره وﮔله انا بآمان
جان قلق ع اهله ومن يتصل عليهم ما يجاوبون عرف انهم طلعوا من البيت
انا ومقدم شهاب طلعنا بالسياره..هو يعرف منطقته ورحنا ندور عليهم بمدخل المحافظه
وبقبنا ننتظر اكثر من 5 ساعات نشوف ااناس الداخله وااطالعه حتى ااسيارات ندور بيه وندقق مقدم شهاب يعرفهم
رجعنا للآمر ..وجهه اتغير صار قلق اكثر
ما ﮔدرنا نام رجعنا مره لاخ صار هجوم ع الرمادي وصوت ااضرب قوه اكثر جان وجودنا خطر ...الآمر اجه ورانا وياه مقدام وقرر يروح لكركوك
بالليل مقدم شهاب ما قبل بس هو مصمم اخذ مقدام وياه وﮔلي ارجع ويه المقدم ..وروح لاهلك ...
ﮔلت اله ...اعذرني سيدي طلعت وياك من النجف واظل قلق عليك اذا ما اطمئن
خليني وياكم
مقدام يﮔلي ارجع خطر
مقدام بطل ووفي
ﮔلت اله ارواحكم مو ارخص من روحي
هذا تاريخ الي وشرف اذا الله كتب الي عمر صعدت وياهم بالسياره لكركوك
يتبع
#رزان
