جانت اليوم خطوبة عمر...لبست فستان طويل وفتحته جانت فوك الركبة وسويت شعري وخليت مكياج خفيف وطلعت فد شي لان اصلا اني حلوة..بس نار بكلبي طول فترة الخطوبة ..جانت بس خطوبة وعقد شيخ وطول الحفلة مابطلت ركص كدام عمر ...حسيت وسن ضاجت خاصة هواي اكعد يمه واخذ سلفي...بس هي ماتدري النار الي بكلبي...بس شاورت اختها اني نتبهت واثناء ماركص فاتت من يمي وكلبت الشربت على فستاني بحجة عثرت...والكل انتبه من صحت ..اجت نورس تحاول تمسحه وماما وخالاتي هي عبالها تحرك كلبي بهاي الحركة ...بس جذبت الانظار لي ...طلعت اغسله بالحمام ورجعت ابجي وقريب على عمر حتى ينتبهلي ...دز نورس علي...
نورس...شبيج حلا...يمعودة هسة جنت مثل الوردة وكلت بلكت حب مراهقة ونست ...بس الظاهر غلطانة اني
حلا...لا نورس الله يسعده تعرفيني احبله الخير...بس سمعني حجي برة اخواتها...غير فوك ما اني فرحانة لابن خالي...ليش هالائمة منهم ...
نورس..ضاجت علي...خلي يولن طبعا مامصدكات وشافنج جمال وخافن ..لا ديرين بال اليوم اني اخلي عمر يرزلها
بقيت ضايجة الكل عبالهم من الموقف...بس اني بعد ماكدر امثل واني اشوفه بطوله الحلو يضحك ومتونس وياه...وهي ماعدها نص جمالي...سهلة مابقى شي
من رجعنا ...بالطريق كلت لنورس تعاي باتي يمي ما اريد ماما تستجوبني...كالت تعاي انتي باتي يمي وقنعت ماما
من رجعنا عمر صاحني وسال علي صار سكتت اجت نورس حجتله..واني احاول اسكتها..نزلت راسي وبجيت بس من نار كلبي مو من شي ثاني...هو تخبل ..اعتذر مني وكال احسبيها علي...
صارت بالوحدة بالليل..الكل نام اني جنت مالبس حجاب كدامهم...لبست دشداشة قصيرة وتعطرت وفتحت شعري ...ومشيت على كيفي رحت لغرفة عمر تنصتت من الباب سمعته يحجي وية خطيبته ....نزلت وسويت صوت بنزلتي...رحت للمطبخ سويت كاكاو اعرفه يحبه..حسيت احد دخل للمطبخ .
سويت نفسي فزيت...اوي عمر جفلتني
عمر...شعندج كاعدة لهسة
حلا ...بيش الساعة ليش
عمر..ب٢ بالليل
حلا...انت ليش كاعد...مثلك اني..شو هذا عقج حاجبه
عمر..اني احجي وية وسن...انتو شنو مثلي
حلا...يعني حلال عليك..حرام علي..وصل يمي ولزم ايدي بقوة
عمر...شتدحجين حلا...هاي خطيبتي انتي شنو
حلا...اخ عمر ايدي شبيك
عمر ...لعد هذا حجي تحجي
تقربت منه اكثر وهمست ليش عمر شكلت اني...حسيته مثل الصفن شوي علي تجرأت وتقربت اكثر هو فز وراسا رجع لورة
عمر...حلا شبيج اليوم....عافني ومشى...صفنت هاي شلون راح انفذ الي بالي...كملت الكاكاو وخليته بكلاصيت وصعدت ...بس بداخلي حيل خايفة ...دكيت باب غرفته ...ودخلت راسا جان نازع تي شرته وباقي بالفانيلا شافني...حاول يرجع يلبس..
حلا...لا تعب نفسك راح اطلع...بس اجيت اعتذر منك
عمر...على شنو...اني قدمتله الكاكاو
حلا...خاف سويتلك مشكلة بالحفلة وية وسن
عمر...لا ماصار شي ...عاشت ايدج طيب الكاكاو...حلا على شنو جنتي تحجين جوة...سويت نفسي اريد اطلع ..صاحني
حلا...خاف الوكت مو مناسب نحجي هسة...
عمر...احجيلي على السريع...رجعت كعدت على الجرباية ودنكت واني خايفة اكمل لو اتراجع...حسيت نفسي بديت ارجف...شافني عمر...حلا شبيج ليش هيج ترجفين
حلا...مادري بردانة عمر
عمر...جاب الجرجف ولفني ...خلي اصيح امي
حلا...لا عفية عيب شتكول شجابني بهالليل بغرفتك...بس الرجفة الزمتني كانت حقيقة ماعرف من الخوف ...عمر عفية ماعرف شجاني ...
عمر شبكني....لج شبيج خوفتيني ...تعاي اوديج يم نورس كعديها...وخليها تكعد اسامة يشوف شبيج.....هذا اليوم كان امر ذكرياتي ....واكبر ذنوبي...حلم هاي الليلة بقى مرافقني خمس سنوات...ومازال من اذكره...والصار بعده اتمنى لو ميتة ولا سويت هيج...غفيت على هاي الذكريات وفزيت واني احس شخص محاوطني من ورة ...جان حنجه على راسي وايده حول خصري...وجاذبني لحضنه...اعرف هاي الريحة زين...
حلا...عمر شوكيت اجيت
عمر...صار نص ساعة وشفتج عركانة وداتحلمين مبين لان تفزين فجأة
حلا..نفس الحلم مايقبل يفكني
عمر...ليش ماتحجيلي الحلم
حلا...ماكدر هسة
عمر...وين التحاليل
حلا ...شسوي بيها
عمر...خلي اشوفها
حلا...كتلك ماكو شي...جان من يحجي يطخ حنج براسي واحس نفسه الصاعد والنازل بظهري...
عمر..راح اخذ الفحوصات لاسامة...كام اخذها وطلع...افتقدت الدفو الي جنت اشعر بيه..غمضت عيني ورجعت لذكريات تلك الليلة...وللقصة بقية
أنت تقرأ
وجع قلب
General Fictionالقصة تتحدث عن الاخطاء التي ترتكبها بعض الفتيات بحجة الحب ...وتاثير بعض قصص الي يقروها ...وراح تحجي عن عدم القناعة بالموجود بين ايدينا ..وبقاء بعض الاشخاص يتأملون يحصلون شي يوما ما جان عاجبهم...القصة بيها هواي عبر اتمنى تستفادون منها ...تابعونا...تح...
