وجع قلب

قسوة

عمر ...احس نفسي بحلم...حلا عيشتني احلى ايام حب ودلال ..وقنوعة وكل مواصفات الزوجة الصالحة بيها.....حببتها من كل كلبي...حتى اكثر مما حبيت وسن...حتى كدرت تنسيني وسن ...جنت احمد الله عليها...لحد يوم عيد زواجنا من اجت سكرينات الحجي ..حسيت واحد ضريني على راسي...شكد جنت اكره الرجل الي يضرب مرته وارفض هذا المبدأ...بس بيومها فقدت ماحسيت شسوي ..ماتعرفون شعور الرجل من يحس انضحك عليه...اشكال التخيلان صارت عندي...بلة صغيرة وزوجتني....زين شلون أمن بيها بعد...حسيت جرحت كرامتي كرجل...ظليت افكر شسوي ..بلحظتها جنت اتمنى اسحلها لابوها...بس خفت من الي ممكن يصير خفت على العائلتين...على هواي امور ورغم كلشي تبقى عرضي...كلت خلي اخلص من تهديد هاي الجماعة وبعدين اتفرغ...بس ماجان لي نفس اباوع بوجها...انطيتهم مبلغ واتفقت وية مجموعة تهددهم اذا حاولو مرة ثانية وخاصة اني كدرت اوصلهم عن طريق تلفوناتهم...وطلعوا زعاطيط...حركت كل ارقامهم...وفرمتت تلفوناتهم.....
وفرغت لها هسة والله لندمها على الساعة الي فكرت بيها تسوي هيج...
حلا...الخوف من ان تفضحني سعاد بجفة جان..واسلوب عمر بجفة ثانية...ماتوقعته هيج قاسي يكون وردت فعله تكون بهالصورة ...جنت اصور بمرور الوقت راح ينسى  ويتقبلني...بس تصوري جان خاطئ...جان حيل متجاوزني...يتحجج بالصغير والكبيرة علي حتى يهيني...يحرجني كدام اهله ...طبعا غير انه طلب انام بالكاع وهو على الجرباية...
عمر...حلا...وين القميص الازرك
حلا...ماغسلته
عمر...ليش..اريد اني البسه هسة
حلا...انت ذبيته بالليل..وبعدين كل القمصان نضيفة ومكوية البس اي  واحد...شمر القميص بوجهي
عمر...خلا نص ساعة ينغسل وينكوي وماتلاسنين سمعتي
ومن غسلته وكويته...وكملت لبس غيره وطلع...مرات يجي تالي الليل ...يكعدني بطارف رجله...كومي سويلي عشى...وطبعا لازم فد طلب تعجيزي...اذا يشوف امه لازمة شي يصيحني يرزلني كدامها ويكلي انت اكملي الشغلة ...الشغل ماجان يتعبني ...بس جان يتعبني الاهانات مالته...كام مايحترمني كدام اي واحد
وهم جنت اسكت...لحد مابدة اسلوب ثاني كام طول الليل يتراسل...ويتخابر ولا كن اني موجود..اسمع غزله وية البنات والمواعدة واني احترك...هاي جانت اصعب شي ..عرف شلون يحرك كلبي...
حلا...عمر...ادري غلطت..واعتذرت منك اكثر من مرة ...وسمعتني هواي اهانات...بس متوصل تتخابر كدامي وتواعدهن...وتتغزل بصاحباتك...ليش تجرحني
عمر...ليش انتي عند احاسيس حتى تنجرح
حلا...اشكرك ابن خالي..بس الله يغفر لعباده...واني من حبي لك...وماقصرت وياك..وصاينتك... وبعدني شاريتك ...خلي نتفاهم واخليك تنسى

عمر...شلون...هم تخليلي حباية جديدة...ولج كل ماذكر بودي اشرب من دمج...واتخيل ممكن انتي مو بنية واني نغشيت بيج
حلا...لا لهنا وكافي...اني سويت هيج لان احبك وصار سنين اتمناك...وتحملت اهاينك صار شهرين من عرفت لسة .واني اتمنى ترجع تفكر ...بس مال تتهمني بشرفي..لا انت ولا اكبر واحد...بعدني ماكملة حجايتي...اجى جرني من شعري
عمر...اسمعي لج صوتج مايعلى ...الشريفة ماتسوي سوايتج...ولا عبالج باقي عليج...لا بس لخاطر شيبت ابوج
حلا...اخ هدني...اني بعد ماريد ابقى وياك...وهسة اروح لاهلي
عمر...شدكولين لهم...احجي...اريد وحدة تتطلع برة البيت..حتى تشوف...دفعتها حيل وطلعت
حلا...عمر جان يجرني من شعري واني مامتوازنة وبس دفعني وكعت على حافة الجرباية وصارت الوكعة على بطني..حسيت فد سجينة طبت بطني صحت بصوت من الالم
عمر..صار  شهرين من عرفت ...بس احس بكلبي نار ماتطفى ..والي يزيد بعدني ارغبلها ...بس كرامتي ماتسمحلي اتقربلها لذلك جانت تنعكس بتصرفات عنف تجاهه...تعمدت اتصل بنات كدامها ...اهين انوثتها ...حتى تحس هي مامالية عيني...بعد ماطلعت سمعت صيحتها..بس كملت طريقي...واني بالطريق بقى ابالي...خابرت نورس تصعد تشوفها لان جانت الدنيا ظهر واهلي كلهم نايمين... رجعت نورس خابرت كالت الحك حلا فاقدة الوعي...رجعت للبيت بسرعة لان جنت مامبتعد هواي..لكيت امي ونورس يحاولون يصحوها..اجيت ارفعها امي صاحت جان اكو دم بمكانها...لفيتها بالجرجف وركض نقلناها للمستشفى....وبعد الاجراءات والفحص ..الدكتورة كالت راح ندخلها عمليات لان جانت حامل اكثر من شهرين والجنين مات ولازم نزله....رغم كل الصار مهان علي منظرها وهي فاقدة وتنزف ولا هان علي افقد ابني حتى لو بعده جنين...بعد ماطمانت عليها ...عفت المستشفى وطلعت..
حلا ...صحيت من البنج ...اباوع الكل موجود ماعدا عمر حز بنفسي هالشي...بعدين عرفت اني اجهضت ..تعبت نفسيتي حسيت هذا عقاب الي...بس هو كان السبب طفلي وكع ...ظليت بس دموع تجري بدون ماطلع صوت...ماما عمر جان موجود اطمن عليج وراح...من طلعوني ماقبلت ارجع لبيتنا رجعت لبيت اهلي...يومين بالمستشفى يجي بس يسال ويروح
ام اسامة...حبيبتي انتي براحتج ...بس ليش ماترجعين هم خطية رجلج تعبانة نفسيته
ام حلا...خليها براحتها...بس عمر شبيه
ام اسامة ...والله عين وصابتهم جانو مثل الورد ..اشو صارلهم مدة مايبطلون مشاكل ...
ام حلا..تعرفين هسة تعبانة هي خليها تغير جو
وصلنا لبيتنا...ودخلت لغرفتي ...ردت بس انام ماريد احس بالوجع ...وجنت احس باحتسار ...من كعدت جانت الدنيا المغرب سمعت صوت عمر...اميزه بين مية صوت...جان صوته مال واحد عصبي...شوي وشفت الباب انفتح ودخل عمر...اني فزيت بخوف
عمر..ليش اجيتي هنا
حلا...باوعت عليه وماجاوبت
عمر...مو داحجي وياج...حضري نفسج هسة ترجعين وياي
حلا..خليني اليوم هنا ارتاح..رجع علي ودنك بحيث صارت عيني بعينه
عمر..حجاية ما اعيدها...تحضرين نفسج وتجين وياي
ماكدرت اجادل ..كمت واني احس بدوخة ...ولبست صاية فوك تراكي ونزلت على كيفي شفت بابا مثل الضايج..رحت بسته..وكتله لا تخاف عمر يداريني...طلعت لكيته ينتظر بالسيارة...وصلني للبيت وعافني وطلع...تلكتني مرت خالي ونورس..وصعدوني للغرفة..نمت...ماعرف شكد بس حسيت واحد يكعد بية  ...فزيت..
عمر...كافي نوم اكعدي
حلا...خير شتريد
عمر..جاوبي بطريقة لائقة...بس الي مثلج مايعرف الادب
حلا..ليش شفت عني
عمر...الي شفته كافي لو تحبين اذكرج...انزلي سويلي عشى
حلا...نزلت كوو امشي معقولة عمر بهالقسوة صاير..
ام اسامة...خاله شنزلج ..اذا جوعانة هسة اسويلج عشى
حلا...لا خالة لعمر
ام اسامة ..جان كال اني اسويله
عمر...دخل للمطبخ...اريد حلا تسويلي
ام اسامة...ماما خطية هسة طالعة من عملية..ترة الاسقاط اصعب من ولادة
عمر...امي رجاء ...خلينا بينا
واستمر سلسلة الاهانات والاشغال الشاقة..واني ساكتة ومتحملة لان اخاف توصل لاهلي...على الاقل ماخسرهم ...ورجع يتقربلي بس من ورة خشمه وبانزعاج واحيانا بعنف...ومرات متباعدة ومن تخلص شغلته راسا يتركني...يعني حسسني مسالة رغبة رجل ممكن يفرغها وية اي وحدة ...هذا جان اكبر عذاباتي...
وكملت الثالث بتعب ...ارجع من كلية لازم  انظف واسوي غدة لان كام مايقبل الا اني  اسويله وارجع اغسل هدومه واكويها حتى مال الييت كام يريد كوي وانظف وارجع اسوي عشا ووووو.مايخلص الشغل..بحيث معدلي نزل ..غير وزني وصحتي الي بالنازل...من كملت الثالث وبعد ماكملنا سنتين على زواجنا ...اجى يوم عمر..وجانت المفاجاة ...وللقصة بقبة