بسم الله الرحمن الرحيم
#موجوعه_ياامي*
الجزء الاول
............
مرحبا اني اسمي شجون مواليد 1996... استغربتوا صغيره صح ....وبعد وكت على هذا عمري وعندي قصه وهيه حياتي هستوها بدت
بس الانسان مو بلعمر
هسه اعرفكم على نفسي وعلى عائلتي
اني صف رابع اعدادي وعندي 4اخوان
يعني اني وحيدة اهلي على 5اخوان
والاحلى اني أصغر وحده من اخواني
اخ الكبير مهيمن ومواليد 1980 وخريج علوم وموظف
واخ المتوسط محمد ومواليد 1982وخريج تربيه واستاذ جامعي
واخ الثالث عمار ومواليد 1986وخريج علوم قرأن ومدرس
واخ الصغير والمزعج عبودي الخبل عبد الله ومواليد 1989خريج هندسه ومااعرف شلون طلع هندسه وهوه غبي وطبعا موظف مشاكس اكيد... هههه طبعا شوهت سمعت عبودي من البدايه
اربع اخوه ربي يحفظهم والحمدلله والدي وامي بلوجود ربي يخليهم
ماما مديرة مدرسه ومديره صارمه ونظاميه
وبابا ربي يحفظه صاحب شركة مواد انشائيه يعني كاسب
عائله عاديه ونظاميه صح ماما مديره مدرسه صارمه بس وياي احن ام بلدنيا ومامقصره وياي لابلحنان ولا المصرف راتبها تخلصه بس عليه وعليها وماتدخل بمصرف البيت ولا بأخوتي كل همها اني وتخاف عليه من الهوا وصح تحبني ومدللتني بس بنفس الوقت مو صديقتي واخاف منها اتمنى احجي وياها على مشاعري وهمومي بس مااكدر اكو حاجز بينا بس احبها واموت عليها والحلو بيها ماتجبرني على اشياء براحتي وبرضاتي قانونها ألي دكولي تسوين كدامه وكدام عيني احسن ماتروحين بسكوت تسوينها
...
اما بابا بابا احبه ويحبني بس قليل الكلام بينا مااعرف لويش بس اني كاسبته الي من يجي اسويله الجاي اسويله فاكها العصر قبل ميطلع بليل امرغله رجليه حتى من اريد شي منا مايرفض ويوكف وياي مرات احس هوه أحسن من ماما بهواي امور بس مو معناها ماما مو زين ...
اوف مااعرف شلون اوصللكم الفكره بس توصللكم بلاحداث الجايه ح تعرفون قصدي
اما اخوتي اوووف اووووف اووووف اوووف اوووف والف مره اوف من اخوتي
معقدين لعبين لعب بيه لاطبين لاطلعين لاتروحين لاتجين لاسوين لاتلبسين خانكيني خنك عبالهم بهذي الطريقه يحافظون عليه بس ميعرفون يخنكوني ويأذوني
مهيمن زين وياي مزوج وعنده طفله ايه توته حبيبتي تخبل اموت عليها عمرها شهرين وزوجته زينه ويانا اسمها نرجس وماعدها اذيه ويانا بس احس اكو خلل بينها وبين مهيمن بس اهلي من النوع مايدخلون ابد بين اخواني ونسوانهم
ومهيمن دائما يطلعني وياهم هوه وزوجته ويسمع مني اذا اريد احجي رأي يهمه ويموت عليه ودائما يشتريلي ومرات يمنع اخوتي من يقسون عليه واهم نقطه يضرب عبودي بس يتقربلي بس هم بنفس الوقت يحاسبني على حركاتي بس بطريقه حلوه ومرتبه
اما محمد هذا محمد مطفي انطوا مرته وبس يموت عليها هيه الهوا والماي وطبعا محلوه ضعيفه كولش عوده وسمره ووجها جاف وبي كلف مااعرف شلون ماما اقتنعت تخطبها والله لو اني منها مااكلبها بس ماتدخل باخوتي همه يختارون نسوانهم بس حظي المصخم اختارت لعبودي بس محمد يحاسبني مرته تقره براسه وتحشه عليه لان حلوه ومرتبه ودلوعه ومدلله وشوف امي تحبني وتشتريلي هيه تغار طبعا اني اسميها اببريص البيت لان تشبها والله بس ماما تسكتني وماتقبل عليه حتى ماتكتشف هيه وتصير مشكله وها المصيبه الكبرى اسمها حنان ياحظي حنان على شنو وهيه ماتعرف الحنيه وطبعا زواجها هيه ومحمد على حب بلجامعه والقهر محمد ابيض احمراني ويخبل والله وجسمه متروس مااعرف شمسويتله وهيج حباها بس مكيوله على كولت خالتي سناء حظ الزركه كاعد منطبق على حنان وها صدوك محمد عنده اثنين اطفال وواحد بلطريق وياسبحان الله اطفاله على امهم محلوين وخبيثين بس احبهم بس مو كولش
نجي هسه على عمار ... عمارياعمار هذا عمار ملتهي بلصلاة والصوم وحلو الدين واحنه كولنا بلبيت الحمدلله نصلي ونصوم بس عمار متشدد ويريد عمار يابعد بيتي شجون تصير مثله يعني اطلع كون بعبايه واطلع كون بجبه والوان محدده لو جوزي لو اسود عبالك دوام رسمي عندي بس طبعا ماما واكفتلي يمه فديتها نبع الحنان وماتخلي يتحكم بيه وتلعب لعب بي بس يحجي وياي ومهيمن هم يمنعى بس عمار حاقد حقد عليه احس يكرهني ولا كأنه اخته اما زوجته يمه فديتها لمرته تخبل وردة بيتنا شيماء اموت عليها وعلى سوالفها وعلى طيبتها وصديقتي وكولشي اسولفلها واسرها وماتحجي لاحد ولحد الان ورده وهم زينه وياي وماتخلي عمار يتحكم بيه واهواي امور تعلمني على الحياة وسوالف البنات طبعا زواجهم تصير شيماء اخوها صديق عمار وصارت القسمه عن طريق الصداقه وحلوه تخبل شيماء احلى وحده بين الجناين بس المسكينه ميصير اطفال عدها سنتين مزوجين ومايصير وماكو سبب لامنها ولامنا بس هذا قدر الله
واما عبودي الخبل هذا اموت عليه بس مشاكلنا ماتخلص من الصبح لليل يريد اخدمه وبعده ممزوج ويحب وحده اقاربنا بس ماما ماتريدها لان مشاكل اكو بينا وماتقبل ماما بيها بس مانعرف شنو المشاكل رغم البنيه حبابه وحلو ونزاكه فدوه شلون بنيه من اشوفها واحجي وياها نفسيتي ترتاح بس ماما ماتقبل على زواجهم ومانعرف السبب
هذي عائلتي السعيده
هسه احجيلكم عني اني 160طولي سمره ودائما يكلولي جمال هندي انتي يشبهون بممثله هنديه ماتطلع اهواي وناعمه وزني 57 وشعري طويل كولش لدرجة واصل شعري لرجلي
ومتعبني بس احبه ومعتنيه بي وطبعا دائما من اباوع على المرايه اكول ربي كون زوجي حلو وسبورتي وطبعا اني مااكدر احجي او انطق كلمه ويه اخوتي جبانه وضعيفة الشخصيه ومااناقشهم
حياتنا عاديه دوام اكل ونوم روتينيه وماننجمع قليل على غده بس يوميه اني وماما وبابا نتغده سوه وعبودي مرات ويانا وشيماء هم مرات تتغده يمنا تشتهي هي وعمار يجون يمنا
طبعا اخوتي كلهم عدهم مشتملات بيتنا لان بيتنا جبير 400متر 100 بيتين بابا مسوي لمهيمن ومحمد ومشتمل فوك بيتنا لعمار وغير المشتمل غرفتين الي ولعبودي وجوه بيتناصاله كبيره وغرفة اهلي ومطبخين حار وبارد بس اثنينهن كبار واستقبال الضيوف كولش جبير وحديقه صغيره بابا مسويها يحبها هوه وماما متونسين عليها وعدنا سيارتين بلبيت لبابا ولاخوتي بيناتهم السيارتين بس هن لبابا
بابا من النوع ميساعد اخوتي شوي صعب لان محد يقبل يشتغلون وياه حتى العصر مايرحوله بس بزواجهم هوه زوجهم بس بمصاريفهم الزوجيه معليه بيهم طبعا بابا وماما زواجهم على حب بس شنو بابا بارد حبه اتجاه ماما يمكن لان كبر بلعمر مااعرف بعد
طبعا اهواي حجيتلكم عن اهلي هسه ح تبده قصتي وسوالفي .....
