#موجوعه_ياأمي*
الجزء السابع
................
ومااشوف أله حيدر مقابيلي وصفنت عليه تفاجأة بجيته مستحيل هوه اباوع اريد زين هوه لو لا وطبعا هوه من وجها مبتسم الى وجها نار وشراره وحتى بين عليه يمه كلبي راد يوكف وبقيت صافنه واباوع على فستاني عزه شافني هسه يموتني واستحيت من عنده لان كذبت عليه وشعور خربطه بهذي الثواني
خالو علي: ادخلي شجونه سلمي على خطيبج
اني مستحيه
اني: السلام عليكم
سلمت للجميع وبالي يم حيدر وتلقائيا كامت ترجف ايدي بموقف لايحسد عليه وطبعا اخوتي مغندبين محمد وعمار وبابا اسمعه يحجي ويه اثنين زلم اباوع عزه انوب اكو زلم ومحد طلعني هذوله منو بس عرفت واحد اخو حيدر كاظم بس الثاني رجال جبير بس مااعرف منو
بابا: هذي شجون ابو كاظم
عمار : شجون اطلعي برا
بعصبيه يحجي ووسيم كاعد يمه عصر ايده وسكته وكام وسيم اخذ الصينيه مني
وسيم: اطلعي لاتاخذين بوكسيات من اخوتج والرجال
بس بابا صاحني اسلم
بابا: باباتي تعاي هذا عمج ابو كاظم ابو حيدر
اني: اهلا وسهلا بيك عمو
عمي: اللهم صلي على محمد الله يبارك بيج بنتي شلونج باباتي
اني: الحمدلله زينه
عمي يباوع على حيدر ومبتسم
عمي: حلوه عروستنا
خالو علي: يمعود حجي خجلت بنت اختي ح توكع من طولها
وصرت يم الباب وختلت ورا كرسي تخم حتى ميشوفني وهوه ميباوعلي سوه نفسه ملتهي بلموبايل واني اسلم واحجي وكلبي يدك ومو هذي المصيبه المصيبه الكبرى بابا يكولي تعاي بوسي ايد عمج
هنا اجتني الصاعقه شلون اروح وطبعا امشي بلكوه بعد مااعرف اخطي خطواتي واحس مو بس ضيك الفستان احس نفسي امشي بلا ملابس
وحيدر يم ابوه كاعد واخذت ايده وبستها
عمي: الله يبارك بيج ربي يحفظج
هنا حيدر يلعب بموبايله وحجه على كيفه سمعني
حيدر: ويحفظلنا الفستان هم
اني طبعا واني ابوس ايد عمي حجه واني متحملت ضحكت بس عمي عرف ويه حيدر واخوتي شافوني عرفوا حجه شي وطلعت بسرعه وفستاني طويل لازم ارفعه وامشي بس مارفعته ومشيت مبين عليه مبهذله ووسيم ابتسملي
وسيم: هاج الصينيه وافلتي
وطلعت ودخلت لصاله واول مدخلت حجيت وياهم وايدي على خدي
اني: عزه طلع حيدر هنا موجود شفتوا بله
ومااشوف اله خاله ام حيدر واخواته موجودات وسلمت عليهم وبعدها شردت للمطبخ اريد اتنفس
اجتي ورايه نجلاء
نجلاء : هاولج وتضحك عليه واني اضحك وخايفه وسولفتلها وتضحك عليه
اني : لاضحكين واني متبهذله
اجه وسيم اجه يريد بعد جاي
وبهذا الاثناء اجتني رسائل بموبايلي وبلشت الرزايل
حيدر: حلو فستانج بس ديربالج بس تكعدين ينشك من عرضه
حيدر: لاحبيبي ماالبس الفستان ولايهمك طلباتك اوامر خوش اوامر
حيدر: انصمد ابو حيدر شوفي شسوي بيج
حيدر: اطلعي برا ح اطلع هسه بلكراج بسرعه
اني اقره وخايفه بس مبتسمه واجتي نجلاء عافت الجاي وكعدت تقره وياي وتضحك
ووسيم :عصبي عليها يمعوده الجاي فضينا
نجلاء: اوكف شبيك خلي اشوف تعرف ذكرتني بأيام حبنا والله ايام
ويضحكون هوه وياها
وسيم: ليش هذا حيدر يراسلها
نجلاء: اي
اني: انتي قصة حب ازوجتي نجلاء
نجلاء: ابن عمج ضحك عليه وخلاني احبه
وسيم: ديلا فضيني صبي الجاي ضحكت عليج همزين بس اباوعلج اشوفج مكشره حلكج ممصدكه وسيم يباوعلج
نجلاء : والله لعد مااصبلك جاي وانت صب للناس
وسيم: ياعيني دصبي الجاي
نجلاء : ما مااصب
اني اضحك عليهم وحلو حبهم اول مره اشوف هيج اثنين لان اخوتي معقدين ويه نسوانهم بس يمكن بس كدامي واول مره اشوف الوحش يشاقه عبالي معقد ويه زوجته بعدين صاحني اصبلهم وصبيتلهم واخذه ونجلاء تضحك عليه
واني دايخه بحيدر مااكدر اطلع اخاف من اخوتي
بعدين راسلته
اني: اولا الحمدلله ع السلامه نورت بغداد
وثانيا: يمه فديته العصبي
ثالثا : احبك
حيدر: هذي الكلاوات بطليها واطلعي بسرعه
اني: مااكدر اطلع اخوتي يموتوني
حيدر: شجون😡
:اطلعي بسرعه
اني: حيدر شبيك مااكدر
حيدر: ماطلعين هسه اجي من شعرج اجرج وهذا فستانج الي ملزك اطلعي بسرعه
بهذا الوقت اجت شيماء وحنان وشافوني وجهي اصفر وخايفه وحنان كالت اطلعي احسن وشوفي هوه من يشوفج يهدء وادلعي عليه وينسى
طلعت لكيته واكف ابتسمت هلاو حيدر
حيدر: ليش لبستي واني اكلج كدام النسوان لاتلبسي انوب يم الزلم تفترين بي واني الزمال اجيت وفرحان ومسويلج مفاجأه وانتي تجذبين وماخذه راحتج
اني: حشاك
حيدر: شنو حشاك
اني: مو دكول زمال جاوبتك حشاك وضحكت
حيدر: تعرفين ليش اجيت
اني تقربتله وبدلع : اي اجيت لان تحبني ومشتاقلي صح
شوي خفت عصبيته وهدء
حيدر: اجيت حتى نعقد بعد يومين سيد
اني: والله
حيدر: بس بطلت مااريد
اني: اوك براحتك لاتريد جنت مقرره ابوسك بعد العقد بس يله أجلها
حيدر ابتسم (يمه واخيرا ابتسم همزين )
حيدر : يصير هسه
خزرته لا
حيدر: روحي غيري هذا مااريده اني متت بمكاني من شفته وانوب النسوان يشوفوج روحي غيري وراسليني اطلع اشوفج بعد ماعندي ثقه بيج
اني متت من الضحك عليه وسمعنا صوت باب الاستقبال وانجمدت بمكاني همزين وسيم مو اخوتي
وسيم: شجون فوتي بسرعه ح يطلعون الزلم اجوي الناس
حيدر يباوعله صفح وضاج منا واني دخلت بسرعه واشوف حيدر غندب عليه
رجعت ودزلي رساله
حيدر: اني خطيبج مو وسيم
اني: شنو هذا الحجي وسيم ابن عمي ومثل اخوي مهيمن ومزوج واكبر مني ب16سنه
حيدر: على كيفج شدعوه كتبتي جريده علموده
حيدر:يله يله اجتي العالم
ورحت بدلت ونزلت وكعدت يم ماما
ماما: ليش بدلتي
اني: حيدر تعارك وياي واله ابدل
ماما: وليش تخلي يتحكم بيج من هسه لاتخلي مثل اخوتج يتحكم بيج
اني: اهووو ماما هذي الايام نصايحج كلها غريبه
ماما: لاتخلينه يمشيج على هواج فاهمه اني تحكمي بي مو هوه شوفيني اني ونسوان اخوتج
ظليت افكر بكلامها صدوك اني شنو يتحكمون بيه وماعندي شخصيه
بعدها دز رساله بدلتي ماجاوبته ولاطلعتله
واجتي العروسه وعقدنالهم بس ماكو هدوء لان حزانه ومانفتح اغاني بس طبعا عماتي هلهلن لاجل العروسه خطيه وطبعا لبسها ذهب واكلوا عصير وكيك واني مسويته وفرحنا بيهم بس اشوف ماما مهمومه انقهرت عليها ورحت يمها وبوستها
وطلعوا كلمن رجع لبيته بيت عمي تعشوا يمنا بنات عمي اثنين ووسيم ومرته وعمي ومرته
وهوه خابرني حرك التلفون طبعا اني بليل مااحجي وياه لان اخوتي مايقبلون ومن غير باب غرفتي مفتوحه بليل ميقبلون اسدها وهوه يعرف هذا الشي
وكام يلح واني اكتبله مااكدر وهوه يلح بعدين طلعت للحديقه خابرته
اني: الو
حيدر: ولج ادبسيز على شنو شايفه نفسج
اني: شنو ادبسيز
حيدر: اخابرج وماستحقرتني
اني: ادبسيز اني جاوب
حيدر : اي ادبسيز وقنادر هم
اني: احترم نفسك شكد ماتستحي
وسديته بوجها قهرني رجع يكتب ويخربط بلحجي خبلتني رسائله وخابرته
اني: حيدر كافي تتصل لاتخليني افركش كولشي دتغلط اكثر من الازم
حيدر: واكسر راسج بعد
اني: شحدك ماعاش ألي يكسر راس شجون
حيدر: اي صح ماعاش وخاصا اخوتج همزين النعال مالتهم صايره
اني تخبلت
اني: اي صح اخوتي يضربوني لان اخوتي وعزوتي بس ماعاش يجي واحد مثلك يكسر راسي
حيدر: والله خوش مؤدبه
اني: روح يله اريد ادخل اكمل شغلي
حيدر: روحي خدامة البيت
قهرني كولش وبجيت من كلامه بس مابينت اله مقهوره
اني: روح حيدر لاتخليني اتصرف تصرف مخابيل واحجي لاهلي على كلامك
حيدر: روحي احجي خوفتيني منو اهلج اخوتج يله حبيبتي روحي
اني: اي اخوتي واشرف بيهم اخوتي والحمدلله الله كشفك الي قبل العقد بيومين وسديته وحضرته وغلقة موبايلي ودخلت ابجي للبنات وعبودي ووسيم سمعوا كلامي وتخبل عبدالله بس اني حلفته يسكت لخاطر امي وهوه ثاني يوم ياخذ مرته ويروح لنجف يزوج لان مانسوي حفله وزواج بسبب ظروف امي واحترام لموتت مهيمن صح دارت السنه بس مانكدر وبلكوه صبرت وماابجي كدام امي وقررت من يروح عبودي ويزوج واحجيلهم
