سلام انا مرام عمري 26 عشت حياة عاديه ورزقني الله بزوج واسمه سلطان وبنت مافي احلا منها و اسمها ريتال ومرت 6سنوات هادئه وبدون مشاكل وصار عمري32 وصار عمر بنتي 6سنوات ودخلت المدرسه وفي نفس الوقت ابوها انطرد من شغله!! وسألته عن سبب طرده لاكن رفض يقولي وتوظف في شغل جديد لاكن لاحظت عليه ارهاق ولما راقبته اكتشفت انه يكلم شخص في الليل وبصراحه شكيت انه يخوني وتدمرت نفسياً ومعنوياً وبعد اسبوع من الشك والغيره قررت افاتحه بالموضوع وبالفعل مسكته وقلت له الموضوع وفتح جواله قدامي وشفت الرقم ودق عليه بعد وطلع رجال وعاطني الجوال وقال فتشيه علشان ماتشكين وبالفعل فتشته ومالقيت شي وقالي بعدها (انا عندي مشاكل مع رئيسي ) وبعدها قال انسى السالفه و طلع برا البيت واستنيته لما رجع وتأسفت منه وحاولت اعرف المشكله لاكن رفض يقولي و قال من حقك تشكين وبعد كم يوم نسيت الموضوع ويأست من اني اعرفه وفي يوم دق جوالي والرقم غريب!! ولما رديت قال لي الشخص (انتبهي على زوجك وبنتك لا يروحون من بين ايدينك!) وخفت الصراحه ورحت النبر بوك بحثت عن الرقم لاكن طلع مجهول الهويه وقلت ل زوجي وشرالي رقم جديد لاكن رجع دق علي الرقم! وفي يوم جا سلطان
سلطان:مرام بقولك شي!
مرام: وشو؟
سلطان: المكالمات الي تجيك و الارهاق الي لاحظتيه علي
مرام: اي شفيها
سلطان:كل ذولي من رئيس شغلي القديم
مرام :من وين له رقمي ووش المشكله الي بينك وبينه وليش يهددنا
سلطان: مدري من وين له رقمك!!
مرام: طيب قل لي وش المشكله ؟!
سلطان:كنت مداوم نفس كل يوم وماشي الشغل نفس العاده وفجئه ناداني الرئيس وقالي (انت انسان محترم ومجتهد في شغلك وودي انك تساعدني بموضوع ) انتهى البارت هنا واتمنى انه اعجبكم واسفه على التأخير
