محطة قلبي الأخيرة

البارت الاول

#قصه_حقيقيه

#محطة_قلبي_الاخيره

السلام عليكم احجيلكم قصتي
اسمي إيفا لتستغربون من اسمي اسمي كردي معناه حواء او عطاء الحياة
بابا جان يخدم بالعسكريه بالشمال وكتها ماما جانت حامل بيه واختارلي الاسم
عمري 26 عام
 متخرجه من كلية التربيه
طولي وسط شكلي طبيعي  ناعمه لا اكول الكم حلوه ولا مو حلوووه بس ملامحي حلوووه مثل ميكولون محبوبه
عائلتنه متكونه من بابا موظف وماما هم موظفه
عندي اخوان اثنين واحد اكبر مني وواحد اصغر مني  احمد وزيد
اني اول ما داومت انقبلت كلية تربيه بغير محافظه  بعيده على محافظتنه يعني جنت قسم داخلي ماادري شصار بيه اول سنه كلش تدهورت صحتي يوميه مريضه ومجازه اخذ اسبوع اجازه  وامتحاناتي راسبه بيهن  ما جان اكو نقل بوكتها اله اخلص سنه اولى
المهم خلصت سنه اولى بطلعان الروح وشلعت كلب ماما وبابا ويايه
بس طلعت اكمال ومن شروط النقل جان قبل (هسه مااعرف شلون صار )
لازم نجاح دور اول
اني ايست من الدنيا من طلعت دور ثاني ظل بابا يسأل اليه عن طريقه حتى انقل بيها كلوله بوكتها  خلي تمتحن ونسويلها تقرير طبي على انه حالتها الصحيه ميصير تظل بعيده عن اهلها يعني لازم فايلي ينعرض على لجنه طبيه بالمستشفى ويكولون مثلاا عدها ضعف بالقلب او سكر او ربو يعني المهم يكون مرض صعب ويعرضوني على طبيب نفسي يكتب بالتقرير حالتها النفسيه متأزمه بسبب السفر والمرض يعني يسووها ظلمه ههههه المهم هو درب حتى انقل بي لمحافظتي
اني صارلي واهس اقره وعفت كلشي وكعدت اقره وجنت اروح يم بيت عمي
 بت عمي متخرجه من نفس قسمي فجانت تساعدني كلش
جانت اخت وصديقه بالنسبه اليه
وبيت عمي جان بنفس فرعنه يعني بعد 3 بيوت عن بيتنه يعني اروح شوكت ما اريد وارجع شوكت ما اريد
عمي وابنه جانو ضباط 
عمي ضابط جبير  ومعروف اله مقامه
.
.
.
قربت امتحاناتي وجنت ضاااايجه كلش لان اول مره بحياتي اطلع كمال والدنيا سوده بعيني اخاف ما انقل ما اريد ارجع لهناك بعيده عن اهلي
جنت اظل يم بيت عمي لليل اقره
ومااريد اي شي يأثر عليه بقرايتي جنت صدك جاده واقره
مره من المرات جان يمهم خطار و هوسة جان يمهم جماعة ابن عمي الضباط عدهم شغل وملتمين يمه ماجان اكو احد بالبيت بس اني ورنا بت عمي والبقيه كلهم طالعين و كل شويه يجي ابن عمي كرار يطلب من عدنه نسويله شي لو جاي لو كهوه لو نركيله لو مي مللنه وصوتهم عالي   واني متوتره وما اريد اضيع وكتي
جانت علاقتي كلش قويه بكرار  رابين سوه شقانه وضحكنه مثل الاخوه واكثر
كلتلها لرنا هناا هوسه صارت عفيه امشي خلي نروح لبيتنه احسسسن من هوسة اخوج هناا كالت يله راح ابدل هدومي  واجي
اجاني كرار  كلي حبابه ايفا  سويلي هاي النركيله شويه واجي اخذها كلتله يوووه تره ضجت شنو هاي جماعتك جايين يسهرون لو يشتغلون  اخاف عبالهم كهوه كلي حبابه لخاطري يله ربي ينجحج
كلتله راح اسويها واخليها هنا بالمطبخ وتعال انت اخذها راح نروح اني ورنا لبيت اهلي ونخلص منكم
 كال اوووك روحن عسااا لا رجعتن هههه
سويتها وخلصت
انتظر رنا ماااكو يمعوده وينج كالت انتظريني هسه شويه
اني واكفه بالمطبخ  اسمع صوت حذاء كرار اجه
اني درت وجهي ع النركيله جانت ع الكاونتر شلتها اريد انطيهياه  يعني هو صار ورايه كلتله  بعصبيه هااااك سم ان شاااء الله الك ولجماعتك 😡 ودرت وجهي عليه اباوعله هذا موو كرار عززززززه  واحد طوويل وضخم  ملامحه ادل على انه عصبي متعجرف خفت منه شوو  اجتي عيني بعينه هو هم ظل صافن ميدري السالفه شنووو خليتها ع ميز الطعام كدامه وعفته وطلعت
 واني اكول عزززززه شكد فشله مبين من جماعة كرار اني تيبست بمكاني  لاا والحجي الي حجيته يبو يبووو صخام الصخمني بس لا يدري كرار فشلته كدام جماعته
نزلت رنا بهالاثناء واخذتها وطلعت من الباب الثانيه وبعد ما ادري شصار ورايه
اجيت ثاني يوم اريد اشوف كرار عرف بالي سويته لو لااا
اول ما طبيت شفت كرار بالمطبخ
-هلاا هلاا  ... لج تعااالي عوووبه
اني كلت عزززه يبوو يبووو شراح يسوي اكيد عرف
- كول ابن عمي الورده كروري
-اليوم مصحصحه من الصبح ورايقه - اني كلتله هااا اي لا ما نمت اصلا البارحه بالليل
--هااا اييي شوف الجذب مالتج
لج انتي شلون بيج
-يا ساتر هاي شبيك وياي
-شلون تريدين تنجحين وانتي كتابج عايفته هناااا
اني بكلبي كلت الحمد لله هذا مبين ميدري بشي
-ايي من وره جماعتك غيررر  كظيتها روحي وتعالي وسوي جاي وسوي كهوه
يمكن ورانه كتلكم العطش  ومحد جابلكم مي مووو
-لااا احنه كمنه خدمنه نفسنه كلتلهم شباب البيت فارغ اخذو راحتكم
-هااا خووش حجي
اني كلت بكلبي لو تدري شصار خخخ
همزين عدت سلامات
وراها بكم يوم ظليت متأخر كلش يمهم صارت ساعه ب 12 تقريبا واني يم بيت عمي
طلعت الشارع صاااافن عزززه شلون اروح 😣
اباوع ع الفرع مالتنه والكه بي جلاب تكرمون
ياااربي هذني منين اجوووي شجابهم هناااا
هسه شلون جماله طلعت بعد وسديت الباب 
كلت خلي امشي واخابر بابا يتلكاني طبعا اني لازكه بالحايط وامشي