محطة قلبي الأخيرة

البارت الخامس والاخير

وظليت كاعده وافكر والدنيا تفتر بيه
ظليت لاذان الصبح كاعده سمعت الاذان كمت صليت وظليت ابجي على السجاده وادعي كلت اكوم اصلي صلاة استخاره  صليت ركعتين استخاره ونمت
حلمت اني كاعده بحديقه مثل الجنه ولابسه ابيض وره شويه جان يجي بسام ويجيبلي سله تفاح واني فرحااانه ومرتاحه كلش
كعدت من النوم وجنت كلش مرتااااحه  كلت هذا هو  اني راح اقبل بي  شنو ناقصه واذا متزوج وعنده بنيه هذا مو عيب ثم هاي الشغله من زمااان صايره يعني مو جديده من سنتين او تلاثه واخاف مرته القديمه تسويلي مشاكل او يكون جرحه اخضر بعده ويظل يقارن بيني وبينها
خلص خليني اقبللل
دكيت عليه سااعه 6 الصبح
- الوو بساام اني قااابله بيك 😍😍😍
- صدددك إيفا
لج مدا اصدك اكيييد دا احلم
تدرين شكد عذبتني هايه السالفه تدرين شلون جنت انام واكعد احسها غصه منغصتلي حبي وفرحتي بيج
اليووووم نجي نخطبج من اهلج استعدي حبيبتي
- مستعده اني 😍😍😍
هو مخابر كرار وكايله عليه وكرار فرحان كلش
اجتي عمتي ام كرار على اهلي كالت ديجون ناس خطابه اليوم على ايفا
امي كالت كل الهلاا بيهم
تحظرت اني امي كالت ماكو داعي تتحظرين شي اوفر البسي شي بسيط وكأنما دتطلعين طلعه عاديه لان بعد منعرف عنهم شي  من نطي موافقه بدلي واتشيكي زززين
اني كلتلها اوووك ماما
صدك ما رديتلها طلب بس ردت اعديها لبست ملابس حلووه مرتبه 
بس جنت كامشه كلبي بايدي ياااربي شلووون اخاف ميقبلون
صدددك اجوي اهله امه واخواته اثنين الجبيره والاصغر منها  وبته وبعد  عنده اخت صغيره بالبيت ما اجتي وياهم
وامي دزت على عمتي الجبيره واجتي مرت عمي ام كرار
وبدو يحجون على بسام هيجي عنده وهيجي يشتغل لحد اخر شي وصلو لسالفه زواجه
كالو احنه منريد نظم عليكم شي القصه هيجي وهيجي
ومرته القديمه تصير بت خاله وتزوجت وره سنه من طلاكها وسافرت عاشو بسوريا وبعدين راحو للبنان ومستقرين هناك
وهايه بنته صارت عروس احنه ربيناها على ادينه
وهو يريد يشتري بيت ويكعد بي يعني ما راح يكعد ويانه
وانتم فكرو واسألو عليه وردولنه الخبر
امي كالتلهم ان شاااء الله
الله يقدم الي بي صالح
امي اول ما طلعو طبعا من غير تفكير كالت مستحيل اقبل اول شي اكبر منج ب 10 سنوات وثاني شي متزوج ومطلك يمه اسم الله شمدريني ليش طلك هو يجوز انتي هم يطلكج وره اسبوع وره شهر
اني كلتلها ماما خلي نسأل عليهم يجوز يطلع زين
والله اني شايفته شكد انسان محترم بالجامعه والناس كلها تقدره وتحترمه
كالت لااا مستحيل ليش قابل برتي طبيتي بال 40 واكول ميخالف انطيج لااا مستحيل اقبل
اني سكتت مااكدر احجي اكثر اخاف يعرفون بعلاقتي بي  كلت بلكي بابا اله غير رأي
اجه بابا وتعشينه واني نظفت الميز ورحت للمطبخ اغسل مواعين
وامي كعدت تحجي وياه كللها بابا والله هو خوش ولد حباب بس صح جبير اكبر منها اخاف ميتفاهمون
امي كالتله لااا لاا مستحيل نقبل عيني
باجر اخابر ام كرار تخابرهم وتردلهم خبر
اني عفت خلصت المواعين ورحت لغرفتي كعدت ع القريوله مالتي بس ابجي
فتحت الموبايل مالتي لكيته دازلي رسائل
- عيني شنو هالجمال شطالعه اليوم يكلولي تخبللل
- فددديتج حبيبتي شوكت تصيرين اليه
- ووينج شو متردين
- هاا يمعوده تره كاعد على نااار شكالو اهلج شنوو رأيهم
- ايفاااا ظل بالي
- زين بس ردي عليه كليلي اني زينه كلشي ما اريد
.
.
.
.
.
احاجي روحي واكول شرد عليك اكولك اهلي ما قبلو بيك
لاا فوكاها بابا يكول اخاف بينهم فرق بالعمر
خاف ميتراهمون
هو ميدري احنه متراهمين اكثر من اي اثنين بالدنيا
هو هم اكو احسن منه
هم اكو واحد بعقل بسام وبثكله ورزانته ورجولته