زواج عرفي

4

فتحت عيوني كنت حاساهم تقااال .. راسي كان لافي وشايفة طشاش طشاش قدامي .. توحة توحة وين انتي وبقيت ارفع في يدي وتقع تاني ..
حسيت بي يد مسكتني إهدي ياشادن انا توحة أهو قمبك حمدالله ع السلامة ياقميل خضيتينا عليكي..
قلت ليها  انا وين الحصل شنو؟
قالت لي انتي تعبتي شوية واغمن عليكي وقبناكي المستشفي .. يلا شديلنا حيلك يا ئمر ..انتي نسيتي الامتحانات ولا ايه 😉
ما ناسياهم يا توحة انا بفكر اجمد السنة 😓😓
بتئولي ايه انتي اتجننتي لالا ماليش كلام معاكي
يا عمرو تعالا بأ شوف البنت مالها شكلها اتجننت خالص 😢  ..
عمرو : إيه يا شادن من اولها وانتي ح تستسلمي كدا هون اومال تربي اللي في بطنك دا إزاي ..
بتقول شنو 😮😮😮😮
توحة: يخرب بيتك ياشيخ خربتها اهو اعمل فيك إيه بس..
بتقولو شنو انتو ..منو ال في بطني 😮 توحة الحاصل شنو ردي علي في شنو توحة ..
مسكتني من يدي وقالت لي اسوأ خبر ممكن اسمعو في حياتي ..
شادن إمسكي نفسك إنتي حامل ميصحش كدا الله ..
لالا لا لا ما ممكن كيف يعني حامل انتي اكيد بتهظري مش .. عمرو توحة بتهظر مش 😢.. مستحيل انا عاملة حسابي كيف اكون حامل لالا شكلو غلطو ولا حاجة اتكلمي يا توحة انتو ساكتين لشنو .. اااااه انا طق طق طق ااااااه عملت شنو في روحي عايزة اموووت ما عايزة اعيش الله ياخدني طق طق جريت الدرب من يدي وبقيت بضرب في بطني بي قوة ..
توحة مسكتني وقعدت تصرخ فيني انتي بتعملي ايه انتي قنيتي بتئذي نفسك ليه ..
سيبيني يا توحة انا ما عايزة البيبي ماعايزة شي يكون من غسان ما عايزاه خليني اروحو اااااااه يا ماما وين انتي خليني يا توحة ابعدي عني ..
توحة : عمرو عمرو ماتتحرك روح هات الدكتور بسرعة البنت متجننة علي الاخر يلا ياعمرو انا مش ئدرة امسكها اكتر ..
توحة سيبيني الله يرضي عليكي
بقيت ببكي بي هستريا وبصرخ والدم نازل من يدي وتوحة شايلة المناديل وماسكاني .. كل شي بقي اسود قدامي عملت شنو انا .. الله يلعن اليوم الخلاني اعرفك يا غسان .. يا ريتني ما حبيتك .. ياريتني ..
الدكاترة جو جاريين وطلعو توحة وعمرو .. انا دخلته في حالة عصبية صراخ وبكي بقو ماسكني ورقدوني علي السرير ادوني ابره مهدئة
بقيت ببكي وبقول نادولي ماما انا عايزة ماما .. انا وين وحاسة بي صداع فظيع فظيع عايز يكسر راسي ..
ما حسيت تاني بي حاجة خالص .
نجي بره لي عمرو وتوحة
عمرو : لا حولا ولا قوة الا بالله .. الله يكون في عونها يارب ديا اتصدمت قامد اوي.
توحة : اه.. بس والله انا مش حسيبك ي غسان
عمرو : وانتي مالك بي غسان ولا زفت دا خليكي بعيدة عن الموضوع ملكيش دعوة بيه ..
توحة : وليه ان شاءالله يا سي عمرو .. دي صاحبتي وبعدين انا السبب في كل اللي حصلها دا .. واخرتها الفكرة المهببة ديا.
عمرو : ولا انتي السبب ولا حاقة هي موش صوغيرة يعني متحمليش نفسك الذنب .. هي لو مش عاوزاه مكنتش اتقوزته عرفي وافتكر انها عارفة بتعمل في إيه ..
توحة : والله طلعلك صوت يا عمرو وبئيت تفتي في حاقة مش عارف عنها حاقة ..
عمرو : انا مش بفتي ولا حاقة بس انا ئولت الصاح واللي مفروض يتئال .
توحة : نقئطنا ب سكاتك بئا مش نائصين نصائح خليهملكم ..
عمرو : اوك يا توحة اعملي اللي انتي عاوزاه وانا حزرتك اهو ..
توحة : احتفظ بيهم ل نفسك ياسيدي.
عمرو : يلا خليني اروحك ع البيت
توحة : ومين اللي ئلك اني مروحة دلوئت .. انا منتظرة شادن اما تبئا كويسة وتفوء
عمرو : اللي تشوفيه ي توحة انا مروح .
عمرو مشي وتوحة قعدت اتصلت بي اشرف وريم وحتومي وسوما وأحمد ورقية .. جو المستشفي وكلهم مخلوعين وكانو مقلقين علي .. توحة حكت ليهم بي كل الحصل .. جاطو فيها وكيف انها تفكر بالفكرة دي ونتصرف بدون نقول ليهم .. توحة قالت ليهم ما اتوقعنا دا يحصل الفكرة الخططنا ليها جات عكس المتوقعينو .. وقالت ليهم اني حامل .. 😢😢
انا ما براي المتزوجة عرفي حتي احمد وسوما متزوجين بالطريقة دي ومعظم الطلبة متزوجين عرفي .. كنت فرحانة اول علي العملتو .. لما عرفت غسان جزبني بي كلامو المعسول وإهتمامو خلاني اثق فيه اكتر من روحي .. عرفتو عن طريق توحة مرة زرتها في منطقتهم وهم كانو ساكنين جمبهم .. اهلو جو من بدري ابوه تاجر واشتغل قبلو ما رجع تاني .. درس تصميم وتاني بعد اتخرج اشتغل في مصر .. بقي يعرف المنطقة والناس اكتر من اهلو في السودان .. عندو اختو صاحبة توحة شديد اليوم كلو بكونو مع بعض عادي .. ساقتني ليهم عشان اتعرف بيها وفتح لينا هو الباب ومن وقتها ختاني في عقلو وكل مرة توحة تقول لي غسان سأل منك .. غسان قال عايز يتعرف بيك .. غسان قال انتي عجبتيه 😕 .. بي كترت نقتها يوم رضيت اني اتعرف عليه وجا الجامعة ومنها كل يوم علاقتنا بدت تقوي مع بعض لما حبيتو شديد وبقيت ما بقدر استغني عنو .. اليوم الما بشوفو فيه او ما بسمع صوتو بكون عيانة .. يوم وصلني الشقة وانا اصريت الا يدخل معاي اضيفو وفعلا طلع .. انا ما عارفة الحصل شنو ولا اتوقعت انو يحصل بينا شي .. لما دخلت المطبخ اجيب  ليه العصير هو جا لاحقني وقبل اعمل اي رد فعل جراني عليه واخدني في حضنو جامد .. ما بعرف لشنو ما صرخت فيه ولا بعدتو عني لقيت اني استسلمت ليه عادي كأني بعرفو من سنين طويلة حتي ما انتقدت تصرفو او طردتو .. بقينا علي الموال دا كتير بجيني يبيت معاي ويقول لي اهلو عندو شغل بره في الاسكندرية او الاقصر او غيرو .. لحدي ما جا اليوم الاقترح لي فيه اننا نتزوج عرفي .. اول اتشاكلت معاه وجطه فيه وقطعت علاقتي بيه مدة لاني كنت مفتكرة انو حا يتقدم لي اهلي ونتزوج بعد الحصل بينا .. سمعت تاني من توحة ان والدتو اتوفت ف مشيت معاها اشيل ليه الفاتحة .. ومن هنا علاقتنا رجعت تاني اشد من الاول وقدر يأثر علي ويظهر بي شخصية الانسان الضعيف المكسور الما ممكن يقدر يبعد او يستغني عني .. لحدي ما فاتحني تاني بي موضوع الزواج العرفي وحكي لي موضوع أمو وانها كانت عايزة ليه بنت خالتو ودا السبب الخلاه يقول لي كدا .. من حبي الشديد ليه وغبائي صدقت كل كلمة قالا وخضعت ليه .. بقيت ما بقدر ارفض ليه طلب بعد اتزوجنا عرفي كل طلباتو وأوامرو مجابة .. غرقني بي حبو وكلامو الحلو وحركاتو وحنيتو لي درجة بقيت ما بشوف غير غسان .. فتحت عيوني وكل المواضيع دي تفاصيلها جااااايطة في عقلي  اتزكرتها حتة حتة .. وعيت ولمست بطني وان الحصل لي دا واقع وخلاص بقيت بعاين للسقف وبفكر اني اعمل شنو كيف اتصرف اهلي لو عرفو حا يكون موقفهم شنو .. وانا كلها كم يوم وارجع السودان حامل بي طفل ابوه اتبرا مني واكيد حا ينكرو لما يعرف.. اتصرف كيف وكيف ادس الحمل وكيف اقول ليهم والفضيحة ال حا تحصل بي سببي ممكن ماما وبابا يروحو فيها ... الدموع نزلت مني ساااااخنة حسيت بي حرقتها في خدودي .. لازم اتصرف لازم قبل انزل السودان ....

يتبع