اقسم بالله العظيم تلاتة يا شادن لو ما رديتي المرة دي ما تشوفي سمح .. عوجته خشمي ودمي فاير .. بتهددني حااااضر اشوف بتعمل شنو ..اها انا ما برد كان تنطبق السماء علي الارض ما برد .. زززن زززن اتصل لما وقف .. بعيد عنكم حرقة القلب البتمسك ديك حارة خلاص لكن هو مستفز ووجعني تهديدو دا ..
اوريكم أساس الشكلة .. اصلا نحن جننا مشاكل من تصبح نقوم بي مزاج عااالي يتونس معاي فجأة بتقلب شكلة وحات الله براها بتجي الشكلة .. اها مافي واحد فينا بتنازل للتاني .. ياخ انا بغير عارفة روحي بس هو البطلع لي غيرتي لما يقول لي امس فلانة عاينت لي .. علانة غمزت لي .. ديك قالت لي بحبك .. اسكت يعني والله ما اسكت .. يوم جا من الشغل وقال تعبان عايز يرتاح .. دخلته جبت ليه كباية كبيرة عصير .. ومشيت جبت طشت البلاستيك ودفيت موية وكبيت فيها نقاط زيت ورد وجبته الفوطة وجيت .. ختيت ليه رجولو في الحوض وبقيت بدلك ليه فيهم .. خخخخ ما تستغربو اصلو يادوب مستجدين عرسان جداد وتأثير المسلسلات الهندية والتركية جايب شغل جامد 😂😂😂 ..
مع إنو متزوجين عرفي بس انا فرحانة لاني عندي بيتي براي بقدر اعمل العايزاه .. المشكلة لما انزل السودان لي اهلي اعمل شنو وهو ما راضي ينزل معاي عشان يفاتحهم قال وضعو ما كويس لانو امو كانت عايزة ليه بت خالتو ومتفقين معاهم وهسي اتوفت 😢 قال لي مافي طريقة الا نعرس عرفي لانو ما بقدر علي بعادي اكتر من كدا .. فترة محددة يعرس بت خالتو وبعدها يطلقها ويتقدم لي اهلي نعلن زواجنا .. انا ما عندي حل غير دا لاني بحبو والله بحبو وخايفاه يضيع مني وبت اهلو دي تميل راسو .. عشان كدا وافقت .. قربت اخلص الجامعة في مصر وحا انزل السودان 😭😭😭 وابعد من وجع قلبي.. الليلة من الصباح قايمة مزاجي ما تمام وما مشيت الجامعة من قبيل ادخل واطلع .. نضفته البيت دا حتة حتة ولا فتفوته ترابة ما خليتها .. كييف يكون بالي رايق ونحن متشاكلين بي سبب بت خالتو الفقر دي طلعت لي من وين ما عارفة .. بقيت خايفة منها والله اليوم كلو ونحن في البيت هي تتصل الوو حبيبي ، الوو حبو ، الوو حياتي ،، حبيبو انا بموووت فيك اهي اهي اهي .. المتخلفة الصايعة والله الم فيها ابقيها سلطة اسود .. 😠😠 لصقة ما بتخليه ثانية يقعد معاي تقول شاكة انو في واحدة تاني ..
الساعة اتنين جات سمعته الباب كرب قفل جيت طالعة من الغرفة لقيتو غسان .. استغربته مالو جا بدري الليلة .. جيت عليه قلت ليه حبيبي مالك في شنو انت تعبان ختيت يدي علي راسو درجة حرارتو عادية .. رفع عيونو عاين لي وجراني وقعته جمبو خفته من النظرة ال في عيونو .. قال لي يا شادن بكرا عقدي علي بت خالتي ابوها اتصل بي هسي وقال اني طولت في الخطوبة والبت بالطلعة والدخلة الكلام كتر عليها .. قلت ليه كيف يعني والدموع جرو غصبا عني في خدي .. قال لي شادن لالا ما تبكي والله الفيني مكفيني .. واول مرة اشوف غسان تنزل منو دمعة وبدون احس لقيتو وقع في حضني وقال لي ما تبعدي عني .. ياشادن لو انتي خليتيني انا بموت والله بموت .. مافي زول حاسي بي غيرك .. انتي امي وحناني وحضني الدافي وكل شي في حياتي .. بس وصية امي انا ما بقدر اخالفها وما عايز مشاكل مع خالتي وهي ادتهم كلمة قبل تموت .. مسكته العبرة وخنقتني شديد بس المكتوب مكتوب .. بقيت امرر يدي علي ضهرو واطمن فيه .. ما بتخلي عنك يا غسان كلها كم شهر وتديها ورقتها الهبلة دي رفعته راسو بين يدي قلت ليه السمينة دي ما تستاهل تبكي عشانا وهي تشبه الدبة كدا ... قعدنا نضحك قال لي الله يستر منها في شهر العسل .. حمرت ليه وطاخ ضربتو في كتفو قلت ليه شنو شنو شهر العسل انت جادي حا تعملو ليها وبراكم وقمته ماشة .. قال لي حبيبتي وجراني قعدني في رجولو .. ما تفهميني غلط روحي انا والله غيرك ما تملكني واحدة ..
قلت ليه طيب والفهم يعني حا تتصور معاها مثلا في شهر العسل اكيد لا وقمته منو .. قال لي عشقي انا من اولها اتخليتي عني مش .. صراحة وجعني وهو عارف نقطة ضعفي حنيتي وحبي ليه .. غمزته ليه وقلت ليه لو وصلت باب الغرفة قبلي بخليك تعمل العايزو وقمته جارية ... 😮😮😮😮 غسااااان ما عايزة ما عايزة كدا سرقة والله انت غشاش .. قعد يضحك لما نزل علي الارض قال لي الله يا زولة خليك عند كلامك قلتي كان وصلته وانا نطيت الكنبة بس يعني انتي ما عملتي قوانين خليتيها مفتوحة خلاص القانون لا يحمي المغفلين 😂😂 .. يعني انا مغفلة شكرا يا سيدي اخر حبي ليك توصلني مغفلة .. حبو شنو انتي علي طول بتفميني غلط وحسيت بي يديه مسكوني من وسطي وقال لي عيوني ليك حبيبي ما تزعلي مني تعالي 😍😍 ...
وقت صحيت اتقلبته مررت يدي علي السرير ما لقيت غسان قمته لبسته هدومي .. مالقيتو في الحمام .. غسان غسان ما جاني رد .. شلت تلفوني لقيت رسالة كاتب لي حبيبي جاني شغل ديكور مستعجل طلعته وما حبيت اصحيك .. عارفة وانتي نايمة ملاك بس .. 😊😊😊 الله يعلم بحبك يا نبضي انا .. ختيت التلفون وعاينت للساعة لقيتا سبعة مساء .. دخلته المطبخ عملت لي اكل خفيف وشلته تفاحة وجيت قعدته فتحت التلفزيون .. الوقت مره فجأة عاينت للساعة لقيتها ١١ وغسان ما جا .. دخلته عاينت للتلفون لا مكالمة لا رسالة .. اتصلت بيه لقيتو مقفول .. بديت اقلق في شنو قافل جوالو والوقت اتأخر .. المشكلة ما عارفة اي حد من اصحابو اكلمو او اطمن عليه ولا بقدر اكلم اهلو واصلا ما عندي ارقامهم .. بقيت كل شوية اسمع صوت سيارة اجري البلكونة ما القاه هو لما غلبني النعاس ونمته في الكنبة .. شادن حبيبة شادن اصحي روحي .. فتحته عيوني ياالله وبقيت ادعك فيهم .. غسان قلقتني اتاخرته مالك .. جاني شغل تاني في وسط القاهرة روحي والتلفون قفل شحن معليش ما قدرت اطمنك .. نمتي في الكنبة لشنو .. قلت ليه نمته فجأة وانا منتظراك بدون احس .. شالني في يديه زي البيبي وقال لي واحشاني عايز انوم في حضنك ارتاح ما اصحي .. قلت ليه يا حبيبي انا اتعشيت .. قال لي ايوااا ومنتظر حضنك بس 😊😊😊 رقدني في السرير وختي تلفونو في الشاحن وجا جاري لي جري ..
الساعة سبعة صباح تلفونو صحانا يرن 😠😠😠 نزلته من السرير جريت الروب لبستو سريع لقيتا الما تتسمي دي عملتو صامت وعاينت لي غسان نااايم كان تعبان .. جيت غطيتو كويس ودخلته الحمام استحميت وغسلت شعري وجيت صليت .. نضفته البيت سريع وعطرتو .. مسافة الكيكة نجضت زينتها بالكريما .. في الشباك زارعة ورود ياسمين شلت منهم وختيتهم في الفازة وسط الصينية وختيت العصير والكيك وشوية زيتون وجبنة ومربي وفطاير .. دخلته براحة ختيتهم في التربيزة وقعدت جمبو وبقيت اهمس ليه في اضانو حبيبي صباح الورد صحي النوم 😍😍😍 .. وقت اتقلب .. قلبي اتقلب معاه الساعة ديك😂 .. قال لي يا صباح الحب والفل والياسمين عيونو انا .. الله شامي لي حاجة حلوة من الصباح جيعان ..
قلت ليه قوم وانت تشوف مرتك حبيبتك بتحبك كيف .. عاين للصينية كدا قال لي ااااي باين حب مالح كمان من الزيتون دا.. قلت ليه حبو شنو الاحباط دا .. قال لي اموووت وانتي صارة كدا تشبهي عمو دهب 😂😂😂 ..خلاني اضحك الثقيل غصبا عني .. اوووبا ايوه كدا يا قلب اضحكي من الصباح يلا يلا قومي اجهزي عارفك بتطلعي لي في ساعة وانا الليلة يومي ملياااان خليني اوصلك في شارعي .. كنت عايزة اتشاكل معاه لاني عارفة الليلة عقدو وهو عمل روحو رايح .. قلت ليه طيب وجيت اقوم مسكني من يدي قوي .. قال لي شادن .. قلت ليه نعم .. قال لي عايني لي .. ما قدرت اعاين ليه حسيت دموعي بقو قرااااب حا ينزلو غصبا عني .. قال لي مش بتثقي فيني ومقدرة ظرفي ؟
سكته ما جاوبت ليه ..
قال لي بي نهرة ردي علي وعايني لي هنا بتثقي فيني؟
قلت ليه اي
قال لي خلاص قومي البسي وخليني اوصلك وبعدين بنتفاهم ..
لبسته سريع وطلعته لقيتو منتظرني في العربية وطول الطريق كنا ساكتين ما اتكلمنا حرف .. وصلني وقبل انزل قال لي بحبك ومستحيل احب الهبلة السمينة بت أمها دي .. ضحكته بعد زعلي دا 😂 هو بعرف يضحكني كيف .. قلت ليه باي خلي بالك من نفسك ..
قال لي وتاني ..
قلت ليه شنو ؟
قال لي وتاني؟؟؟
قلت ليه بحبك
قال لي انا بعشقك وخلي بالك من نفسك .. ومشي .
ما كان عندي نفس نهائي وقلبي قال لي ارجعي البيت .. كان ما سمعته صوت حتومي بناديني
القميل ليه قالب وش اليوم هو النهار دا مالكو يا بنات كل اللي ببصلها بلئاها متنحة ..
الله يرضي عليك يا حتومي امشي من قدامي ما طايقة نفسي الليلة ..
اوووبا يا عم السوداني يا قميل انتي ..هو المزاج مالو النهار ده يكون عندك البريود ونحن منعرفش ..
خلاني اضحك وفضحني الله يفضحو .. رديت ليه بلا ياخدك اسكت خلاص ما وقتك محاضرتي قربت اشوفكم بعدين انت والشلة سلاااام.
بالمناسبة حتومي اسمو حاتم هو النوع الما مؤاخذ داك نص راجل واكتر من النص نسواني .. بنقول ليه عندنا نسونجي كلامو ومشيتو زي النسوان ..
جيت جارية وكالعادة المحاضرة بادية فايتاني .. دخلته وشفته اشرف اشر لي جري جيت قعدته جمبو .. ازيك يا مان سجلت المحاضرة ان شاءالله بس .. قال لي يابنتي هو انتي شفتي حاقة استني بس اما نطلع دي الايام القاية منيلة ب ستين نيلة .. قلت ليه اللهم اجعلو خير اصلا من اشوفك بتحصل كارثة 😂..
قال لي بصي بصي اهي ست ريم الانتيم بتاعتك وصلت انتي يابنتي ازاي بتعرفي الاشكال البيئة دي ..
قلت ليه خليك خليك في حالك صاحبتي وانا حرة ..ونسيت نفسي خالص وكوركت ليها ريم تعالي هنا المكان فاضي وهي ما قصرت تاكل في اللبانة ولا كمان بتنفخ فيها اهو قاية عليك أ حبيبتشي.. الساعة المحاضر طق طق طق ضرب التربيزة وقال لينا اطلعو بره انتي وريم بتاعتك ديا وابقو آبلوني لو نجحتو ..
اصلا ما هي خربانة خربانة شلنا حاجاتنا وطلعنا بره القاعة ..وريم ماشية وتدعي فيه اللهي داهية تاخدك مطرح توديك مايعرفوش لك مكان ..اللهي تتوكس ي بعيد ..اللهي يضربك اتوبيس يفرمك
😂😂
وانا وهي بتدعي فيه خلاص مصارين بطني بقت تتشاكل بالضحك غلبني نهائي معاها
و الله يسترني معاك ياريم ...
يتبع
