الجزء الثالث...😌
ضغط نفسي كبير عليا بلشو قرايب اهل زوجي يسالوني شو العروس مامخبيه شئ عالطريق الله يطعمك يارب عن قريب نفرحلك بولد واناااا وين وهالناس وين ....لازم حرك حالي بقا واتصرف .
كل جمعه كنا نقعد بالبيت سوا لانو عطلته ،اما افتح كتاب اقرا فيه وهو يقضيه عالتلفزيون او الابتوب عالنت يعني وضع روتيني وممل .صدفت انه الدنيا عنا تمطر برا لمعت الفكره براسي فوووورا تركت الكتاب على جنب وقمت لعنده ووقفت على الشبك وقلتلو عم تمطر ....أنت بتحب المطر ؟؟!قلي في حدا مايحب المطر قلتلو صح أنا كثييير بحبه وبحب أمشي تحت المطر (مين انا ههههه لك اذا كان عندي مشوار والدنيا عم تمطر الغيه أو اطلع ولابسه طاقيه وماسكه شمسيه وامشي تحت بلكونات العالم كرمال بس مايجيني حبة مطر بس اي فكره مجنونه بتلزمني هلا) ..قلتلو شو رايك وهزتلو راسي لبرا؟قلي رايي بشو !!قلتلو تعا نطلع نتمشى تحت المطر...
للحظه لمعو عيونه وسكت شوي قلي من كل عقلك عم تحكي ؟!!...
طيب ماشي البسي وفعلا قمنا حضرنا حالنا وانا تباطئت باللبس وقلتلو سبقني بنزل وراك ونزل قبلي .أنا ما لبست جاكيث لانوحطيت عيني على جاكيثه يلي لبسه كنت شوف بالافلام كيف البطل بيشلح جاكيثه ويلبسه لحبيبته قلت بلكي بتزبط معي واذا مازبطت بكون اكلت مرضه نزلت وسالني ليش ملا لبسة جاكيث قلتلو انا ماكثير ببرد متعوووده ( هههههه انا يلي بالبرد بلبس 3جرابات فوق بعض وبحطن فوق البنطلون بيطلع شكلي مثل الي بياعين السمك ) ....
انا انسانه عمليه جدا يعني شو المشي تحت المطر يعني رح بلل ثيابي وامرض بس ماكنت شوف متعه بالقصه ايه بس لانو هو انسان عاطفي ورومانسي لازم استغل كل شئ لالفتله نظره بس لااااا لااااا شئ مختلف تمام المشي تحت المطر مع شخص بتعشقه شئ مايشبه اي شئ مشينا ويلي كنت مخططه له زبط الجنتل شلح جاكيثه ولبسني اياه ومرينا اكلنا فول سخن وكانت الفكره فكرتي ورجنا عالبيت ركض كان مشوار حلو كثير رجعت مبسوطه وحاسه حالي عامله أنجاز ....
الجمعه يلي بعدها مستحيل كااانت تمر هيك جيث عندو وقلتلو بيتزا ....قلي شوووو؟!!قلتلو تاكل بيتزا؟ قلي اي باكل قلتلو معناتا رح قوم البس .قلي لووووين!!قلتلو لمطرح على ذوقي طوله4 امتار وعرضه 5امتار فيه6 طاولات بس خشب شكله يشبه الكوخ اضواءه خافته وموسيقى ..اما ريحة البيتزا لا توصف .قلي طيب...
عجبه المحل كثييير هالشى واضح عليه وهو عم يطلع بديكور المطعم ومستغرب بصغره وجماليته وانا عم اكل بيتزا طلعت فيه وقلتلو بتعرف هلا لوين بدنا نروح بس نطلع من هون ؟قلي لووووين !!قلتلو بدنا نروح ناكل بوظه قلي شوووو !!بوظه!!! بهالبرد مجنونه انتي ( ايه مجنونه فيك لو ما مجنونه كنت ببقى معك لهلا) قلتلو اممم مجنونه مافي احلى من الجنان....صرت حس بعيونه الدهشه والفضول انو هاي شو ممكن لقدام يطلع معها افكار مجنونه وغريبه كنت ما بس مستعده اكل بوظه بها البرد ومستعده اعمل تحدي سطل الثلج كمان بس ليحبني قد مابحبه .
كل جمعه مشوار شكل وافكار اغرب من يلي قبلها مره على مدينة الملاهي ومره عالبحر ومره عالحديقه .....حتى مره قلي تعي نروح ناكل بوظه هههههههه ماكنت افوت اي مناسبه او زياره بتجمعني معه على اني مرته كنت رتب حالي كثير واطلع بمظهر ناعم وراقي جنبه وعملت علاقات اجتماعيه كثير مع اهليته حتى كانو يمدحوني قدامه وكنت افرح كثير.
كان كل يوم يسالني شو بدك جبلك اعراض معي للبيت انا وجاي كنت قلو جبلي هيك وهيك الا فتره البريود كنت اكتبلو اياهن على ورقه حطلو الفوط النسائيه اول غرض براس الورقه مع انه انا قادره اشتريها بس كان بدي هو يلي يشترين ليعرف خصوصياتي اكثر بتذكر اول مره مسك الورقه فيها كيف صار وجهه احمر وكيف لما بفوت على الغرفه وانا عم غير ثيابي يخجل فورا وانا امسك اي شئ وغطي حالي فيه يعني ماأنت مابدك تشوف وانا ماراح فرجيك شئ....
مرت سنه على زواجي وابن بنت سميره بلش يكاغي وامي ابدا ماكانت تفوت فرصه لتحكي عن بنت سميره وابنها بس انا مكان يهمني لا سمير ولا سميره عندي هدف براسي بدي اوصله بالنسبه الي قطعت شووووط كبير ومبسوطه كثيير بالشى الي حققته هلا كان كل لبسي بجامات عاديه مافيها اي شئ من الاغراء بعد سنه بلشت بالشورتات القصيره والتنانير وقت اول مره لبست تنورة فيها كنت خجلانه كيف بدي اطلع فيها قدامه وخاصه الي سنه مالبست هيك يعني مارح يأثر فيه شئ واصلا يمكن ماينتبه ....بس لاااا انتبه وكثييييير كمان كنا عم نتفرج عالتلفزيون وقت قلي جيبيلي كاست مي الله يخليكي قلتلو تكرم قمت لجبلو قبل مااطلع من الغرفه برمت ظهري وانا عم اساله بدك اياها من البراد والا من الحنفيه قمت لقيته عم يطلع على رجلي ههههههه بس شافني انتبهت قلي شو قلتي مافهمت قلتلو ولا شئ سلامتك وفتت على المطبخ اضحك حسيت قلبي رح يوقف من الفرحه ...يتبع
انتظروا الجزء الرابع والاخير☺
