#لا_اني_فصيله_و_لا_اني_هديه.tt
》》》البارت2《《《
عرفت اجتني الدورة والمعروف بنات الجنوب بسرعة تجيهن لعمر صغير
كامت تبرز مفاتني وطولت وضل يطلع حب الشباب بوجهي كامت ابتهال
تجيبلي صابونات وكريمات علمود يروح الحب وصدك راح صار تشدد علية
كل خطوة محسوبة بس للمدرسة وأرجع وإذا اطلع بأيد اخوية لو بأيد ابتهال
صار ملل بحياتي كلت لابتهال كالت راح اجيبلج تاب صدك فرحت جابولي
كنكت بس بدون أي موقع تواصل بس يوتيوب وألعاب صرت المتوسطة
صرت جسم مرءاة كامل بالروحة اخوية يوديني وبالجية ابتهال كلت لابتهال
ما اريد التاب اريد فون ما عارضت كالت التاب عوفي الج والفون انجيبة
الج هدية نجاحج رحت حضنتها امووت عليها جابولي فون نزلت كوكل بلاس
كمت اقرة علي قصص على كوكل بلاس قصص عادية كلت لابتهال كامت تقرة وياي فترة جان اشوف قصة على فصلية ما عرفت شنو معناها بس أخذني
الفضول عرفت معنى الفصلية انقهرت عليها البينة بالبداية بس بعدين
انتهت القصة بسعادة ضليت اكمز عبالك اني هيج صاير وياية إجت ابتهال
ابتهال:شبيج شموس تخبلتي
شمس:ماما امووت عليج ابتهال اعشقج امووواح
ابتهال:شمس شبيج
شمس:لج اقري هاي القصة يمة تموت لو اني ياخذوني فصلية اوووف
ضربتني ابتهال بخفة على رأسي
ابتهال:ثول حتى ثول شوف البنات شتتمنى وهاي تريد تروح فصلية
علمود تصير خدامة
شمس:والله راضية بس كون أخذ واحد حلو يشبه معتز الي باب الحارة
و يحبني بعد شريد من ربي
ابتهال:اخبال اي والله اخبال
شمس:عود اقريها تتخخخبل
والله عدت القصة يمكن 10 مراات عشقتها عشششق
فد يوم كلت لابتهال اريد سيمكارت صديقاتي ينطني ارقامهن
ماكالت شي جابتلي نزلت فايبر و واتس اب وتلي
كمت احجي وية صديقتي ييممة فديتها اكلها اريد اروح فصلية تكلي اخذيني
وياج
مرة ابوية دز علينا رحنا شفت سلوى غير عن عادتها ترحب بينا كل مرة
من نجي كالبة الوجه
سلمت على ابوية كتلة تعبانة اصعد انام كلي صعدي صعدت طبيت سبحت
طلعت ردت انزل اسمع اخوية محمد يعيط يكلة اني ربيتها تجي بدم بارد
تريد تنطيها هدية
اني نزلت
شمس:شكو شبيكم
محمد:لمي ملابسج يلة نروح
شمس:تونة اجينا حتى ابوية ما شفتة زين
