في يوم من الايام كان الشاطر دونجهي قاعد عالبحر زي عوايده ,
انهاردة اول مرة ييجي لوحده من غير ميسحب حد معاه ,
شاف كابوريا معدية من جمبه خاف وقام بعد , وفضل ماشي على طول الشاطيء وهو بيبص على حتة خالية من الكائنات الرملية يقعد فيها
لحد ملقا حتة فلة راح قاعد فيها ,
واذ فأجئتن وعالساعة 12 الا خمسة كده يلاقي بنت معدية من جمبه وبتدخل جوة البحر وتتعمق وهو قاعد مبرأ
البنت نازلة بهدومها وعمالة تدخل جوة وفجأة غطست
دونجهي لسة مصعوق من اللي شافه واستناها تقب لكن مفيش حاجة ,
قام وهو مفزوع وقعد يبص حواليه يمكن يلاقي حد ويقوله عاللي شافه يطلبو الاسعاف ولا الضفاضع البشرية تغطس تجيب الجثة
وبعدين قال انا مالي -_-
وعدا يومين وجيه تالت يوم (في بيت السوجو)
انهيوك : يلا نروووح البحررررر – يلا نرووووح البحررررر
دونجهي زقه بعيد : هو انا واخد ابن اختي متتلم بقا
انهيوك : ايه يا فشتي متزرزر ليه عالصبح
دونجهي : عشان صحتني من احلى نومة بحر ايه اللي عايز تروحه فجأة
انهيوك وش حزين : اصل امبارح سمعت الدكتور اوز بيقول ان مية البحر مفيدة للبشرة وانت عارف اني بهتم ببشرتي
دونجهي : دكتور مين ياخويا؟
انهيوك : اووووز (خد صفعة على وشه)
دونجهي : برة يا كلب هغير هدومي ونغور -_-
وبعد شوية خرج دونجهي وانهيوك راحو البحر ونزلو يعومو
دونجهي كان بيعوم وهو مش مستمتع عشان افتكر البنت اللي غطست ومطلعتش وكان عمال يبص في المية زي اللي بيدور على حاجة وفجأة شاف حاجة خلته يصرررخ
دونجهي : الله سممممممكة – هيوكي هات كيس من عندك بسرعة
هيوكي كان خرج عالشط يشرب وبعدين اما سمع دونجهي راح مفضي الكيسة اللي كان فيها شيبسي وبسكوت وجري يديها لدونجهي
دونجهي : بالراحة يا بغل هتخاف وتهرب احدف الكيس من عندك
انهيوك وهو منشكح : بلطي ولا بوري؟
دونجهي -_- مردش عليه وكان ماسك الكيس بحذر وفجأة اصطاد بيه السمكة وقفل الكيس اللي اتملا مية وجواه بتعوم السمكة
انهيوك عجبته السمكة اوي كان شكلها خيالي لدرجة انهم استكفو بيومهم كده واشترو حوض صغير ورجعو البيت عشان يحطو السمكة في الحوض ده
كل السوجو اندهشو بجمال السمكة وقعدو يصورو فيها
وبالليل
أنت تقرأ
في بيتنا سمكة
Fanfictionهل من الممكن أن حياة شخص تتغير جذرياً بسبب سمكة !؟ هل ما رآه حقيقة ام خيال كل ذلك حلم بالتأكيد لا يمكن أن يكون حقيقة لكن لو كان حقيقة سوف يكون اجمل من الخيال
