احلام
غدير وسام
....بعد احلام بدت مرحله ثانيه من حياتنا مسمحولنه نحزن عليها وكعدونا من المدارس وصرنا مجرد خدامات لسميه ...كعدن عيني المسعدات .. البيت وصخ
يله كلمن تلزم شغله وتبرد باضافرها جان المكياج ابد مينزل وابد مشفتها بغير قمصان النوم . شكو تباعين من فكس لهل العيون وضربتني بلدولكه ممليه مي وشكت راسي ويجري الدم وفقدت الوعي صحيت لكيت.. روان وريهام يمي وشافوني ورادو يضربوها واجه ابويه وضربنا تلاثتنا بلكيبل وحبسنا بدون اكل اي عيني خوات حلومه شترجه منجن كلجن عواهر على امجن باجر مثلها تنهبن (غدير وسام ) ..... حتى احمد تغير علينا صح ينطينا مصرف ويشتريلنا ويحبنا بس متغير ومن راد يلتحق حاجانا كال اني شفت امي تسلم عليجن وهاي مصرف وحجه نفس حجي احلام من راحت حسيت احمد مثل احلام رايح وميرجع وفعلا جابو شهيد وخسرنا سندنا الثاني وصفينا بلهوا معلكات وشفنا امي بلعزا كانو كبرانه ومو هي تبجي وتنوح على احلام واحمد وعلينا وهاي جانت اخر مرة شفت امي بعدها رجعنا بدون اي شخص يحن علينا ضلينا على هلوضع وبيوم حسنا البيت جبهة حرب من الطلق وعرفنا من كلامهم انو عشيرة زوج سميه وعشيرة اهله لكو ابويه سميه ودخلو عليهم وقتلوهم الاثنين غسل عار وشفنا ابويه وسميه غركانين بدمهم واخذونا عمامي يمهم وضلينا ايام منعرف شنو مصيرنا مبجيت ولا نزلت دمعه على ابويه ولاحسيت بحزن علي بعدها قررو يزوجونا لان خوالي رفضو يستلمونا وانطو كل وحدة منا لولد عمامي اني نطوني لاابن عمي اسمه قصي اكبر مني ب15 سنه مزوج وماعندة اطفال تفرقنا اني واخواتي وزوجوني بدون حفله ولاعرس بس عقد وهو مجان رايدني ومعتبرني عار(غدير وسام) بسبب احلام وابويه بيتهم جان جبير وحلو وهم عائله حلوة متكونه من عمي وعمتي وقصي الجبير واصغر منه علي واحمد جان يشبه حمودي اخويه واسمه مثله كلبي رف عليه اول مشفته بنات 4 تلاثه مزوجات وحدة بكدي اسمها فرح وزوجت قصي اسمها فاطمه وزوجت علي بتول واحمد خاطب بت خالته طبعا عالم غريب عليه لان ابد مجنت اعرفهم ولامختلطه بيهم اباوع لعمي شلون يحجي وياهم ويشاقه وياهم ويحضن فرح ويدللها مستغربه لعد ليش ابويه جان قاسي معقوله ذول اخوان نطوني غرفه خاصه بيه جانت كلشي بيها جديد فرح .. حبيبتي هاي غرفتج واني اختج شتحتاجين كولي بس فاطمه خاف سمعج كلام سكتي لان تعبانه كتلها ميخالف حبيبتي حقها اجه قصي هي طلعت
كال اسمعي لج اني ازوجتج كوة لوما ابويه غصبني فلا الفي هيج شكول على ذمتي زوجتي تاج راسج تضربج بلحذاء متحجين ..كتله يله جبت عمري كله مذله ضلت عليكم ... كال لاتسوين عليه افلام وتعيشين الدور ترى ريحتج انتي وخواتج فايحه بغداد كتله عوف احلام بكبرها وخواتي محد يكدر يجيب سيرتهن احنا اشرف من الي يحجي علينا تقرب وجرني كال هاي العاهر اسمها مينلفظ هنا افتهمتي ودفعني وطلع .. الله شكد بعد ضيم راح يمر عليه
_غدير#وسام
بدت مرحله جديدة بحياتي وايضا واجهتها بصمتي ومراقبتي بس ويا قصي ماعرف ليش من جان يحجي ماسكت فرح حبابه وتساعدني وفاطمه مجنبتها ومجنبتني مرت عمو احيانا زينه وعلىابسط شي تعيرني باحلام عمي عوضني عن حنان ابويه جنت من اشوفه افرح وهو هم يحبني وحمودي اروحله فدوة احس رب العالمين عوضني بي حتى نبرة صوته تشبه صوت احمد الله يرحمه بقت غصه خواتي سئلت عمو عليهن (غدير وسام )
عمو شخبار روان وريهام .. زينات عمو والولد زينين وياهم اني فد كم اسبوع واخلي قصي يوديج تشوفيهم طبعا هنا ازوجن اخوان بنفس البيت وفرحت وبقيت منتظرة تعلمت طوال السنين الفاتت اكعد من الفجر اصلي واقراء قران وادعي لاحلام ولحمودي بيت عمي مجان احد يكعد بس قصي يطلع للدوام مالته جان مدرس اعداديه ومدرسته بعيدة فيكعد من وكت كمت اجهزله الريوك واحضرله شيحتاج ... قصي .. هاي شكعدج .. خلود اني متعلمه اكد من وكت .. قصي ها ... هاي شنو مسويه ريوك .... اي اخليلك ..قصي يله اغسل واجي ... شسوين تكعدين من وقت نامي اذا علمودي اني متعلم اروح بلمدرسه اتريك .. خلود ... لااني اكعد .. اصلي وبعد مانام واصلا ابويه مجان يقبل نبقى نايمين ويكعدنا من وقت وتعلمت يله اني رايح ارجعي نامي ... محتاجه شي ... ها اي لا سلامتك ... قصي هاي شبيج كمتي تمتين .. خلود ... اول مرة واحد بعد حمودي الله يرحمه يسئلني قصي .. بعد شتحتاجين تكليلي يله اترخص (غدير وسام )
الله وياك . .... ظليت اليوم كله اصفن حجيه حلو من هادي وهو حلو اول مرة انتبهله طويل وضخم وابيض مشى ايامي اهتم بي مرته ممهتمتله اني دارينه اكعد ويا الصبح واريكه وملابسه اغسلهم واكويهم وملابس عمي كذلك وتنظيف بلبيت مجنت اكعد دقيقه ملابسي كامت تعتك وتتعب لان من وفاة حمودي محد سئل بينا هو جان من راتبه يشتريلنه وجنت استحي اطلب وبيوم فاطمه زوجت قصي استهزائت بلبسي ... كدامهم وبجيت ... اكلح انتي ماعندج غير هلخركونتين تلبسيهم انتبه عليه.. عمي والله يابنتي اعذرينا جنت دايخ ولا سئلتج شمحتاجه هاي فلوس وروحي انتي وفروحه اشترو الي تحتاجي بليل كلت لقصي ..اريد اطلع ... قصي خير وين ... خلود .. اني وفرح عمو نطاني فلوس اشتري ملابس ... قصي .. روحي رجعيهم لاابويه اني انطيج ... شلون تاخذين من اني شنو لعد ... اسفه هسا ارجعهم ... رحت لعمو عمو قصي نطاني فلوس هاي ممحتاجتهم الله يطول عمرك عمي ... لابابا خليهم عندج .. خلود عمو قصي يزعل واني اذاحتاجيت اجيك الله شاهد انت احن من ابويه عليه خليتهم وطلعت ثاني يوم فرح ... يله خلودة منروح ... خلود ..لا قصي ميقبل خلي هو ياخذنا وقصي نسى يمكن وبقيت اني
أنت تقرأ
احلام
Chick-Litقصة فتاة تعاني بسب التفكك الاسري وتعيش الصدمات على مراحل حياتها وهي تجاول اثبات وجودها ودفع الظلم عنها
