اعشقه كرهآ

البارت الثامن

البارت الثامن
(زينب عبد المطلب)

كام امير ومسك  غزل بكل قوته وحاول يتقرب منها وهي حاولت تبين  انو هي قويه ومتحركت من مكانها وبدا امير يتونس بتحديها اله وبهالاثناء دكت باب الغرفه
امير/اكيد هذا فراس واذا جاي ع موضوع مو مهم اقتله
تنفست  غزل وفرحت انو خلصت من امير وحاولت متبين وجها واندارت لان مرادت تبين ضعفها مقابيل احد وسحبت ايدها المجروحه من امير
فراس /امير تعال بسرعه
امير/روح واني اجي وراك
كانت ملامح فراس جديه وخلت امير يغير قميصه ويطلع بسرعه لان عرف اكو شي كلش مهم ومن وصل للباب
امير/ادعي لفراس لان هو الي خلصج مني
وضلت غزل صافنه وتريد ولو دمعه وحده تنزل من عدها ماكو وكرهت نفسها بعد اكثر
امير/احجي فراس شنو صاير
فراس/الشيوخ الي ميريدوك تصير مسؤول ع كل العشاير اجتمعو حتى يجون عليك اهنا
امير/انت متاكد
فراس/وهيجي موضوع شلون اكولك عليه واني ممتاكد
امير/تمام لعد اني بعد باجر حتوجه الهم قبل ميجتمع الكل ويجوني واذا جوي راح اخصر كلشي لان اكو هوايه عوائل يكرهوني وميريدوني اكون شيخهم فاحسن اروح واريد منك تبقى بمكاني وترسل كرم نائب عني بابعد محميه تابعه النا فهمتني
فراس/بس اني اريد اجي وياك
امير /مو وكتها هسه ابقى اهنا
فراس/مو اني لازم اجي وياك لان المسؤول عن كل الي صار غزوان اخو غزل وانت تدري اتمنى اموته بيدي
امير/ولا يهمك اقتله نيابتا عنك بس اريدك تبقى اهنا وتبلغ اي احد يتمرد تقتله واقتلك كم واحد حتى يصدكون
فراس/ولك قبل متجي كنت ارجف ومن اجيت انت سهلت كل الامور صدك انت داهيه حرب

نرجع لغزل الي كانت تتوجع من جرح ايدها ومعالجته وبس كانت تباوع عليه واذكرت من كانت صغيره مره ابو امير عاقبه وضربه ودخله بمخزن وهي كانت تريد تشوفه ومحد يخليها لحد ما احد من الخدم انقهر عليها وكللها انو وره القصر مالتهم اكو مثل المخزن وبيه شباك صغير هناك امير محبوس وبالرغم من المطر الموجود راحت اله وكانت الاشواك متروسه ومكانت مهتمه لحد ما انجرحت ومحست لان كل همها امير ومن شافته انصدمت لان كان مضروب بقسوه وهو شافها تبجي متحمل هالشي وطلب منها تسكت وهي مسكتت
غزل/ليش هيجي مسوين بيك
امير/لتخافين مدا اتوجع  بس عطشان
غزل /انتضر هسه اجيبلك
وملكت غزل اي مكان بيه مي فكامت تاخذ بيدها من المطر وتنطيه لحد ماشبع
ومن كمل امير شاف ايدها وانصدم
امير/منو مسوي بيج هيجي هذا اكيد كرم بس خلي اطلع الا اموته
غزل /لا مو كرم بس ايدي اتاذت من وره الاشواك
(زينب عبد المطلب)
شگ شويه من قميصه ولف ايدها وطلب منها تروح وهي كالعاده مقبلت ترجع وهو ابتسم وكال عنيددده
بهالاثناء دخل امير وهي كانت دتذكر ايام قبل ومن شافته عرفت انو هالايام راحت وبعد مترجع
دخل امير ومن شافها ممعالجه روحها اتوقع هالشي وراح للحمام وسبح وطلع واجاه يمها وسحب اديها حتى يعقمها وهو يدفع وهي يدفع لحد ما صرخ بوجها وهي استسلمت وبدا يعقم لحد ما كمل وشگ قطعه من فستانها ولف ايدها
امير/عقمتها حتى متوجعج ياعنيده
غزل/اكرهك
امير علساس اني الي احبج
من كثر الوجع الي حسته غزل بديها عضت شفايفها لحد ما طلع الدم ورادت تمسحه بيدها مسك امير ايدها وباسها بكل لطف ومسح الدم وهي ضلت تباوع عليه ومصدرمه
غزل/وعدتني انك مراح تتقرب الي
امير/شوفي اني اذا اريد اتقرب الج اخلي حتى ابوج بكبره يسمعج يله نامي
وخرت غزل عنه ونامت
كعد امير من الصبح وبدل ملابسه لان باجر سفره ومراد يكعد غزل
غزل كانت نايمه وحست احد ماسك ايدها وباسها من كصتها
فزت وكل اعتقادها انو امير الي يمها بس مكان امير يا ترى منو الي كان يمها
زينب عبد المطلب
وللحكايه بقيه