سيف عفتها وطلعت لبرة لان كال الدكتور يريد يفحصها ماكو كان اي ردة فعل
ومرت ال24 ساعة واني منتهي حتى اكل مااكلت كولها حاولت وياي وماكو فايدة
كولنا اجينا يمها للغرفة نريد نشوفها بلكت تكعد وفجأة
ليان: اخ اخ ياماما راسي 🤕
ام ليان: اخيرا صحيتي يابعد كلبي (بلهفة) 😢😢😢
الكل : الحمدلله عالسلامة
ليان: الله يسلمكم بس ليش اهل تمارة هنا ماما؟ 🤔
سيف: لولو حبيبتي اخيرا صحيتي الحمد لله على سلامتج ماتعرفين شكد جنت ميت على مااشوفج 😢😢
ليان: الله يسلمك بس منو انت
سيف: لياان اني سيف شنو نسيتيني يجوز من البنج دايخة مو؟
ليان: اعذرني بس انت اول مرة اشوفك بحياتي
علي(اخو سيف): خوية ليان شنو نسيتي هذا سيف زوجج
ليان: هااااا شدتكول انت الثاني انتم كلكم مااعرفكم
ام سيف: يمة ليش سيف يصير زوجج حاولي تتذكرين
سيف: 😢😢😢😢
ليان: شدتحجين خالة ام تمارة انتي حتى مااعرفه شلون صار زوجي
تمارة: اهدي ليان هذا سيف اخويه وانتي مرته تذكري يلا
ليان: مرته؟ مستحييل اني مامتزوجه 😲😲
سيف عفتهم وطلعت وكمت مختنك وكعدت برة الغرفة على الكراسي وميت قهر يعني شمعنى اني ليش ماتتذكرني
ليان تخربطت حالتي وصرت كلش وكمت اصيح كولها تكول سيف زوجج واني كولشي مااتذكر ومااعرفه
تمارة: راح اصيح الدكتور
ليان: مااااا ماااا اني مامتزوجة ومااعرفه دتكذبون عليه واني شسوي هنا ومنو هذا الشخص
الدكتور:اهدي بابا اهدي ممكن كولكم تطلعون،،ممرضة انطيها ابرة مهدئ
الممرضة: حاضر دكتور
ليان: يااا ابرة اني كولشي مابيها دتتوهمون اتروكوني وبعدها محسيت على شي ونمت
الدكتور اريد احجي وياكم لو سمحتم وين زوج المريضة؟
سيف صاحتني تمارة كالت الدكتور يريدني
اجيت
سيف: نعم دكتور شنو ليش ماتذكرتني ليان 😢😢
الدكتور: مثل ماتوقعت صار عدها فقدان ذاكرة جزيء
تمارة: يعني شنو بس هية متذكرتني ومتذكرها بعضنا
الدكتور: يعني الانسان من تصير بيه اصابة بالدماغ راح يضطر دماغه ينسيي نفسه بعض اللحظات او ينسى مرحلة من حياته وهذا يصير مع بعض المرضى ونهايتهم يأما يتذكرون او يبقون للابد مايتذكرون
ام سيف: يعني راح تتذكر؟
الدكتور: الله اعلم انشوف بس هية راح تظل تحت المراقبة هنا
سيف: بس شلون اخليها تتذكرني؟ 😟
الدكتور: يستحسن ماتظغطون عليها لان اذا ظغطتم عليها راح تفقد بعد ذكريات وراح يتأذى دماغها وتتعب كولش فلا تظغطون عليها
سيف طلعت ومتت قهر كمت اسوق مثل المخبل واحجي وية نفسي
ليش ليان ليش لهل الدرجة اني ماالي قيمة بحياتج حتى بهل السهولة نستيني 😥😥
ليان كعدت ولكيت ماما وتمارة فوك راسي
ليان: ماما اني ليش بالمستشفى شنو صار وياي؟
ام ليان: حبيبتي انتي تعرضتي لأصابة براسج لهذا جبناج عالمستشفى
تمارة: شون صرتي هسة احسن؟
ليان: اي بس تمارة اريد احجي وياج شوية
ام ليان: يلا راح اعوفكم تحجون تمارة ديري بالج عليها خالة
تمارة: اكيد من عيوني
وعافتنا ماما
ليان: توتو من هذا الي كال اني زوجج وصدوك هو زوجي وشوكت اني تزوجت؟
تمارة: ردت اكوللها بس تذكرت كلام الدكتور وكلت بلا مااكول احسن
تمارة: لاتعبين نفسج بعدين تفهمين كولشي
ليان: بس جاوبيني اني متزوجة او لا؟
تمارة: ايي متزوجة من اخويه
ليان: يااااا عززززة ليش
تمارة : اهديء ماشي كيان ابن خالج كتل اخويه وانتي صرتي فصليه لاخويه سيف
ليان: شنووووووو فصليه؟ 😢😢😢
تمارة: اهديء بس اخويه يحبج كولش وانتي هم
ليان: لعد ليش مااتذكره
تمارة: ماادري بس بعدين احجيلج كولشي من تطلعين من المستشفى
ليان: ماشي ممكن تصيحيلي اخوج الي زوجي المفروض
تمارة: ماشي
ورحت صحت سيف واجة للغرفة
سيف بعد ماطلعت وطلعت قهري رجعت للمستشفى واجتني تمار كالت ليان تريدك اني رحت ركض وفرحت كلت اكيد تذكرتني ومن دخلت تفاجأت بكلامها
