صدفه عمر🖤✨

Part6

قفل الجوال ونزل من السياره
طلعت امه من البيت
ومشت بتقطع الشارع
راشد بينه وبين نفسه:الله يخليك لي يا تاج راسي
جت سياره مسرعه باتجاه امه وامه ما انتبهت لها
راشد شاف السياره ركض لاتجاه امه بس السياره كانت اسرع منه وصدمتها
طاحت امه عالشارع والدم يتصبب منها
راشد بصدمه:يما
قرب لها وهو يرجف
نزل لعندها ورفع راسها له
راشد وعيونه مدمعه:يما يما اصحي يما تكفين قومي
طلع جواله واتصل على اول شخص جا بباله
رد عليه
عبدالعزيز:هلا بعم بنيتي
راشد بصوت يرجف:عبدالعزيز امي عبدالعزيز امي
عبدالعزيز:ايش فيها خالتي مها؟
راشد:السياره السياره راحت امي طاحت والدم ماليها
عبدالعزيز انصدم:راشد ايش قاعد تخربط اصحى واعرف ايش تقول
هديل:ايش صاير؟
راشد:عبدالعزيز تكفى الحقني عبدالعزيز امي تروح
عبدالعزيز:راشد راشد اصحى واسمعني زين انت وينك فيه
راشد:عند بيت خالتي
عبدالعزيز:اتصل عالاسعاف الحين بيجونك وتروحون للمستشفى انا بكون عندك راشد ماعندنا وقت نخسره استعجل
راشد:طـ ط طيب
قفل عبدالعزيز الجوال
ملاك:ايش صاير؟
عبدالعزيز:ما اعرف شي راشد يقول خالتي مها وسياره ودم اكيد صاير لهم حادث
هديل شهقت:تكذب
عبدالعزيز بحده:تشوفينه موضوع ينكذب فيه،الحين بانزلكم للبيت لا تبينون اي شي لا لابوي ولا لامي انا بروح اشوف راشد واطمنكم
-
بعد ١٠ دقايق
-
راشد جالس عالكراسي وتيشيرته مليان دم
عبدالعزيز شافه وراح له بسرعه
عبدالعزيز جلس جنبه:كيفها
راشد ساكت وما يتكلم
عبدالعزيز طبطب على ظهره:ماعليك بيصير كل شي كويس وبتطلع انت وياها وتمشي برجولها بعد ان شاءالله
راشد رفع راسه لعبدالعزيز وعيونه حمرا:عبدالعزيز كنت اكلمها وماترد كنت اذا ناديتها ترد ليش كاردت الحين
عبدالعزيز:تعوذ من ابليس يا اخوي ان شاءالله كل شي بيكون كويس
راشد:ان شاءالله
طلع الدكتور
راشد راح له بسرعه ووراه عبدالعزيز
راشد:طمني يادكتور امي بخير؟