صدفه عمر🖤✨

Part19

هديل:والله ماكنت متوقعتها من راشد يعني متوقعه تصير حرب بالبيت بينه هو وابوي بس اتفاجئ انه قال لابوي ان في بباله بنت بيخطبها
دلال راحت لدولابها:الحين خلك من راشد تبين الدب الوردي ولا الرمادي
هديل:الوردي
رمته عليها وفصخت كعبها وراحت للدوره المياه الله يكرمكم
-
راشد:اي اتفقنا الزواج بعد ثلاث شهور ونص
ابوه:الحمدلله الله يتمم لكم على خير
راشد:امين
صعد ودخل غرفته اخذ شور عالسريع وطلع
فصخ تيشيرته و تمدد عالسرير بتعب ابتسم وهو يتذكر ملامح وجهها وحركاتها عفويتها ابتسم بحب اول مره تشغل تفكيره كذا ماينكر انه كان يحبها من قبل بس حبه لها زاد
-
هديل تصوريناب:مين الحلوه الي تملكت اليوم
دلال مو معها قاعده تمسح ميكبها وتفكر
هديل رفعت صوتها:مين الكلبه الي تملكت اليوم
دلال طالعتها بطرف عين:اسكتي وشغلي الفيلم والاكل والخرابيط بالرج الي تحت السرير
هديل:اوامر ثاني زوجه اخوي
دلال:اسكتي
هديل ضحكت:سمي طال عمرك
-
في الصباح الساعه٧:٣٠
-
صحت دلال بتعب
قامت وتوضت وفرشت اسنانها وصلت
راحت لدولابها وهي تطلع لها ملابس طلعت تيشيرت وجينز ودخلت تاخذ لها شور
عبدالله دخل بدون مايدق الباب:دلول
عبدالله انصدم من هديل الي نايمه بسرير دلال
عبدالله قرب منها
عبدالله يناديها:لو سمحتي
هديل بتعب:دلال تكفين بنام دقيقتين بس
تأمل ملامح وجهها
عبدالله:سبحان من خلق وابدع
طلع رايح لشغله
-
راشد كان يزين ملفاته ومحمد يرسم
راشد:مفروض اخذ اجازه
محمد:انت غبي لو اني منك اروح واعزمها على غدا ولا ألذ
راشد رفع راسه:غدا الساعه ٩الصباح
محمد:يعني مو الحين طبعاً
راشد:لاااا
محمد:ايش فيك؟
راشد:هديل نايمه عند دلال
محمد:خلاص انا رح اجيبها
راشد:كويس مشكور
محمد:تراها اختي زي ماهي اختك ليش تشكرني
راشد رمى عليه القلم:تعلم الاحترام ياغبي
دخل عبدالله
عبدالله انصدم:انت شتسوي هنا
راشد:لا رسمياً انطردت
عبدالله:اقول بس من متى وانت تدارم اساساً
محمد:وكلتك مهمه طرده واذا مره مره عاند ارمه بالزباله
عبدالله:ولا يهمك عبدالله موجود لهالاوقات
راشد رفع يدينه:خلاص بطلع بنفسي لا اسوون فيني شي
عبدالله:محمد وش رايك نقتله
راشد:فكره كويسه والله وتصير اختك ارمله
عبدالله:اقول بس اطلع بسرعه
محمد:اجل وصل هديل معك
راشد:طيب
عبدالله عرف ان هديل هي الي شافها
-
هديل تشوف الملابس عليها
هديل:كويس والله نفس المقاس انا وانتي
دلال:اقول بس انا جعت
هديل:حتى انا والله
دلال:خلاص تعالي ننزل
هديل:لا مستحيل يقعد يطلع لي ابوك ولا عبدالله
دلال:اجل انا بابلع تحت وانتي خليك فوق
هديل:يا بزر لا تصيرين تافهه
دلال ضحكت:طيب باجيب لك معي
هديل ضحكت:كويس
دلال اخذت جوالها ونزلت
قابلت امها
دلال باست راسها:صباح الخير
امها:صباح النور وينها هديل؟
دلال:فوق مانزلت
امها:اجل انا بطلع لغرفتي اريح
دلال:ان شاءالله
راحت للمطبخ وفتحت الثلاجه تدور شي تاكله