#عشك معدان

البارت الأول

اكول امشي منا......
ليش ياحلووو
لك انتة صدوك مو مؤدب وممحترم
امشي منا بدل مااخلي جنازتك تطلع
ترى مااسمحلج احترمي ولسانج لااكصة
ههه شوف منو يحجي عن الإحترام
لعد منو صارلة ساعتين لاحكني ويمشي ورأي
مااستحيت على نفسك .......
اعتذر البادية القاحمة 😁معرفتكم  عن نفسي بسبب هذا المليق 😩👆 هذا شخص صارلة أسبوع لاحكني ويمشي ورأي ويكلي احبج اوووف 😪😪
أني ميقات اي ميقات 😁 أعرف إسمي غريب بس أبوي الله يرحمة موصي يسميني بهل الاسم ومحد عرف ليش
عمري 15 سنة صف ثالث متوسط أني الوحيدة بالعائلة وصلت هيج مرحلة لأن عدنة عيب البنية اتكمل دراسة وخصوصا" تدخل متوسطة يصير عليها سمعة موزينة
بس أني لأن ابن عمي يحبني وشرطت علية أكمل بس صف ثالث ويزوجني طبعا"  احنة معدان  (اعتذر وماجاي انتقد اي قومية أني بس القصة حقيقية وعن لسان صاحبتها واله موبس المعدان وانما نسبة 80 %من العراق عدهم هاي العادات والتقاليد موجني طولت  ههههههه  ) نرجع نكمل.....
هسة عرفتوا ليش إسمي غريب أني بصراوية من قضاء القرنة أني معيدية وبعد تعرفون جمالهن 😁 مومغرورة بس يضربون المثل  بجمالنة وعشكنة عشك مسودنين ومستعدين انموت موصفاتي طولي 167 ووزني 69 اعرف مربربة بس حلووو لايكلي 🙈 شعري طويل ولونة خشبي وعيوني كبار وسود 👀ورموش اطول حلك اصغير ومنفوخ😗 خشمي 👃شوية بي كبر بس لايك وية وجهي مدور وأحمر اي حمرة جني بطيخة😂😂😂
(أني راح احجي بلهجتي لأن اللهجة الجنوبية متاقنتة 😀 عندي بعض الكلمات بس بعد🙈 رغم أني بصراوية واصلي من ميسان😋) نكمل...
أني مومغرورة بس الناس كلها تكول هيج وخواطيبي يومية وأحد يخطبني بس امي اتكولهم محجوزة لابن عمها ......(على كولت جدتي كثرو خواطيبج وبرتي ههههههههه )
طبعا" أني أبوي شهيد بحرب أيران وخلف وراى 3 بنات أني اصغرهم إخواتي الجبيرة سعاد عمرها 20 سنة بس ممزوجة
ابن عمي ايريدها
 أخو خطيبي عشتوا الجبير 🙄😏 واختى سهى عمرها 17 سنة محد حاجزها من ولد عمي  من وراى اللسانها😂😂 طبعا"  اني احسدها لأن هتفتك منهم وتطلع من قوقعة ولد عمي 😩 أني فقيرة وفطيرة وعلى نياتي ودائما" حكي ماكول مومثل خواتي نبهه😔و هسة تعرفون ليش أكره ولد عمي رغم ماهم أولياء عيشتنة لأن احنة لاوالي ولاجبيل على كولت أمي مرة على كد حالها فقيرة واني شخصيتي مثلها من اتوفى أبوي جان عمر امي 26 سنةخيروها عمامي يااما تبقى ادارينة وتكعد وتسكت لازواج ولاهم يحزنون يااما تزوج وتتخلى عن وصايتنة وأمي رفضت الزواج علمود اتربينة هسة تكولون ليش ماعمامج ازوجوها مدامها حلوة وازغيرة احنة معدنة بس عمام أثنين عمي ابو طاهر الجبير وجان مزوج بوقتها وزوجتة تكرهه امي من جانن جناين فلعبت لعب كلة علمود امي متتزوج عمووو صكبان(ابو طاهر) وعمي الزغير ابو محمد (مزعل) وجان عمرة تقريبا" 15 سنة بذاك الوكت فجدتي رفضت اتزوجه اتكول اظلم ابني بيا بخت.....نرجع للبطلة
احنة عايشين بيت من خوص وكصب  وطين وحالتنة المادية صعبة لابيت حلوو ولاملابس ملابسنة تبقى عدنة سنتين ثلاث سنوات يلا يتصدقون علينة عمامي 😏وباقية اتحصر على البسة عمامي كل أسبوع واحد منهم يسوكنة هالقاسمة الله والحمدالله على كل حال أهم شي لمتنة أني  وأمي وخواتي وعدنة سكف يحمينا ..... هسة عرفتوا ليش اكرهه عمامي وخو دراستي طلعوا روحي يلا وافقوا اكمل مع أني أحلم اصير فدشي بالمجتمع وأطلع خواتي من هالخيسة(العفو) لأن هنا البنية كولشي حرام عليها الاكلة البسة الطلعة كولشي بي حساب وكتاب وخصوصا" احنة بنات شهيد ....
أمي تشتغل عند عمامي تحلب البقرة  وتنظف الحظيرة مالت الحيوانات ....
عمة عمة
هااا يمة
عمة أمي اتكول خلي تجي تحلب الجاموسات
هييي شنو امي خدامة عدكم واتنظف وتحلب
يمة سهى عيب خلي اروح يلا يمة سعاد انه رايحة العمامج ديري بالج على البيت واخيتج ....
الله وياج يمة
اوووف لوين نبقى هيج امي خدامة واحنة عايشيين على الفضلة مالتهم 😧
سهى شبيج هاي فوكاها يلا امشي على شغلج مندون لغوة زايدة
نرجع للبطلة مالتنة
كعدت الصبح حظرت اغراضي ورحت للمدرسة بس هاليوم مااعترضلي الولد من اهد مارزلتة وفات شهر واني مشفتة وبديت اشتاق اله وتعودت علية يومية يلحكني لحدما يوصلني لبيتنة يلا يروح... أني مستواي بالمدرسة شاطرة بس  معندي صديقات انعزالية اليوم واني راجعة شفتة احس كلبي طفر من مكانة
هلووو
انتة مااتوب
ياااابوية وانتي مااتوبين من هذا اللسان
اني اللسان اصلا فقيرة
انتي فقيرة اويلاه
عفية روح منا لايجي احد ويشوفك وتسويلي مشكلة
جاي اكلج احبج ليش ماتنطيني فرصة
عفية أني مومال حب وخرابيط وبعدين ابن عمي رايدني روح منا فدوة
شوفي اليوم أمي عدكم تجي تخطبج يلا اودعناكم
عززة هذا مسودن الولد
مرحبا
هلا اجيتي
لااجة خيالي 😝
انجبي وروحي بدلي وتعاي ساعديني بتحظير الغدة
اكول سهوي أمي وسعاد وين
راحوا لبيت عمي اليوم يجي صهيب وراحن ينظفن ليكول خدامات
اوووف صهيب اجة 😦
اي اجة يلا تعالي ولا.