من أول مرة شفتج بيها أني احبج
انتة شنو اسمك
إسمي سامر
عفية سامر ابعد عن طريقي وهذا الحب احتفظ بية لنفسك لان اني اعرف نهايتة مااله امل
ليش هيج اتكولين
لأن ابن عمي يحبني
وانتي تحبية
شعليك انتة ويلا وخر اتاخرت
وبقى سامر يومية لاحكني هنوب اني اتعلمت علية يومية يوصلني لبيتنة يلا يروح
الا أن بيوم غاب مدة أسبوع مشفتة ولا اعرف أحد واسأله علية ومن اسأل عليه بصفتي شنو
مقيتة شبيج
مبية شي
لابيج شي صارلج فترة معاجبتني اصفنين
اهوووو سهى كتلج مابية شي لاتلحين
او وجع انطمري
رايحة اشرب ماي
طلعت احنة الماي مالتنة بحب (كوز أكيد تعرفوا) ومخلية بالحوش طلعت اتمشى وأسمع واحد يصيح بسمي
يمة منهو هناك
تعالي
عااااا 😨😨
اششششششش
شبيج فضحتينة
يمة سامر شجابك
الشوك جابني
عفية سامر روح منا فدوة
لايجي احد ويشوفك وتسويلي مشكلة....
روح منا
ولج مشتاقلج واجيتج
روح منا فدوة
مااروح إلا تكليلي انتي تحبيني لولا
روح لايجي أحد فدوة
كولي واروح
اي احبك
واني اموت عليج باجر انتظرج يم الصبات اؤك يلا باااي
باااي
عزززة هاي شبيني
اي بس اني احبة وهو شنو ماينحب بية جمال ومال وثقافة
مقيتة يمة😨 طفرتيني
منو هذا
شنو منو هذا😟
احجي ابسرعة😡 ترى سمعت وشفت كلشي
هااا تعالي احجيلج
....................................
وهاي كل القصة
معقولة حبيتي
اي حبيتة
مقيتة بعدي عنه احنه مو كد عمامج
عووع اتجيبين سامر ل صهيب شجاب الجاب
ولج مقيتة يقتلوج بليلة ظلمة ابعدي احسلج
ثاني يوم الصبح بدلت وكشخت وتعطرت كلة علمود سمورتي😍
صباح الخير
صباح النور
ومحسيت اله سحبني يم الصبات ودخلني بينهم
عزة سامر خلي اروح
ولج هنة يومين بالأسبوع اشوفج
عفية
اشششش أعرف هذي القوانة وحفظتها
سامر شنو نهاية الحب هذا
الزواج ان شاء لله
ولاتفكرين أني العب عليج لاوالله احبج اكثر من روحي
بس ماالنة امل واني خايفة
لاتكولين هيج
النة امل وراح ادز ابوي ونجي نخطبج منهم
وابن عمي
عوفينة منة هسة وتعالي سولفيلي عنج وعن طبعج
انتة سولف لأن انتة تعرف كولشي عني
اممممم هم صحيح
وعدت الساعات واحنة نسولف جنت عايشة بدنيا بس اني وياه محد بيها واحلى دنيا
وبعدها رجعت للبيت ومالكيت أحد من أمي واخواتي أكيد اليوم اجة صهيب وراحوا متعلمين كلما ينزل يرحولة
دخلت بدلت وصبيت اكل وجاي اكل
ومااحس الا واحد يمي ويلعب بشعري
يمة😨
صهيب
عيونة
ااااا شجابك
شنو اشجابني ميقات اشتاقيتلج ومااكدر على بعدج
هااا
شنو هااا وجعااا
تقرب مني ويحجي همس ميقات احبج ومشفت بحسنج مرة دوووم
صهيب لاتجي امي روح منا
متجي خليتهم عدهم شغل
تعالي يمي
تقرب مني اجة يبوسني
صهيب خليها للعرس أحسن
بس أني احبج وانتي مرتي أول وتالي
عفية صهيب مااكدر
على راحتج مااجبرج
اني اروح لأمي لاتقلق علية
خوش يلا نمشي انه وياج
بقلمي دينا
أنت تقرأ
#عشك معدان
Chick-Litقصة تتحدث عن شاب وفتاة أحبوا بعض لكن العادات والتقاليد العشائرية وقفت بوجههم فهل سينتصر الحب أم العادات والتقاليد تابعوني بقصتي الأولى
