#عشك معدان

البارت الخامس

الاخير
عشك معدان
بقلمي دينا
البارت الخامس والأخير
#عشك معدان
اي اني ياروح سامر
سامر أني بورطة طلعني منها وخايفة
لاتخافين حبي
اليوم ابوي يجيكم وان شاء اللة نصير لبعض
.............................................
ولك اسمير اليوم كتلك على ايدي شكم مرة كتلك لاتتدنى يمي ولايم بنت عمي الي موالحد امشي منا بدل مااخلي جنازتك تطلع منا
بوية سوي شي حل
ولك انتة ماتستحي معندك كرامة
بوية أني غلطت وية البنية واريدها
ولك اسمير شتكول صخام بوجهك
...........................
ومرت الأيام واني بطني بدت تكبر وتكبر وسهى إداري علية
ولج يمة شمالج النهار كلة نايمة وشبيها بطنج هيج
يمة اكلج شي
كولي يمة سهى
يمة ميقات حالفة باابو ناجي (ع)ومشور بيها(معلم ديني معروف بمحافظة ذي قار )
ولج مقيتة شلون تحلفين وعلى شنو تحلفين
هااا يمة على كيفج
واخذوني لأبو نااجي (ع) ونامواا بية شهر واني من سيء الى أسوء.......
وهناك وعمتي كالت خل ناخذها لطبيب ونشوف شنو عليتها البت جاي تذبل يوم بعد يوم
فرحت من كالو هيج كلت بس يعرفون بية حامل من سامر يصيحولة ويزوجوني منة ويسترون على السالفة تفكير مراهقة للأسف الشديد
واخذني عمي وصهيب وعمتي ورحنة لدكتورة اخصائية
هنا يجي دوري اسولفلكم أني سعاد.....
من اخذو ميقات للدكتورة اشوف سهى اصفرت سألتها مرضت تحجي وضلت تبجي وخايفة
دكتورة شبيها هالبنية صارلها 4 اشهر
طريحة الفراش وبطنها عالية ومطحنة على العلة مالتها
تعالي ماما شنو اسمج
ميقات
شكد عمرج
15 سنة
متزوجة
لا خالة وينها وين الزواج بعدها شابة
اهااا تعالي افحصج لعد
كومي ماما
هااا دكتورة بشري شبيها
البنية حامل
شنوووو😱😱
اي مع الأسف حامل
عززة وصخام الوجهة ولج مقيتة عزيتينة وصخمتينة
وطلعت ميقات وعرف عمي وصهيب انه ميقات حامل
امشي كدامي يلا ...
واخذها سحل وضرب صهيب الحد ما وصلو جسر القرنة نزلها جواه وهومستمر بالضرب المبرح والسب والشتم
ولج امقيتة ولج احافظ عليج من روحي ولج من اتكربلج
اتبيعين الشرف ابراسي اليوم موتج على أيدي ياطايحة الحظ يا كح........
وية منو غلطتي احجي وياج وية منووووو😠😠
صهيب....
لاتكولين إسمي على السانج ياساقطة
وية ابن حجي زامل مووو
اي ماكو غيرة وله ليش يلح بخطبتج
ولج حبيتج ولج ربيتي كدام عيني
ولج ماخليت أحد يجيب طاريج بالشين
اااااخ ولج انتي ماتستاهلين كلشي مني..
صهيب جان شايل مسدس وكف وسددة على ميقات ورومة عليها من راسها لرجليها ترس جسمها رصاص وماتت ميقات بسبب غلطة مراهقة ومندون تفكير
وبقت مندون تغسيل ولادفن ضلت جثتها تاكل بيها الجلاب(العفو)
صهيب من قتل ميقات سلم نفسة واعتبروها قضية شرف وغسل عار وانحكم 3 أشهر وطلع
امااا سامر من ابوة سمع هيج سفر ابنة خارج العراق
وهو دفع فصل وشال من المنطقة
امااخوات ميقات امهن عافتهن وراحت لاهلها لان عمامهن تحلفوا بيها يقتلونها لأن معرفت اتربي بناتها
وسعاد اخذها طاهر والسب والشتم عليها من الصبح لليل لازوج محترمها ولاعيال وصارت خدامة
وأما سهى ففقدت عقلها وصارت مجنونة وتفتر بالشوارع
مقتلوها
مسوت شي
هييييي هيييي هييي
المسودنة المسودنة
امشوا منا امشوا
الى هنا حبايب قلبي اختم وياكم قصتي واتمنى استفدتوا من العبرة والموعضة من القصة حقيقية وانصح البنات قبل متقدمين على أي شي فكري بخواتج وابوج واخوج وخلي الهم اعتبار لأن كلشي يأثر عليهم والي يحبج يدك الباب مايدخل من الشباج مثل ميقات شنو حصلت غير خسرت نفسها وشتت عائلتها بسبب لحظة طيش منها والى الآن سامر عايش حياتة واتزوج وخلف بس بقى تأنيب الضمير بية
وخايف لا الله يطلعها بناتة حتى مدرسة مخلاهم يكملن يخاف عليهن ونصيحتي لشباب همين من طرق باب الناس طرق بابة
مع تحياتي الكاتبة #Dina