انا و نتا (مستقيمان.. متوازيان لا يتلاقيان... )

parte 7

قطعت مع سلمى و هزيت ساكي وخرجت شديت طريق نيشان لدار اية اقصد الڤيلا
وصلت حدا لڨيلا بديت كانكلاكسوني باش يحلوا ليا مي ...تحل الباب كان جاد
انا: اووف صبحنا علا الله
جاد : بلا مادخلي طوموبيل
انا: وعلاش
جاد: غانمشيو لسوبر ماركت باش نجيبوا شي تويشيات خاصين
انا: سير اخويا هز طوموبيلتك او جيب لي خصك
جاد: واااو شحال فيك ديال النگييييير و نگارة بالبيان
انا: بزااااف عليك و جمع راسك
ركب حدايا بلا ماياخد الادن و گاليا
جاد: باركا راه خصنا نتسخروا
انا: اووف واخا .......وصلتوا لسوبر ماركت
هو:  ماغاتنزليش
انا: نن
جاد: راه نتي غاتعرفي كتر مني فهادشي عطاني الورقة و تبعتوا
دخبنا للسوبر ماركت هيا هاديك هزيت الورقة لقيت فيها
2علب من حلوة الدونات
4 كلغ من الكفة و صوصيت
الخبز
مخلالات و الضرة المعلبة
المونادة و العصير
4علب من النقانق
انا: شوف غانتفرقوا كولا واحد إحز حاجة
جاد: لا غانبقاو مجموعين مافيا ليقلب عليك plus انا مافاهم والو فهادشي انا غانجر ليك الكروسة و نتي تقداي ...بدينا فالصخرة حتا دازت من حدانا واحد المرأة كبيرة شوية و راجلها طويل و مبودر باينة فيه كان كايلعب لحديد و بيض وشعروا رطب و صفر الموهيم كايشبه للجاد و المرأة قصيورة بحالي و غليوضة من اللتحت بحالي .... المهم وقفات و هي تشدني فيدي و قالت ليا: عرفتي شنوا ابنتي فكرتيني فياماتي هههه يامات شباب و سبحان الله حتا راجلي كان بحال هاكا راجلك كايشبه ليه هههه ياك الحاج عقلتي يامات صغر و المدابزة انا وياك هههه ابنتي كنت بحالك هاكة انا دافعة عليه كبير و هو معفر
حتا جبناها فراسنا لقينا راسنا غااارقين فدوامة الحب ههههه
الرجل: الولدي بغيت نگوليك تهلا فمرتك راه واخا تشوفهوم هاكة مغوبشات و قبحات لاكن قلبهوم بيض و إلا حبوك ايطيحوا فالعافية علا ودك
جاد : اه اعمي عندك الصح غير كون هاني مرتي راني دايرها فعيني و حط يدوا علا كتفي و جرني لعندوا زعما راه مرتوا 
المرأة و الرجل : يلاه الوليداتي بسلامة تهلاو فراسكوم
انا : بسلامة تشرفت بمعرفتكون
جاد: حتا انا
غار مشاو و انا نتنتر من يديه
انا: شتك تيقتي راسك
جاد: والله
كملنا لمقديا و جينا للڨيلا ديالهوم
دراري : او اش هاد تعطيلا كاملا مشيتوا صنعتوه
جاد: هههههه لا راه (مازال ماكمل هدرتوا عفط ليه علا رجليه و هوا يسكت )
دخلنا و جلست نستراح شوية ... البنات كيوجدوا ليصلاد و دراري كايشويو
و انا كانقب من هنا و من هنا هههههههههههه
الدراري : يالاهو حنا سالينا
نضت انا  كانقاد  الطبلة باش ايحطو لينا .....گلسنا تغدينا كلينا حتا شبعنا ....
اية : تجي نلعبوا لحكيم
كولنا: اوووك ...درنا مجموعة و جلسنا جات فاللول فيا و  نادية  انا حكمة عليها تعطيني الصاك لي خدات ب 2000dh بالبكا باش عطاتو ليا هههههه كما اقول دائما عبارتي شهيرة "انا شريرة هاهاها " بقينا كانلعبوا حتا وصلا ف اية و هي تقول لينا : انا غافرق عليكوم شي نوامر من 1 حتال8 لي جات فيه 4و 7 غادي يمتلوا لينا مشهد ديال الحبيب كايعتارف بالحب ديالوا لحببتوا وغيعرض عليها زواج ... تفرقوا علينا كولا واحد ورا نمرتوا انا جاتني 4 بقيت كانشوف شكون غايجي فيه 7 و للأسف كان جاد
جاد: انا7
انا:4
علي : ايوا يالاه راه بغينا نتفرجوا
انا:(وقفت انا و جاد وسط منهوم) : يلاه هاني وقفت
جاد: عفاف من نهار شفتك و انا ماشي هو هاداك ... انا من ديما عارفني دراري حتا شي وحدة ماكانفكر فيها اولا كاتشغل بالي حتا ألا شغلاتوا فما كاتفوتش يوماين  ..... نتي غييير البنات سحرتيني بعفويتك ...بضحكة ديالك ..بقلبك البيض و الكبير .... بقوة شخصيتك. ...بسرعة الغضب ديالك و حتا طولة لسانة و دكاء ديالك .....من هادشي كامل عفاف انا كانبغيك ...تقبلي تزوجي بيا
ووقع ما لم يكن في الحسبان عمي و بابا سمعوا الحوار كاااامل
بابا: انا بعدا قابل ...والكين اولدي صواب انك تجي تخطبها عندي مي ماشي موشكيل نتا بحال ولدي
عمي(اسماعيل): مبروك عليكوم اولادي انا بعدا فرحتوني (تعانق هو و بابا )مبروك علينا اخويا ...وجد اليوم بالعشية جايين نخطبو بنتي عفاف لولدي جاد
انا: لا لا لا اعمي نتوما فاهمين غالط
بابا : مافاهمين والوا غلاط عرفنا بلي كاتبغيو بعضياتكوم و حنا قبلين
جاد: عمي بلاتي نشرح ليك
عمي: ماكين ماتشرح اولدي .... ياله ا نسبي نمشيو نگولوها للعيالات باش اوجدوا ...مشاو و خلاونا كيبحال الحماق غانتصطاو
انا: اية نتي بديتي هادشي فكيه
جاد: اه مانعقلش عليك
اية : انا اش غاندير ليكوم انا ماعرفتش بلي هكا غايوقع
انا: اويييلي مشينا فيها
يتبع وااااا عيباد الله واااا ناس نتوما مالكوم ميكين عليا و تفاااعلوا و بغيتكوم ترونوا دنيا بالكومنت و ونتوما ناعسي انا بعدا مقلقا منكوم لحت البارت فالقصة الوخرا و حتا واحد ماكلف راسوا يهدر ولا يدير ڨوتي الا واحد الشخص عقلوا فيها ...انا ماغنلوح حتا شي بارت الا ما درتوا كومنت و ڤوتي يااااله